شينجياڭ موڭعۇلكۇرە اۋدانى : گۇل كومكەرگەن بايتاق دالا بايۋدىڭ جولىن اشتى
حالىق تورابىنان اۋدارىپ دايىنداعان: ارزىگۇل ابدەش قىزى، ساۋلەت ءشارىپقان ۇلى
2020.08.10 16:12 كەلۋ قاينارى : حالىق تورابى
موڭعۇلكۇرە قىشىسى جەرگىلىكتى ورىننىڭ ساياحات ماركاسىنا اينالدى. شينجياڭ موڭعۇلكۇرە اۋداندىق اۋىل شارۋاشىلىعى جانە اۋىل ـ قىستاق مەكەمەسى اۋىل شارۋاشىلىعى تەحنيكالارىن جالپىلاستىرۋ پۋنكتىنىڭ مەڭگەرۋشىسى ۋاڭ حۇڭمەي تىلشىگە بىلاي دەدى: قىشى موڭعۇلكۇرەدەگى ءبىرىنشى ۇلكەن اۋىل شارۋاشىلىق ونىمىنە اينالدى. 2002 - جىلدان كەيىن داعدىلى سورتتان بۋدانداستىرىلعان سورتقا ويىسىپ، قىشىنىڭ بىرلىك ءونىمى، مۋ باسىندىق ءونىمى ەسەلەپ ارتتى. سوڭعى جىلداردان بەرى قىشى ەگىلەتىن جەر كولەمى ۇزدىكسىز كەڭەيىپ، شينجياڭداعى قىشى ەگىلەتىن جەردىڭ جارىمىنان استامىن يەلەدى.
2003 - جىلدان باستاپ موڭعۇلكۇرەنىڭ قىشى گۇلى فوتو سۋرەت ارقىلى ساياحات سالاسىندا اسا تانىمالى بولدى.
التىن تۇستەس تەڭىزدەي تولقىپ جايقالعان قىشى گۇلىن تياناق ەتىپ، ساياحات ارقىلى حالىقتى اۋقاتتاندىرىپ، كىرىستى ارتتىراتىن «جاسىل كاسىپتى» قايتكەندە قالىپتاستىرۋعا بولادى؟ باۋراۋ قۋاتى كۇشتى، كورىكتى قىشى گۇلى اتىزىنان ساياحات ەكونوميكاسىن جاراتۋعا بولا ما؟ دەگەن سۇراققا موڭعۇلكۇرە اۋدانى تاماشا جاۋاپ قايتاردى.
مەملەكەتتىك تاس جول 577 لەنياسىنىڭ بويىندا، موڭعۇلكۇرە اۋدان قالاشىعىنا تاياۋ ماڭدا «مىڭ شاقىرىمدىق گۇل تەڭىزى» سەيىل سەرۋەن باقشاسى ورنالاسقان. ۇكىمەتتىڭ جەتەكشىلىگى مەن قولداۋىندا قۇرىلعان بۇل سەيىل سەرۋەن باقشاسىنىڭ كولەمى 3000 مۋ بولىپ باقشاعا ءتورت ءتۇرلى ءتۇستى اسەمدىك قىشى ەگىلدى. بىلتىر ءبىر كۇندە قابىلداعان ساياحاتشى سانى ەڭ كوپ بولعاندا 6000 عا تاياپ، باقشانى تاماشالايتىن ادام سانى كوپ بولعاندىقتان، باقشا سىرتىندا جەمىس - جيدەك، شاعىن تاعامدار، اۋىل شارۋاشىلىق قوسىمشا ونىمدەرى، ساياحات ەستەلىك بۇيىمدارى جايماسى قۇرىلدى.
موڭعۇلكۇرە اۋداندىق مادەنيەت ـ ساياحات مەكەمەسى پارتيا باسشىلىق گرۋپپاسىنىڭ شۋجيى تاڭ گاڭ تانىستىرىپ بىلاي دەدى: موڭعۇلكۇرە اۋدانى قىشى شارۋاشىلىعىندا كىلەڭ «گۇلىن تاماشالاپ، ماي تارتۋدان» «تاماقتانۋ، جاتىن ورىن، سەيىل - سەرۋەن، ساتىپ الۋ، كوڭىل اشۋدى» ءبىر تۇلعالاندىرعان كوپ ءتۇرلى كاسىپ قۇرىلىمىن جۇزەگە اسىردى، 60 نەشە شارۋا وتباسىنا كومەكتەسىپ، قىشى گۇلىن تاماشالاۋ تەكشەسىن قۇردى. ديقان وتباسى قۇرىلعى كولەمىنە قاراي 5 يۋاننان 10 يۋانعا دەيىن ەسىك بەلەت الادى، جوعارى ولشەمدى سەيىل - سەرۋەن اۋلاسى 120 ورىندا، ساياحات + اۋىل شارۋاشىلىق كاسىپ باقشاسى رايونى 6 ورىندا، ساياحات تاماشالاۋ ءتۇيىنى 80 نەشە ورىندا، ساياحات ارقىلى حالىقتى اۋقاتتاندىرۋدان ۇلگى كورسەتۋ ء ءتۇيىنى 15 ورىندا قۇرىلدى؛ 120 دان استام ساياحات ءتۇيىنىنىڭ دارەتحانا، اسحانا، قوناق ءۇيىن جوعارى ورەدە وزگەرتىپ سالۋعا كومەكتەستى. ۇستەگى جىلى ەگىنشى - مالشىلاردىڭ جان باسىندىق تازا كىرىسى 13 مىڭ 300 يۋانعا جوعارىلاپ، ساياحات كاسىبى ارقىلى 40 مىڭ ادام كاسىپتەندى. موڭعۇلكۇرەنىڭ قىشى گۇلى اتىزىنىڭ باۋراۋ قۋاتى ۇزدىكسىز جوعارىلاپ قانا قالماستان، ديقاندار «گۇل تەڭىزى ەكونوميكاسى» ارقىلى ساياحاتتان مول كىرىس تاۋىپ، بايۋدىڭ سارا جولىنا ءتۇستى.
2019- جىلى مامىر ايىىندا موڭعۇلكۇرە اۋدانى «شوپان جىرى شىرقالعان، گۇل كومكەرگەن موڭعۇلكۇرە» تاقىرىبىن نەگىز ەتكەن، 5 ايعا سوزىلاتىن ساياحات، مادەنيەت مەزگىلىن قارسى الدى، بۇل كۇندەرى، موڭعۇلكۇرەدە تەك التىن سارى ءتۇستى قىشى گۇلى عانا ەمەس، پەريللا گۇلى مەن تاماشا اسەمدىككە يە شۇعىنىق گۇلى، سارانا گۇلى، ماقسارى گۇلى قۇلپىرا اشىلىپ، ساياحاتشىلاردى باۋراپ، ءتىپتى دە كوپ ەگىنشى ـ مالشىلار «گۇل تەڭىزىنەن» پايدالانىپ، اۋقاتتانۋ جولىنا ءتۇستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
