شينجياڭ موڭعۇلكۇرە اۋدانى: «بازار كۇنى» كوكجار قىستاعىنىڭ ومىرشەڭدىك كۇشىن تاسقىنداتتى
2020.05.19 15:47 كەلۋ قاينارى : حالىق تورابى
موڭعۇلكۇرە اۋدانىندا جايشىلىقتاعىداي جاڭا عانا جاڭبىر جاۋىپ اشىلعان ءبىر كۇن ەدى. تاڭەرتەڭ ەرتە اۋا تەمپەراتۋراسى ءبىرشاما تومەن بولاتىن، ءبىراق بۇل قاشاجار قالاشىعى كوكجار قىستاعىنداعى تۇرعىنداردىڭ كوڭىل ـ كۇيىنە ەشقانداي ىقپال جاساي المادى. وسى كۇنى ولاردىڭ جاڭا ءۇمىتىن ارقالاعان«شاعىن بازار» اشىلعان - دى. كوپشىلىك ەرتەمەن وسى اراعا كەلىپ،« شاعىن بازار» دۋمانعا بولەندى.
شينجياڭدا «بازار» ساۋدا ورنى دەگەن ماعىنادا، قاشار قالاشىعى كوكجار قىستاعى اۆتونوميالى رايون دارەجەلى كەدەي قىستاق، ارحيۆ تۇرعىزىلىپ، كارتۋچكا بەرىلگەن 150 كەدەي وتباسىنداعى 548 ادام قازىر تۇگەلدەي كەدەيلىكتەن ارىلدى. كەدەيلىكتەن ارىلتۋدىڭ جەتىستىكتەرىن بەكەمدەپ، قايتا كەدەيلەسۋدەن ساقتانۋ ءۇشىن، موڭعۇلكۇرە اۋداندىق بازاردى باقىلاۋ - باسقارۋ مەكەمەسى تىرەكتىك ورىن رەتىندە، وسى قىستاقتاعى كوپتەگەن قىستاق تۇرعىندارىنىڭ وتباسىنداعى قارتتار مەن بالالاردىڭ «اۋىلدان شىعۋى قيىن بولۋ» ماسەلەسىنە قاراتا، جاقىن ماڭدا جۇمىسقا ورنالاسۋ جاعىندا امال قاراستىرىپ، ناقتى ءادىس - امال تاپتى. قىستاقتا «شاعىن بازاردىڭ» قۇرىلۋى شينجياڭنىڭ وزىندىك ەرەكشەلىككە يە بازار مادەنيەتىنەن باستاۋ العانى ەدى، مۇنداعى ماقسات — وسى قىستاقتاعى قيىنشىلىعى بار بۇقاراعا شارۋاشىلىق قۇرۋ ورايىن ازىرلەپ، ولاردىڭ كەدەيلىكتەن قۇتىلىپ، اۋقاتتانۋىنا دەم بەرۋ.
«شاعىن بازار» اشىلعاننان كەيىن، اپتا سايىن ءبىر رەت اشىق ۇستالىپ، قىستاقتىڭ ومىرشەڭدىك قۋاتىن تاسقىنداتتى. جەرگىلىكتى تاۋىق، جەرگىلىكتى جۇمىرتقا، زالالسىز كوكونىس، نان، سيىر ءسۇتى سياقتى قىستاق تۇرعىندارىنىڭ اۋىل شارۋاشىلىق قوسىمشا ونىمدەرى مەن ءدامدى تاعامدارى «شاعىن بازارداعى» ءوتىمدى بۇيىمعا اينالىپ، جولدان وتكەن ادامداردىڭ نازارىن اۋدارىپ، ىركەس ـ تىركەس ات باسىن بۇرعىزدى، مىنە، وسىلاي 20 عا جۋىق كەدەي وتباسىنا كىرىس ارناسىن اشتى، «بازار كۇنى» وسى قىستاقتىڭ جۇمىسقا ورنالاستىرۋ ارقىلى كەدەيلەردى سۇيەمەلدەۋدەگى جاڭا ۇلگىسىنە اينالدى.
«بۇل مەنىڭ 4 ـ رەت جايما اشۋىم، العاشىندا ءبىراز ۇيلەسە الماي قينالعان ەدىم، داۋىستاپ ايعايلاۋدان دا قىمسىناتىنمىن، قازىر ۇيرەنىپ قالدىم، كوپتەگەن قاريدارلار مەنى شەشەن ەكەنسىڭ دەپ القايدى»، — دەدى بازارداعى العاشقى اسەرىمەن بولىسكەن قىستاق تۇرعىنى جۇماگۇل.
بيىل 56 جاستاعى جۇماگۇل كەزىندە قىستاقتاعى كەدەي وتباسى بولاتىن. كۇيەۋى سوزىلمالى ناۋقاسقا شالدىققان ءارى ساڭىراۋ ەدى. 2015 ـ جىلى ەكى ۇلى ىلگەرىندى ـ كەيىندى قوعامعا شىعىپ اقشا تاپتى، ولاردىڭ وتباسى دا كەدەيلىك قالپاعىن لاقتىرىپ تاستاعان. ويلاماعان جەردەن، بىلتىر جۇماگۇلدىڭ ەكىنشى ۇلى ارميا ىشەك جولى شۇعىل قابىنۋ ناۋقاسىنا شالدىعىپ، ۇلكەن وپەراتسيا جاساتقاندىقتان، وتباسىنىڭ ەكونوميكالىق جاعدايىندا تاعى دا قيىنشىلىق تۋىلدى. 4 ـ ايدا جۇماگۇل «شاعىن بازار» ينفورماتسياسىن ۇعىسىپ، ءبىرىنشى توپتا بازارعا قوسىلعان ادامعا اينالدى. قازىر قىستاقتاعى باسقا 19 «جايما يەسى» سياقتى، جۇماگۇل ءار جەكسەنبى كۇنى تۇستەن بۇرىن از دەگەندە 150 يۋان كىرىس كىرگىزەدى. «بۇل ەندى عانا باستالعان، كەيىن ءتىپتى دە جاقسى بولاتىنىنا سەنەمىن. ەڭ ماڭىزدىسى جايما جايىپ، ءۇي ىشىندەگىلەرگە قارايلاسۋ توتەنشە قولايلى. مۇنداي جاقسى ءىستى بۇرىن ويلاۋعا شىنىندا باتىلدىق ەتە الماعان ەدىم، — دەدى جۇماگۇل.
«العاشقى ايدا بارلىق جايماشىلارعا تۇسكى اس قوسىمشا قاراجاتىن بەرۋ — ءبىز ورتاعا قويعان تيىمدىلىك، ءبىز مەكەمەلەردەگى كادرلار مەن جۇمىسشى ـ قىزمەتكەرلەردىڭ «قاراپايىم تۇرمىس» ارقىلى قىستاق تۇرعىندارىنا «نەسىبە» سيلاۋىن دارىپتەيمىز»، — دەدى موڭعۇلكۇرە اۋداندىق بازار باقىلاۋ ـ باسقارۋ مەكەمەسى پارتيا باسشىلىق گرۋپپاسىنىڭ شۋجيى جاڭ حۋا. ( جي سۇنلي حابارلايدى )
حالىق تورابىنان اۋدارىپ دايىنداعان: ارزىگۇل ابدەش قىزى، ساۋلەت ءشارىپقان ۇلى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
