موڭعۇلكۇرە اۋدانى مەن جۇڭيۇن ساۋدا – ونەركاسىپ توبى «ىلە جىلقىسى» ايگىلى ماركاسىن بىرگە سومدادى
جىلقىنى دانەكەر ەتىپ، سەلبەستىكتى كۇشەيتتى
2019.07.12 15:56
7 – ايدىڭ – 5 – كۇنى تۇستەن بۇرىن موڭعۇلكۇرە اۋداندىق حالىق ۇكىمەتى مەن جۇڭيۇن ساۋدا – ونەركاسىپ توبى شەكتى سەرىكتىگى وسى زامانعى جىلقى شارۋاشىلىعىن دامىتۋ جونىندەگى جان – جاقتى ستراتەگيالىق سەلبەستىك كەلىسىمىنە قول قويىستى. كەلىسىمنىڭ جاسالۋى ەكى جاقتىڭ سەلبەستىكتى كۇشەيتىپ، دامۋدى بىرگە جوسپارلاۋدا تىڭ ساتىعا قادام تاستاپ، موڭعۇلكۇرەنىڭ، ىلەنىڭ، شينجياڭنىڭ، ءتىپتى، بۇكىل ەلىمىزدىڭ جىلقى شارۋاشىلىعىنىڭ دامۋىن جەبەۋ ءۇشىن تىڭ تەكشە ازىرلەپ، تىڭ ءورىس اشقاندىعىن ايگىلەيدى.
وبلىستىق پارتكومنىڭ شۋجيى جاۋ تيانجيە جانە جۇڭيۇن ساۋدا – ونەركاسىپ توبىنىڭ باس القاسى، مەڭگەرۋشىسى، ىشكى موڭعۇل جۇڭيۇن جىلقى شارۋاشىلىعى توبىنىڭ باس جوراسى، مەڭگەرۋشىسى، جۇڭگو مادەنيەت كاسىبىن جەبەۋ قوعامى جىلقى مادەنيەتى كوميتەتىنىڭ اتقارۋشى القا باستىعى، شينجياڭ جىلقى شارۋاشىلىعى قوعامىنىڭ ورىنباسار باس جوراسى ۋاڭ ۋىنشيڭ قول قويۋ سالتىنا قاتىناستى. وبلىستىق پارتكومنىڭ تۇراقتى مۇشەسى، وبلىستىڭ ورىنباسار باستىعى تاۋ چيڭسۇڭ قول قويۋ سالتىن باسقاردى.
ىلە - تۇلپار مەكەنى. جاقىنعى جىلداردان بەرى مەملەكەت، اۆتونوميالى رايون ىلە جىلقى شارۋاشىلىعىنىڭ دامۋىنا ايرىقشا ءمان بەرىپ كەلەدى، وبلىستىق پارتكوم مەن ۇكىمەت ورايدى مىقتى يگەرىپ، جىلقى شارۋاشىلىعىندا «سەرپىلۋ، سىرتقا شىعارۋ، الۋەتتەندىرۋ» سىندى دامۋ ستراتەگياسىن اتقارىپ، وسى زامانعى جىلقى شارۋاشىلىعىنىڭ ەكونوميكالىق جۇيەسىن كۇش سالا قۇرىپ، جىلقى شارۋاشىلىعىنىڭ دامۋىن جەبەۋدە كورنەكتى ونىمدىلىككە قول جەتكىزىپ، جىلقى شارۋاشىلىعىن شارۋالاردىڭ كىرىستى ارتتىرىپ، اۋقاتتانۋىنداعى ماڭىزدى كاسىپكە اينالدىردى. قازىر ىلە جىلقىسىنىڭ قولدا بار سانى 430 مىڭنان اسىپ، شينجياڭ بويىنشا قولدا بار جىلقىنىڭ %47.8 ىن يەلەيدى. موڭعۇلكۇرە اۋدانىنىڭ قولدا بار جىلقى سانى 107 مىڭ 800 گە جەتىپ، وبلىس بويىنشا قولدا بار جىلقىنىڭ 1/4 ىن يەلەيدى، ىلە شينجياڭ بويىنشا، ءتىپتى، مەملەكەتىمىز بويىنشا اسىل تۇقىمدى جىلقى جەتىلدىرۋ جۇيەسى كەمەلدى، جىلقى مادەنيەتى بازارىنىڭ ىقپالى زور، جىلقى شارۋاشىلىعى عىلىم – تەحنيكاسىندا جاڭالىق اشۋ قابىلەتى ەڭ كۇشتى، جىلقى شارۋاشىلىعىندا حالىقتى اۋقاتتاندىرىپ، كىرىستى ارتتىرۋ قۋاتى ەڭ كورنەكتى رايونعا اينالدى.
جۇڭيۇن ساۋدا – ونەركاسىپ توبى __ ەلىمىزدەگى ماڭداي الدى، كوپ نەگىزدى ساۋدا – ونەركاسىپ توبى ءارى دۇنيە جۇزىندەگى تۇڭعىش جىلقى مادەنيەتى شارۋاشىلىعى، جىلقى ونىمدەرى شارۋاشىلىعى، جىلقى عىلىمى كاسىبى ءبىر تۇلعالانعان، جالپى كاسىپ تىزبەگى جوعارى تەحنيكالىق اشۋ كاسىپورنى، ەلىمىزدەگى جىلقى شارۋاشىلىعى سالاسىنىڭ باستاماشىسى سانالادى.
ۋاڭ ۋىنشيڭ قول قويۋ سالتىندا بىلاي دەدى: جۇڭيۇن ساۋدا - ونەركاسىپ توبى موڭعۇلكۇرە اۋدانىندا شينجياڭ جۇڭيۇن جىلقى شارۋاشىلىعىن دامىتۋ شەكتى سەرىكتىگىن قۇرادى. بۇل سەرىكتىك شينجياڭنىڭ ورنىقتىلىعى مەن دامۋى سىندى ەكى نەگىزگى تاقىرىپتى تىعىز توڭىرەكتەپ، جۇڭيۇن توبىنىڭ وسى زامانعى جىلقى شارۋاشىلىعىن دامىتۋ سالاسىندا عىلىم – تەحنيكادا جاڭالىق اشۋ جەتىستىكتەرى مەن ماركانىڭ ىقپال قۋاتىن ساۋلەلەندىرىپ، موڭعۇلكۇرە اۋدانىن جۇڭگونىڭ وسى زامانعى جىلقى شارۋاشىلىعىنداعى 3 كاسىپتى توعىسپالى دامىتۋدىڭ جاڭا بازاسى ەتىپ قۇرىپ شىعىپ، وسى زامانعى جىلقى شارۋاشىلىعىن شەكارانى بەكەمدەپ، حالىقتى اۋقاتتاندىراتىن كاسىپ ەتۋگە قۇلشىنادى.
جاۋ تيانجيە موڭعۇلكۇرە اۋدانى مەن جۇڭيۇن ساۋدا - ونەركاسىپ توبىنىڭ وسى زامانعى جىلقى شارۋاشىلىعىن دامىتۋ جونىندەگى جان - جاقتى سەلبەستىك كەلىسىمىنە قول قويىسقاندىعىن قىزۋ قۇتتىقتايتىندىعىن ءبىلدىردى. ول موڭعۇلكۇرە اۋدانى مەن جۇڭيۇن ساۋدا - ونەركاسىپ توبىنىڭ «قالىڭ قول جورىققا اتتانۋداي» ارىنمەن، «اعالاپ العا شىعاتىن» باتىلدىقپەن، «تەز العا ىلگەرىلەيتىن» جىگەرمەن، «تابىسقا جەتۋ» بەكىمىمەن تۇلپار رۋحىن ساۋلەلەندىرىپ، جۇڭيۇن تۇلپار كاسىپ باقشاسىنىڭ ەرتەرەك سالىنۋىن، ەرتەرەك ونىمدىلىك كورسەتۋىن جەدەلدەتىپ، ىلە جىلقى شارۋاشىلىعىنىڭ باسەكەلىك قۋاتى مەن قوسىمشا قۇنىن جوعارىلاتىپ، «ىلە تۇلپارى» ماركاسىن ورتاق سومداپ، ىلەنىڭ جىلقى شارۋاشىلىعىنىڭ شينجياڭدى القىپ ءوتىپ، بۇكىل ەلىمىزگە، بۇكىل دۇنيە جۇزىنە بەتالۋىن ىلگەرىلەتۋىن ءۇمىت ەتتى.
جاۋ تيانجيە بىلاي دەدى: وبلىستىق پارتكوم مەن ۇكىمەت جۇڭيۇن ساۋدا - ونەركاسىپ توبىنىڭ ىلەدە دامۋىنا تاماشا ورتا ازىرلەپ، ويداعىداي قىزمەت وتەپ، جۇڭيۇن تۇلپار كاسىپ باقشاسىنىڭ ەرتەرەك سالىنۋىن بارىنشا قولداپ - قۋاتتايدى ءارى تاماشا شارت - جاعداي ازىرلەپ، موڭعۇلكۇرە اۋدانىنىڭ، ءتىپتى، ىلەنىڭ جۇڭيۇن توبىمەن بارىس - كەلىس جاساۋ، سەلبەستىك ورناتۋدا ابزالدىقتارىمەن ءبىرىن - ءبىرى تولىقتاپ، ءوزارا تيىمدىلىك جاساپ، ورتاق پايداعا كەنەلىپ، ورتاق دامۋدىڭ تىڭ دا شۇعىلالى داستانىن كۇش سالادى.
ۋاڭ ۋىنشيڭ مەن موڭعۇلكۇرە اۋداندىق پارتكومنىڭ شۋجيى جاڭ گاڭ ەكى جاقتى سەلبەستىك كەلىسىمىنە قول قويدى.
اۆتونوميالى وبلىستىڭ، موڭعۇلكۇرە اۋدانىنىڭ قاتىستى تاراۋلارىنىڭ جاۋاپتىلارى، جۇڭيۇن ساۋدا - ونەركاسىپ توبىنىڭ قاتىستى جاۋاپتىلارى قول قويۋ سالتىنا قاتىناستى. (لي شين – ان، ما چىڭلۋ)
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
