شينجياڭ تارباعاتاي باقتى وتكەلىندەگى بازار كۇن سايىن جانداندى
«شەكارالىق وتكەل» «شارۋاشىلىق وتكەلىنە» اينالدى
2019.10.11 15:49 كەلۋ قاينارى : حالىق تورابى
حالىق گازەتى، 10 – ايدىڭ 10 – كۇنى، شاۋەشەك (ءتىلشى: حان ليچۇن) شينجياڭ تارباعاتاي ايماعى باقتى وتكەلىندەگى جۇڭگو مەن قازاقستاننىڭ حالىققا قولايلى شەكارالىق بازارىندا ساۋدا گۇلدەنىپ، كۇن سايىن جانداندى. رەسمي ىسكە قوسىلعان ءۇش ايدان بەرى، حالىققا قولايلى شەكارالىق بازار 121 مىڭ ادام – رەت ساياحاتشى قابىلداپ، ساۋدا جالپى سوماسى 51 ميلليون 740 مىڭ يۋانعا جەتتى.
بيىل 6 – ايدىڭ 18 – كۇنى باقتى وتكەلىندەگى جۇڭگو – قازاقستان حالىققا قولايلى شەكارالىق بازارى رەسمي ىسكە قوسىلعان، بۇل باقتى وتكەلىنىڭ «شەكارالىق وتكەلدەن» «شارۋاشىلىق وتكەلىنە» رەسمي بۇرىلىس جاساعانىنان دەرەك بەرەدى. بازاردىڭ جوسپارلانعان جالپى قۇرىلىس اۋماعى 4090 مۋ، ءبىرىنشى مەرزىمدىك جوسپارداعى قۇرىلىسقا پايدالاناتىن جەر اۋماعى 1017 مۋ، قازىر ءبىرىنشى دارەجەلى ساۋدا بازارىنا پايدالاناتىن 360 مۋ جەر مەن ەكىنشى دارەجەلى ساتىپ الۋ بازارىنا پايدالاناتىن 30 مۋ جەردە جوسپار بويىنشا قۇرىلىس نىساندارى جاپپاي باستالدى. جىبەك جولى مادەني تاۋارلار بازارى، جۇڭگو جاق پەن قازاقستان جاقتىڭ كىرىپ – شىعۋ رايونىنداعى قىزمەت وتەۋ ءۇيى قاتارلى حالىققا قولايلى شەكارالىق بازاردىڭ نەگىزدىك قۇرىلعىلارى مەن تەكسەرۋ – كارەنتيندەۋ قۇرىلىستارى سالىنىپ بولىپ، پايدالانۋعا بەرىلدى.
شاۋەشەك قالالىق شەكارالىق ەكونوميكالىق سەلبەستىك رايونى پارتيا قىزمەتى كوميتەتىنىڭ مۇشەسى، باسقارۋ كوميتەتى مەڭگەرۋشىسىنىڭ ورىنباسارى شى شيڭحۋا بىلاي دەپ تانىستىردى: باقتى وتكەلىندەگى حالىققا قولايلى شەكارالىق بازارعا ەنگىزىلەتىن تاۋارلار سومالىق شەكتەمەگە ۇشىرامايدى، بازاردىڭ ساۋدا رايونىندا تەكسەرۋ – كارەنتيندەۋدەن وتكىزىلەدى، حالىققا قولايلى شەكارالىق بازاردىڭ ساۋدا رايونىنان ساتىپ العان تاۋارلار ءوزىمىز ءوندىرىپ، ءوزىمىز ساتقان تاۋارلارمەن بىردەي قارالادى، شەكارالىق بازاردان شىققان كەزدە ءار ادام ءار كۇنى 8000 يۋاندىق كەدەندىك باجىنى كەشىرىم ەتۋ ساياساتىنان يگىلىكتەنە الادى. قازاقستان ازاماتتارى قولايلى بازاردىڭ ساۋدا رايونىنا كەلگەندە 72 ساعات ۆيزاسىز تۇرا الادى.
ءتۇس مەزگىلىندە جىبەك جولى مادەني تاۋارلار سارايىندا جۇرتتىڭ قاراسى كوبەيدى. «بۇل جەردىڭ ورتاسى جاقسى، ءۇيدىڭ ماي اقىسى مەن سۋ، ەلەكتر، جىلۋ، گاز اقىلارى تەگىن»، — دەيدى گو شياۋلي ەسىمدى ساۋداگەر، — «مەن 20 نەشە جىلدان بەرى سىرتقى ساۋدامەن شۇعىلدانىپ كەلەمىن، وسى ارادان تاۋار سارايى اشىلادى دەگەندى ەستىپ، دەرەۋ دۇكەنگە سويلەستىم. قازىر ساياسات سونداي جاقسى، الدا ساۋدامىز دا بارعان سايىن جاندانا تۇسەرىنە سەنەمىن».
قازاقستان تۇرعىنى ايدوس بىلاي دەدى: مەن چوكلاتتى ەكسپورت ەتۋ ساۋداسىمەن شۇعىلدانىپ كەلەمىن، بىرنەشە جىلدان بەرى تارباعاتايدىڭ ساۋدا جاساۋ شارت – جاعدايى ۇزدىكسىز جاقسارىپ كەلەدى، حالىققا قولايلى شەكارالىق بازار سىندى وسى تەكشەنىڭ جەتەكشىلىگىندە شەكارالىق ساۋدانىڭ بارعان سايىن جاقسارا تۇسەتىنىنە سەنىمىمىز كامىل.
باقتى وتكەلى ەلىمىزدىڭ جىل بويى ءۇشىنشى جاققا اشىق ۇستالاتىن ماڭىزدى وتكەلدەرىنىڭ ءبىرى، قازاقستانمەن شەكارالاسادى، شاۋەشەك قالاسىنان 12 كيلومەتر قاشىقتىقتا، 200 نەشە جىلدىق ساۋدا جاساسۋ تاريحى بار، «ورتا ازيانىڭ ساۋدا ءدالىزى» دەگەن اتاعى بار.
جۋىرداعى جىلداردان بەرى، باقتى وتكەلىنەن يمپورت – ەكسپورت ەتىلەتىن تاۋارلاردىڭ قۇرىلىمى كۇن سايىن كوپ ۇيەكتەنە باستادى، كەدەننەن ءوتۋ ۋاقىتى دا زور مولشەردە قىسقاردى، وتكەلدەن اۋىل شارۋاشىلىعى ونىمدەرىن يمپورت – ەكسپورت ەتۋ جالپى مولشەرى مەن تاۋار قۇنى جالپى جاقتان جىل سايىن ارتۋ بەتالىسىن ساقتاپ وتىر. تابيعي شارت - جاعدايى مەن وتكەلدىڭ باسىمدىلىعىنا، سونداي – اق، اۋىل شارۋاشىلىعى ونىمدەرىن جەدەل وتكىزەتىن «جاسىل ءدالىزدىڭ» اشىلۋىنا سۇيەنگەن باقتى وتكەلى جىبەك جولى ەكونوميكالىق بەلدەۋىندەگى تىڭ تىرەككە اينالدى.
شاۋەشەك قالالىق پارتكومنىڭ شۋجيى جاڭ ياۋحۋا بىلاي دەدى: ءبىز جوعارى باستاما، جوعارى ولشەممەن حالىققا قولايلى بازاردىڭ ساۋدا جاعىندا بۇرىلىس جاساپ، دارەجەسىن جوعارىلاتۋىن ىلگەرىلەتىپ، 3 تە 5 جىل ىشىندە باقتى وتكەلىن ەلىمىزدىڭ باتىس سولتۇستىگىندەگى ومىرشەڭدىك قۋاتى ەڭ زور، سىرتقا باعىتتالعان ەكونوميكالىق وندىرىستىك اۋماققا اينالدىرۋعا كۇش سالامىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
