جياڭسۋ - ىلە ورەندەرى مەن بالالارىنىڭ قول ۇستاسۋ جازعى لاگەرى قيمىلى باستالدى
2019.08.02 14:49
7 – ايدىڭ 21 – كۇنى 2019 – جىلعى «جياڭسۋ – ىلە ورەندەرى مەن بالالارىنىڭ قول ۇستاسۋ ۇلتتار ىنتىماعى بەرەكەلى شاڭىراعى» جازعى لاگەرى قيمىلىنىڭ باستالۋ سالتى وبلىستىق وداق كوميتەتىندە وتكىزىلدى.
جياڭسۋ مەن ىلەدەگى ورەندەر مەن بالالاردىڭ بارىس – كەلىسىن، اۋىس – كۇيىسىن، توعىسۋىن تەرەڭدەتۋ ءۇشىن وبلىسقا توتە قاراستى ورىندارداعى حانزۋ، قازاق، ۇيعۇر، موڭعۇل، قىرعىز، سىبە، حۇيزۋ قاتارلى 7 ۇلتتان قۇرام تاپقان وقۋشىلاردىڭ 39 ۋاكىلى جياڭسۋ ولكەسىنە اتتانىپ، ءبىر اپتا ۋاقىتقا جالعاساتىن اۋىس – كۇيىس قيمىلىن ورىستەتەدى. جياڭسۋ - ىلە ورەندەرى مەن بالالارى جۇپ قۇراپ تۋىستاسىپ، بىرگە ۇيرەنەدى ءارى جياڭسۋ ولكەسىنىڭ نانجيڭ قالاسىنداعى جۇڭسان قابىرىستانى مەن يۇيحۋاتايعا بارىپ، نانجيڭ عىلىم – تەحنيكا سارايى، نانجيڭ مۇراجايى، چاڭجياڭ ۇلكەن كوپىرى، تەڭىز استى سەرۋەنى، جيڭحاي عيباداتحاناسى سياقتى ورىنداردى ەكسكۋرسيالايدى. قيمىل بارىسىندا ەكى جەردەگى ورەندەر مەن بالالار ءوزارا ۇلتتىق سالت – سانانى، مادەنيەتتى ىشكەرىلەي ۇعىنىپ، دوستىقتى نىعايتىپ، جاقسى دوستارعا اينالادى. بۇل رەتكى قول ۇستاسۋ جازعى لاگەرى قيمىلى وتانشىلدىق پەن ۇلتتار ىنتىماعى تۇقىمىنىڭ ەكى جەردەگى ورەندەر مەن بالالاردىڭ كوڭىل تۇكپىرىنە تامىر تارتىپ، قاۋلاي تۇسۋىنە، ىلەدەگى ءار ۇلت ورەندەرى مەن بالالاردىڭ «بەس ورتاق تانىمىن» كۇشەيتىپ، «ءتورت سەنىمىن» بەكەمدەپ، كوز اياسىن كەڭەيتىپ، وزگەرىستى سەزىنىپ، كوزقاراسىن جاڭالاپ، سەنىمىن بەكەمدەي تۇسۋىنە مۇمكىندىك جاراتادى.
وقۋشىلار ۋاكىلى قۇرالاي نۇرساۋلەت قىزى بىلاي دەدى: وسى رەتكى وڭايلىقپەن قولعا كەلمەگەن جازعى لاگەر ورايىن ايرىقشا قاستەرلەپ، جياڭسۋدان جاقسى دوس تابۋدى، جازعى لاگەر اياقتاعاننان كەيىن دە قارىم – قاتىناسىمدى ۇزبەي، ءوزارا حات – حابار الىسىپ تۇرۋدى ءۇمىت ەتەمىن.جياڭسۋ مەن ىلەنىڭ سۇيىسپەنشىلىگى، دوستىعى تەرەڭ ءارى ارىدان جالعاسقان، جياڭسۋ ولكەسى ىلەگە ءارقايسى جاقتان جان – جاقتى قولداۋ كورسەتىپ، كومەك بەرىپ، ەكى جەردەگى ورەندەر مەن بالالاردىڭ اۋىس – كۇيىس جاساۋىنا، ۇيرەنۋىنە كەڭ تەكشە ازىرلەدى. جۋىقتاعى بىرنەشە جىلدان بەرى ەكى جەردەگى ورەندەر مەن بالالاردىڭ اۋىس – كۇيىس، بارىس – كەلىس، توعىسۋ جاقتارىنا شينجياڭعا كومەك بەرۋ قارجىسىنان جالپى 4 ميلليون يۋاننان استام قارجى شىعارىلىپ، جياڭسۋ مەن ىلەدەگى 10 مىڭنان استام ورەن «قول ۇستاسقان» تۋىستارعا اينالىپ، ءوزارا حات جازۋ، ءوزارا قۇتتىقتاۋ كارتۋچكاسىن جولداۋ، ەكراندا اڭگىمەلەسۋ سياقتى اۋىس – كۇيىس قيمىلدارىن كەڭ كولەمدى ورىستەتتى.
2011 – جىلدان بەرى جياڭسۋ مەن ىلەدەگى كوممۋنيستىك جاستار وداعى مەن پيونەرلەر وتريادىنىڭ ورتاق قۇلشىنىس جاساۋىندا جياڭسۋ مەن ىلە «جياڭسۋ – ىلە ورەندەرى مەن بالالارىنىڭ قول ۇستاسۋ ۇلتتار ىنتىماعى بەرەكەلى شاڭىراعى» جازعى لاگەرى قيمىلىن 8 كەزەك ءساتتى وتكىزىپ، ىلەدەگى ءار ۇلت ورەندەرى مەن بالالارىنان جياڭسۋعا بارىپ قول ۇستاسۋ جازعى لاگەرى قيمىلىن ورىستەتۋگە جالپى 400 دەن استام وقۋشىنى تاڭداپ جىبەردى، بۇدان كەيىن تاعى وسى نەگىزدە اناعۇرلىم كوپ ءتيىمدى قيمىلدار وتكىزىپ، ەكى جەردەگى ورەندەر مەن بالالاردىڭ مادەنيەت اۋىس – كۇيىسىن ونان ارى تەرەڭدەتپەك.
7 – ايدىڭ 21 – كۇنى وبلىستىق پارتكومنىڭ، ۇكىمەتتىڭ، جياڭسۋ ولكەسىنىڭ ىلە وبلىسىنا باعىتتامالى كومەك بەرۋ الدىڭعى شەپ قولباسشىلىق شتابىنىڭ قاتىستى باسشىلارى جانە وبلىستىق وداق كوميتەتى مەن وقۋشىلاردىڭ ۋاكىلدەرى اتتاندىرۋ سالتىنا قاتىناستى. (مىڭ شيا)
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
