ەمىل وزەنىندە بالىق اۋلاۋعا تيىم سالۋ قيمىلى جاقسى جۇرگىزىلۋدە
2018.04.19 15:22
9 - ءساۋىر تۇستەن كەيىن ەمىل وزەنىنىڭ قامىس بىتىك وسكەن قويناۋىنىڭ توبەسىنەن ءوتىپ بارا جاتقان UAV (ۇشقىشسىز ايروپلان) كەڭىستىكتە كىلت توقتاي قالدى. «مىنا جەردەن جاعداي بايقالدى» دەگەن زاڭ اتقارۋ قىزمەتكەرى تيان گولياڭنىڭ داۋىسى ءبارىمىزدى سەلك ەتكىزدى.
تيان گولياڭنىڭ قولىنداعى باقىلاۋ اسپابىنا UAV جىبەرگەن كەسكىندەردىڭ ىشىندەگى بىرنەشە اق نوقات ونىڭ نازارىن بولگەن ەكەن.
وسى كۇنى تۇستەن كەيىن ەمىل وزەنى اعارىنىڭ ەكولوگياسىن قورعاۋ زاڭ اتقارۋ مەكەمەسى زاڭ اتقارۋ قىزمەتكەرلەرىن ەمىل وزەنىنىڭ ەكى جاعاسىن بويلاپ باتىستان شىعىسقا قاراي تەكسەرۋ جۇرگىزۋگە ۇيىمداستىرعان ەدى.
كوپىردەن شىعىسقا قاراي 7 كيلومەتر ارالىقتاعى ءبىر قويناۋعا تاياعاندا زاڭ اتقارۋ قىزمەتكەرلەرى توقتاي قالدى. وزەن وسى اراعا كەلگەندە اعىسى باياۋلاپ، كولەمدى سازداۋىت قالىپتاستىرعان. بىتىك قامىستان وزەن ارناسىنا كوز سالۋ قيىن بولعاندىقتان، زاڭ اتقارۋشى قىزمەتكەرلەر دەرەۋ UAV ۇشىردى.
«توردىڭ قالقىماسى بولۋى مۇمكىن». زاڭ اتقارۋشى قىزمەتكەرلەر اپپاراتقا تۇسكەن كەسكىنگە قاراپ وزەنگە تور تارتىلعانىن توپشىلادى.
بىتىك قامىستى ارالاپ وزەنگە جەتكەن قىزمەتكەرلەر قالقىمانى بويلاپ ۇزىندىعى 30 مەتر كەلەتىن توردى سۋ بەتىنە شىعاردى. تورعا قامالىپ قالعان ۇزىندىعى 60 سانتيمەتر كەلەتىن 6 بالىق توردان شىعا الماي تايشا تۋلايدى.
«نەدەگەن جاسىرعان، سۋ بەتىنە از عانا بولەگى شىعىپ تۇرعان بۇل توردى الىستان بايقاۋ وتە قيىن»، ـــ زاڭ اتقارۋ قىزمەتكەرى ۋ چىڭشىڭ بالىقتاردى ءبىر - بىردەن توردان اجىراتىپ جاتىپ، ـــ«اسىقپاڭدار، قازىر-اق وزەنگە قويا بەرەمىز»، ـــ دەپ بالىققا دا سويلەپ قويادى.
ۇعىسۋعا قاراعاندا، 1 - ساۋىردەن باستاپ ەمىل وزەنى ەكى ايلىق بالىق اۋلاۋعا تيىم سالۋ مەزگىلىنە وتكەن. ەمىل وزەنى اعارىنىڭ ەكولوگياسىن قورعاۋ زاڭ اتقارۋ مەكەمەسىنىڭ قىزمەتكەرلەرى دە باسباي كوپىرىنىڭ جانىنداعى قىزمەت تۇيىنىنە جايعاسىپ، كۇنىنە 24 ساعاتتىق شارلاۋ جۇرگىزىپ، ەمىل اعارىنىڭ ەكولوگيالىق ورتاسى مەن ەكولوگيالىق تەپە-تەڭدىگىن قورعاۋ جۇمىسىنا كىرىسكەن.
بيىل UAV سياقتى جوعارى تەحنيكالىق جابدىقتاردىڭ قولدانىلۋى زاڭ اتقارۋ قىزمەتكەرلەرىنىڭ جۇمىسىنا كوپ سەپتىگىن تيگىزە باستادى.
«قاي جەردە ادام ءجۇر، قاي ارادان اۆتوموبيل ءوتتى، UAV بارلىعىن كورە الادى»، ـــ دەدى تيان گولياڭ. وسى ۇشاق جىبەرگەن «اقپار» زاڭ اتقارۋ قىزمەتكەرلەرىنىڭ دالەل - ىسپات الۋىنا وتە ءتيىمدى بولعان.
10 - ءساۋىر تاڭەرتەڭ ۋ چىڭشىڭ باسباي كوپىرىنىڭ استىنا بارىپ، بالىققا بەرگەن «ۋادەسىن» ورىندادى. قولدان شىعىسىمەن بالىقتار قۇيرىقتارىن سابالاپ تەرەڭگە قاراي جۇزە جونەلدى. ال ولاردى شاۋجايلاپ العان تور ءبىر جاقتا وتقا تاستالىپ ورتەلىپ جاتتى.
ەمىل وزەنىندە 20 نەشە ءتۇرلى سۋىق سۋ بالىعى وسەدى، تيداۋسىز اۋلانعاندىقتان، سانى ازايىپ، كەيبىرەۋىنىڭ تۇقىمى قۇرۋعا تاياعان. ەمىل وزەنىنىڭ بالىق بايلىعىن قورعاۋ ءۇشىن، تارباعاتاي ايماعى 2007 - جىلدان باستاپ ەمىل وزەنىندە بالىق اۋلاۋعا تيىم سالۋ قيمىلىن باستاعان.
بالىقتى وزەنگە قويا بەرۋ بارىسىن كورىپ تۇرعان وسى ماڭداعى تۇرعىن لي بيڭجياڭ: جاقىنعى جىلداردان بەرى بالىق اۋلايتىندار ازايدى، بالىق مولايدى، وزەن جاعاسىنداعى ءشي جاقسى ءوسىپ، قورشاعان ورتا دا وڭالا ءتۇستى، ـــ دەدى.
ۇعىسۋعا قاراعاندا، 2017 - جىلعى بالىق اۋلاۋعا تيىم سالۋ مەزگىلىندە زاڭ اتقارۋ مەكەمەسى زاڭسىز بالىق اۋلاۋ دەلوسىنان 24ىن، زاڭسىز بالىق اۋلاۋشىلاردان 150 ادامدى ءبىر جايلى ەتىپ، 2500 كيلوگرامنان استام بالىقتى قايتا وزەنگە قويا بەرگەن.
زاڭ اتقارۋ مەكەمەسى زاڭ اتقارۋ 2 - اترەتىنىڭ باستىعى گو حۇي: ەكولوگيالىق ورتانى قورعاۋ تانىمىنىڭ كۇشەيۋى جانە زاڭ اتقارۋ تەبىنىنىڭ ارتۋىنا بايلانىستى قازىر زاڭسىز بالىق اۋلاۋ ارەكەتى ازايدى. بيىل زاڭ اتقارۋ قىزمەتكەرلەرى ۇگىتتى كۇشەيتۋمەن بىرگە، زاڭسىز اۋلاۋ ارەكەتىنە باتىل سوققى بەرىپ، ەمىل وزەنىنىڭ ەكولوگيالىق ورتاسىن جاقسى قورعايدى، ـــ دەيدى. ۋىن بو، اقىل ابدەش ۇلى
كەلۋ قاينارى:تارباعاتاي گازەتى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
