بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

قۇلجا قالاسى «دەنساۋلىق ساقتاۋعا» ساياتىن بىلىقپالىقتى وڭاۋدا كەزەڭدىك ناتيجەگە قول جەتكىزدى

جالعان دەنساۋلىق ساقتاۋ بۇيىمىن ساتقان ءۇش تيجارات ورنى انىقتالدى

2019.02.26 14:28    

  ءتىلشىمىز لي يافىڭ حابارلايدى. «دەنساۋلىق ساقتاۋ بۇيىمدارى تيجاراتىمەن شۇعىلداناتىن 180 نەن استام ورىنعا تەكسەرۋ جۇرگىزىلىپ، 3 دەلو تۇرعىزىلىپ، 2 دەلو قارالىپ، ءبىر دەلو قوعام حاۋىپسىزدىگى تاراۋلارىنىڭ ءبىر جاقتى ەتۋىنە جولداندى». 2 – ايدىڭ 19 – كۇنى قۇلجا قالالىق بازار باقىلاپ – باسقارۋ مەكەمەسى «دەنساۋلىق ساقتاۋ» بۇيىمدارى بازارىنداعى بىلىقپالىقتى وڭاۋ «ءجۇز كۇندىك قيمىلى» ورىستەتىلگەننەن بەرگى قول جەتكىزگەن كەزەڭدىك ناتيجەنى جاريالادى.



  قازىر بازاردا ساتىلىپ جاتقان دەنساۋلىق ساقتاۋ بۇيىمدارىنىڭ ءتۇرى كوپ، ءونىمى دە ءار ءتۇرلى. دەنساۋلىق ساقتاۋ بۇيىمدارىن الدامشىلىق تاسىلمەن ۇگىتتەۋ، زاڭعا قايشى جارنامالاۋ، تۇتىنۋ الدامشىلىعى، جالعان بۇيىمداردى جاساۋ، ساتۋ، زاڭسىز وتكەرمەلەپ ساتۋ سياقتى ماسەلەلەر كوپتەپ تۋىلىپ، تۇتىنۋشىلاردىڭ زاڭدى ۇقىق - مۇددەسىنە اۋىر زيان جەتكىزىپ، بازار ءتارتىبىن بىلىقتىرۋدا.



  «ءبىز قالاداعى ءبىر ءبولىم دەنساۋلىق ساقتاۋ بۇيىمدارى دۇكەندەرىنە باقىلاۋ – تەكسەرۋ جۇرگىزۋ بارىسىندا ولاردىڭ بەكىتۋدەن وتپەگەن قالامپىر مايىنىڭ 9 تۇرىنەن 84 قوراپ، كوكيا تۇيمەشەگىنىڭ 5 تۇرىنەن 18 قوراپ، قارا مەرۋەرت تۇيمەشەگىنىڭ 4 تۇرىنەن 63 قوراپ، بۋىن قابىنۋ اۋرۋىنا ىستەتىلەتىن مايدىڭ 34 تۇرىنەن 981 قوراپ ساۋدالاعاندىعىن تەكسەرىپ انىقتادىق. بۇل ونىمدەردىڭ سىرتقى قورابىندا ەمدەۋ رولى، شيپا بولاتىن اۋرۋ تۇرلەرى، ەمدەۋ ونىمدىلىگى، جۇڭگوشا دارىلىك قۇرامى سياقتىلار عانا جازىلعان، بەكىتۋ ءنومىرى جازىلماعان. ەلىمىزدىڭ <ءدارى – دارمەك باسقارۋ زاڭىنداعى> قاتىستى بەلگىلەمەلەرگە ساي جوعارىداعى ونىمدەردى جالعان ءدارى دەپ قاراپ، ناق مايداندا ءمۇسادىرالاپ، تيجاراتشىعا اكىمشىلىك جاقتان جازا بەرىپ، دەنساۋلىق ساقتاۋ بۇيىمدارى بازارىنداعى بىلىقپالىقتى ءونىمدى تەجەدىك» دەدى قۇلجا قالالىق بازار باقىلاپ – باسقارۋ مەكەمەسى بازار باسقارۋ ورتالىعى 4 – باقىلاپ – باسقارۋ اترەتىنىڭ باستىعى ليۋ ساييۇن تىلشىگە.



  ۇعىسۋعا قاراعاندا، ورتالىق، مەملەكەتتىك كەڭەس باسشىلارىنىڭ ماڭىزدى بەكىتۋلەرىنىڭ رۋحى مەن تالاپتارىن دايەكتى تياناقتاندىرىپ، دەنساۋلىق ساقتاۋ ونىمدەرى بازارىنداعى بىلىقپالىقتى ءونىمدى تەجەپ، حالىق جۇرتشىلىعى نازار اۋدارىپ وتىرعان ماسەلەلەرگە جاۋاپ قايتارۋ ءۇشىن 1 – ايدىڭ 8 – كۇنىنەن 4 – ايدىڭ سوڭىنا دەيىن قۇلجا قالاسى دەنساۋلىق ساقتاۋ بۇيىمدارى بازارىنداعى بىلىقپالىققا قاراتا بىرلەسىپ سوققى بەرۋ، اداقتاۋ، وڭاۋ «ءجۇز كۇندىك قيمىلىن» ورىستەتەدى ەكەن. ءبىر ءبولىم تيجاراتشىلاردىڭ دەنساۋلىق ساقتاۋ بۇيىمدارىن ءوندىرۋ، ساتۋ بارىسىندا فاكتىنى جالعاننان جاساپ، ءونىمنىڭ ىستەتىلۋى مەن ونىمدىلىگىن اسىرىپ ايتىپ، جالعان ۇگىت جارناماسىن جاساۋ ارقىلى تۇتىنۋشىلاردى الداۋ، جالعان، جارامسىز ونىمدەر ءوندىرۋ، ورىنسىز تيجارات ءتاسىلى ارقىلى تۇتىنۋشىلاردى، اسىرەسە، قارتتاردى، ناۋقاستاردى، ءالسىز توپتاردى الداپ، بازار ءتارتىبىن ءبۇلدىرىپ، تۇتىنۋشىلاردىڭ ۇقىق – مۇددەسىنە سۇعاناقتىق جاساۋ ارەكەتتەرىنە سوققى بەرۋگە كىرىسكەن.


  قۇلجا قالالىق بازار باقىلاپ – باسقارۋ مەكەمەسى بازار باقىلاپ – باسقارۋ ءبولىمىنىڭ باستىعى گاۋ يۇيلي بىلاي دەدى: بۇل رەتكى وڭاۋدا ءتۇيىندى كاسىپتەر مەن سالالاردى، ءتۇيىندى ورىندار مەن وڭىرلەردى، ءتۇيىندى كەزەڭ مەن ارەكەتتەرگە ساي، جۇڭگوشا شيپاگەرلىكتەگى «اۋرۋدىڭ الدىن الۋ»، «دەنساۋلىق ساقتاۋ»، «اۋرۋدى ەمدەۋ» دەگەن جەلەۋمەن نەمەسە دارىگەرلىك نازارياسىن جانە اتاۋلارىن جامىلىپ، باسقالاردى الداپ – ارباۋ، تۇتىنۋشىلاردى زاڭسىز ەمدەلۋگە زورلاۋ، زاڭسىز پايدانى كوزدەۋ ارەكەتتەرى قاتاڭ تەكسەرىلىپ انىقتالدى. اۋىل – قىستاقتاعى اۋىل شارۋاشىلىق ونىمدەرى بازارى مەن شالعاي اۋىل – قىستاق وڭىرلەرىندەگى تۇتىنۋشى بۇقارالىق توپتىڭ مۇددەسىنە زيان جەتكىزگەن جالعان، ساپاسىز ونىمدەردى جاساپ ساتۋ ارەكەتتەرى قاتاڭ تەكسەرىلدى؛ تۇتىنۋشىلاردىڭ ۇيلەسىمدى تالابىنان باس تارتۋ نەمەسە ونى قاساقانا كەشەۋىلدەتۋ ارەكەتتەرىنە قاراتا باقىلاپ – باسقارۋ كۇشەيتىلدى؛ بەلگىلەمەگە قايشى تىكە ساتۋ نەمەسە وتكەرمەلەپ ساتۋ ارەكەتتەرى قاتاڭ تەكسەرىلىپ، تىكە ساتۋ كاسىپورىندارى تيجارات جۇرگىزۋشىلەردىڭ ەرەكشە توپتاعىلار ارقىلى قاريدارلار شوعىرىن قالىپتاستىرۋ، ونىمدەرگە مەردىگەر شاقىرۋ جينالىسى، ونىمدەردى تانىستىرۋ جينالىسى مەن ماداقتاپ - سيلاۋ جينالىسىنان پايدالانۋ سىندى تاسىلدەرىنە، تىكە ساتۋ تونىن جامىلۋ، تىكە ساتۋ كاسىپورىندارىنىڭ اتىمەن ونىمدەردى ساتۋ بارىسىندا اسىرەلەۋ نەمەسە جالعان ۇگىت تاراتۋ ارەكەتتەرىنە زاڭ بويىنشا سوققى بەرىلدى؛ ساياحات تۇرلەرىن اقىسىز تارتۋ ەتۋ ارقىلى «دەنساۋلىق ساقتاۋ» ونىمدەرىن ساتۋ، تۇتىنۋشىلاردى ساياحات قيمىلىن وتكىزۋگە ۇيىمداستىرۋ ارەكەتتەرى تەكسەرىلدى.



  قازىر بازاردا ساتىلىپ جاتقان دەنساۋلىق ساقتاۋ ونىمدەرىنىڭ ءتۇرى وتە كوپ، رولى ۇقسامايدى، شىن – جالعاندىعىن پارىقتاۋ دا قيىن. سوندىقتان دەنساۋلىق ساقتاۋ ونىمدەرىن ساتىپ العاندا دۇرىس تاڭداپ، الدانىپ قالۋدان ساقتانۋ كەرەك. گاۋ يۇيلي تىلشىگە بىلاي دەدى: «دەنساۋلىق ساقتاۋ ونىمدەرىن ساتىپ العاندا الدىمەن ‹شارتتى بەلگىسىنە›، ونان سوڭ باستى قۇرامىنداعى ‹دوزاسىنا› قاراۋ، سونىمەن بىرگە، جۇيەلى ارنالاردا ساتىلاتىن دەنساۋلىق ساقتاۋ ونىمدەرىن تاڭداۋ، ەڭ سوڭىندا شىن مانىندەگى تۇتىنۋ باعاسى سالىستىرماسىن كورىپ، حاۋىپسىزدىك تانىمىن جوعارىلاتىپ، دەنساۋلىق قورعاۋ تانىمىن كۇشەيتۋ كەرەك، سوندا عانا الدانىپ قالۋدان ويداعىداي ساقتانۋعا بولادى».


  كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار