بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

نىلقى، جەمەنەي اۋداندارى كەدەي اۋدان قاتارىنان شىعارىلدى

  بۇكىل شينجياڭنىڭ 2018 - جىلعى كەدەيلىكتەن قۇتىلدىرۋدان قامال الۋ قىزمەتى ءتارتىپتى ىلگەرىلەدى

2018.10.15 13:53     كەلۋ قاينارى : ءتاڭىرتاۋ تورابى

 ليۋ ي 10 - ايدىڭ 11 - كۇنى ۇرىمجىدەن حابارلايدى. ءتىلشىنىڭ اۆتونوميالى رايوندىق كەدەيلەردى سۇيەمەلدەۋ - وركەندەتۋ كەڭسەسىنەن ۇعىسۋىنشا، تاياۋدا اۆتونوميالى رايوندىق حالىق ۇكىمەتىنىڭ بەكىتپە جازىپ ماقۇلداۋىمەن ىلە قازاق اۆتونوميالى وبلىسىنىڭ نىلقى اۋدانى، التاي ايماعىنىڭ جەمەنەي اۋدانى مەملەكەتتىڭ ارناۋلى ساراپتاۋ - تەكسەرۋىنەن ءوتىپ، كەدەي اۋدان قاتارىنان شىعارىلعان. وسىعان دەيىن بۇكىل رايونىمىز بويىنشا 7 اۋدان كەدەيلىكتەن قۇتىلىپ، قالپاعىن تاستادى.

  تانىستىرۋعا قاراعاندا، 2013 - جىلدان بەرى، نىلقى اۋدانى مەن جەمەنەي اۋدانى كەدەيلەردى دالمە - ءدال سۇيەمەلدەۋگە، كەدەيلىكتەن دالمە - ءدال قۇتىلدىرۋعا تاباندى بولىپ، كەدەيلەردى سۇيەمەلدەۋ شارالارىن مۇقيات تياناقتاندىرعان، كەزەكتە ءتۇرلى كورسەتكىشتەردىڭ بارلىعى كەدەي اۋدان قاتارىنان شىعارۋ ولشەمىنە جەتكەن. نىلقى اۋدانىنىڭ كەدەيلىك تۋىلۋ سالىستىرماسى 2013 - جىلدىڭ سوڭىنداعى %20.07تەن قازىرگى %10.8كە تومەندەپ، 7287 وتباسىنداعى 27 مىڭ 996 ادامنىڭ كەدەيلىكتەن ۋاعىندا قۇتىلۋىن، 30 كەدەي قىستاقتىڭ كەدەيلىك تىزىمىنەن شىعۋىن جۇزەگە اسىرعان، كەدەي وتباسىلارىندا وقۋ جاسىنداعى وقۋشىلاردىڭ وقۋدان قول ءۇزۋ جاعدايى تۋىلماعان، نەگىزدىك وقۋ - اعارتۋدىڭ قامتۋ مولشەرى %100كە جەتكەن؛ جەمەنەي اۋدانىنىڭ كەدەيلىك تۋىلۋ سالىستىرماسى 2013 - جىلدىڭ سوڭىنداعى %35.86تەن قازىرگى %0.57كە تومەندەپ، 32 كەدەي قىستاقتىڭ تۇگەلدەي كەدەيلىك تىزىمىنەن شىعۋىن جۇزەگە اسىرعان.

  اۆتونوميالى رايوندىق كەدەيلەردى سۇيەمەلدەۋ - وركەندەتۋ كەڭسەسىنىڭ قاتىستى جاۋاپتىسى بىلاي دەپ تانىستىردى: بيىل جىل باسىنان بەرى، بۇكىل رايونىمىز كەدەيلىكتەن قۇتىلدىرۋدان قامال الۋ نىساناسىنا جانە كەدەيلەردى سۇيەمەلدەۋدىڭ قازىرگى ولشەمىن وزگەرتپەۋگە تاباندى بولىپ، نازاردى اۋىر كەدەي وڭىرلەر مەن ەرەكشە كەدەي توپتارعا شوعىرلاندىرىپ، كەدەيلىكتەن قۇتىلدىرۋدان قامال الۋ قىزمەت سەرپىنىن ۇزدىكسىز ارتتىردى، 2018 - جىلى 454 مىڭ 800 كەدەيدى كەدەيلىكتەن قۇتىلدىرۋ، 510 كەدەي قىستاقتى كەدەيلىك تىزىمىنەن شىعارۋ، 3 كەدەي اۋداننىڭ قالپاعىن الۋ سىندى بەلگىلەنگەن مىندەت ءساتتى ىلگەرىلەۋدە.

  قازىر بۇكىل رايونىمىزدىڭ كەدەيلەردى سۇيەمەلدەۋ ۇلكەن جۇلگەسى جاپپاي قالىپتاسىپ، كەدەيلەردىڭ ىشكى قوزعاۋشى كۇشى ۇزدىكسىز نىعايعان، كەدەيلەردى ارناۋلى نىسانمەن سۇيەمەلدەۋ، كەدەيلەردى كاسىپ سالاسىمەن سۇيەمەلدەۋ، كەدەيلەردى شينجياڭعا كومەكتەسۋ ارقىلى سۇيەمەلدەۋ، كەدەيلەردى قوعامدىق جاقتان سۇيەمەلدەۋ سياقتى ءبىر - ءبىرىن تولىقتايتىن «ءتورت ءبىر تۇلعالانعان» كەدەيلەردى سۇيەمەلدەۋ ۇلكەن جۇلگەسى قالىپتاسىپ، بۇكىل قوعام كەدەيلىكتەن قۇتىلدىرۋدان قامال الۋعا ات سالىساتىن بىرىككەن كۇش ىشكەرىلەي شوعىرلانعان. الداعى جەردە، بۇكىل رايونىمىزدىڭ ارحيۆ تۇرعىزىلىپ، كارتچكا بەرىلگەن كەدەيلەر، كەدەي قىستاقتاردى كەدەيلىك تىزىمىنەن شىعارۋ جانە كەدەي اۋدانداردىڭ قالپاعىن الۋ جۇمىسى اۆتونوميالى رايوننىڭ رەتتەگەننەن كەيىنگى كەدەيلىكتەن قۇتىلدىرۋدان قامال الۋدىڭ «13 - بەسجىلدىق» جوسپارىمەن جانە جىلدىق جوسپارمەن ءونىمدى ۇشتاستىرىلىپ، كەدەيلىكتەن قۇتىلدىرۋ ۋاقىتى ۇيلەسىمدى بەلگىلەنىپ، كەدەيلىك تىزىمىنەن شىعارۋدا زور تولقۋ تۋىلۋىنان ساقتانىپ، كەدەيلىكتەن قۇتىلدىرۋ ساپاسىن شىنايى جوعارىلاتادى.

  اۆتونوميالى رايوندىق حالىق ۇكىمەتىنىڭ بەكىتپەسىندە بىلاي دەپ تالاپ ەتىلدى: مۇنان كەيىنگى ءبىر مەزگىلدە، نىلقى اۋدانى، جەمەنەي اۋدانى مەملەكەتتىك كەڭەستىڭ كەدەيلەردى سۇيەمەلدەۋ - وركەندەتۋگە باسشىلىق ەتۋ گرۋپپاسىنىڭ، اۆتونوميالى رايوندىق پارتكوم مەن ۇكىمەتتىڭ قىزمەت ورنالاستىرۋىنا ساي، كەدەيلىكتەن قۇتىلدىرۋدان قامال الۋدىڭ ءتۇرلى قىزمەتتەرىن جالعاستى ويداعىداي يگەرىپ، سالعىرتسۋ، بوزكۇيەزدىككە سالىنۋ جاعدايىنىڭ تۋىلۋىنان ساقتانۋ كەرەك. ارحيۆ تۇرعىزىلىپ، كارتچكا بەرىلگەن كەدەيلەردى سۇيەمەلدەۋ سەرپىنىن كۇشەيتىپ، كەدەيلىكتەن قۇتىلدىرۋ، كەدەيلىك تىزىمىنەن شىعارۋ ناتيجەسىنىڭ ورنىقتى، باياندى بولۋىنا كەپىلدىك ەتۋ كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار