موڭعۇلكۇرە: بايسايدان مول ءونىم الىپ، ساتىلۋىنان الاڭدامادى
ارزىگۇل ابدەش قىزى حابارلايدى
2020.08.10 16:33 كەلۋ قاينارى : حالىق تورابى
«27 مۋ جەردەگى بايسايدان 240 مىڭ يۋان كىرىس كىرگىزدىم»، — دەدى موڭعۇلكۇرە اۋدانى قوناقاي قالاشىعى كەسىك قستاعىنىڭ ديحانى شاۋ فىڭ.
7- تامىز، موڭعۇلكۇرە اۋدانى قوناقاي قالاشىعى كەسىك قىستاعىنىڭ كوكونىس بازاسىندا 160 مۋ جەردەگى بايسايدان مول ءونىم الىندى. ەگىنشىلىكپەن شۇعىلداناتىن شاۋ فىڭ مەن شۇي شاۋجۇن 10 نەشە ديقاندى باستاپ بايساي تەرۋ، ولشەۋ، ماشيناعا تيەۋمەن قاربالاس بولدى. ول ەكەۋى بىرلەسىپ ەككەن ءبىرىنشى توپتاعى ەرتە پىساتىن بايساي ساتىلىپ بىتۋگە تايادى. جۋىردا، ەكىنشى توپتاعى جاي ەگىلگەن بايساي بازارعا شىعادى.
موڭعۇلكۇرە اۋدانى ءۇستىرت وڭىرگە ورنالاسقان، تەڭىز دەڭگەيىنەن ورتاشا بيىكتىگى 2000 مەتر كەلەدى. بۇل ارانىڭ ەكولوگياسى تاماشا، جاۋىن - شاشىندى، توپىراعى قۇنارلى، اۋاسى تازا. ورتاشا تەمپەراتۋرا 13 - 25 گرادۋس ارالىعىندا بولعاندىقتان، 317 مۋ جەرگە ەگىلگەن بايسايدىڭ ءوسىپ- ونۋىنە بارىنشا پايدالى بولدى.
موڭعۇلكۇرە اۋدانى قوناقاي قالاشىعىندا 9 قىستاق بار. كەسىك قىستاعىندا 138 وتباسى 544 جان سانى بار بولىپ، العاشىندا بۇل قىستاق اۋىل شارۋاشىلىق قۇرىلىمىن رەتتەۋدى ىلگەرىلەتىپ، اۋىل شارۋاشىلىعىن كاسىپ سالالاندىرىپ دامىتۋ ءۇشىن 3000 مۋ جەردى كوكونىس ەگۋگە پايدالانۋدى جوسپارلاعان. 20 جىلعا جۋىق دامۋ بارىسى ارقىلى بۇل بازا بايساي، پياز، اس سۇتتىگەن، كوجەكوك، ءسابىز، كارتوپ، سارىمساق قاتارلى كوكونىستەردى ەگۋ كولەمىن قالىپتاستردى، اسىرەسە بۇل ارادا ەگىلەتىن بايسايدىڭ ساپاسى جوعارى، بازارعا ەرتە سالىناتىن ٴارى ساقتاۋعا، تاسۋعا شىدامدى بولعاندىقتان نەگىزىنەن ىلە وبلىسىنا توتە قاراستى 8 اۋدان، 2 قالاعا ساتىلۋمەن بىرگە اقسۋ، ءۇرىمجى، سانجى، شىحىزى سياقتى جەرلەردىڭ بازارلارىندا دا توتەنشە ءوتىمدى بولدى.
«بيىل ەكى ادام سەلبەسىپ 55 مۋ جەرگە بايساي ەكتىك. 10 - شىلدەدەن باستاپ بازارعا شىعارىلدى، ءار مۋىنان ورتا ەسەپپەن 9 توننادان ءونىم الدىق. بازارداعى تولايىم ساتۋ باعاسى 2 - 2.5 يۋان ارالىعىندا بولدى»، — دەدى ەگىنشىلىكپەن شۇعىلداناتىن شۇي شاۋجۇن تانىستىرىپ، موڭعۇلكۇرە بايسايىنىڭ ءدامى جاقسى، شينجياڭدىقتار ۇناتاتىن لاڭمان جاساۋعا ۇيلەسەدى. بۇدان سىرت، بايساي پىنتوزىسىن جاساۋعا، شىلاعان ساي جاساۋعا بولادى. تاياۋ جىلداردان بەرى، موڭعۇلكۇرە اۋداندىق اۋىل شارۋاشىلىعى، اۋىل - قىستاق مەكەمەسىنىڭ تۇقىم پۋنكتى كورەيانىڭ «شي چۇن» ماركالى بايساي تۇقىمىن ەنگىزىپ، ديقاندار سىناق رەتىندە ەككەننەن كەيىن، بۇل سورت موڭعۇلكۇرەدە ەگۋگە وتە ۇيلەستى. مايسا جەتىلدىرۋدەن جيىپ الۋ مەرزىمىنە دەيىن 80 - 90 كۇن عانا ۋاقىت قاجەت بولىپ، مۇنىڭ ىشىندە مايسا جەتىلدىرۋ مەرزىمى 25 - 28 كۇن، ءوسۋ مەرزىمى 65 كۇن.
بيىل 4 ـ ايدىڭ باسىندا، كەسىك قىستاعىنداعى بايساي ەككەن 7 ديقان وتباسى قالتقىدا مايسا جەتىلدىرە باستادى. 8 - ساۋىردەن 15 - ساۋىرگە دەيىن مايسا جەتىلدىرۋ مەزگىلى. 5 - مامىردان 12 - مامىرعا دەيىن ديقاندار ءبىرىنشى توپتاعى بايساي مايساسىن اتىزعا ەكتى. وسى العاشقى توپتاعى كوكونىس مايساسى ەرتە پىساتىن كوكونىس دەپ اتالادى.
«بيىل قىستاعىمىزدا بايساي ەگىلگەن جەر كولەمى ءبىرشاما از ءبىر جىل بولدى، بازار جاعدايى بۇرىنعى جىلدارداعىدان جاقسى ەكەن دەپ ويلاماپپىن»، — دەدى قوناقاي قالاشىعى كەسىك قىستاعى پارتيا ياچەيكاسىنىڭ مۇشەسى ما يانچيڭ تىلشىگە. الدىڭعى ەكى جىلدا دا بۇل قىستاقتا بايساي ەگىلگەن. الايدا، زياندى جاندىكتەردىڭ جانە بۇرشاق اپاتىنىڭ ىقپالىنا ۇشىراعاندىقتان، ساپاسى دەگەندەي جاقسى باعاعا يە بولا الماعان.
موڭعۇلكۇرە اۋدانى قوناقاي قالاشىعى قاراسۋ قىستاعىنىڭ ۇلكەن اتىزىندا، 10 ديقان بىرلەسىپ ەككەن 157 مۋ جەردەگى بايسايدىڭ تەڭ جارىمىنان استامى جيناپ الىندى. قىستاق پارتيا ياچەيكاسىنىڭ شۋجيى لي فۋجۇن اتىزدا تەكسەرۋ ـ زەرتتەۋ جۇرگىزدى. ول ەگىنشى لي حۇڭۋاننىڭ اتىزىنا كەلگەندە ساۋداگەرلەردىڭ ماشيناعا بايساي تيەتىپ جاتقانىن كوردى.
بيىل لي حۇڭۋان قاراسۋ قىستاعىنان 15 مۋ جەرگە بايساي ەككەن بولاتىن. 6 ـ تامىزدا كۇنەس اۋدانىنان كەلگەن ءبىر ساۋداگەر 10 توننا ساتىپ الدى. وسى جولى لي حۇڭۋان وزىندىك قۇندى قايتارىپ الۋمەن بىرگە، كىرىسى بىلتىرعى جالپى كىرىستەن دە اسىپء ءتۇستى. وسى ايدىڭ سوڭىندا، ونىڭ تاعى 8 مۋ جەردەگى ەكىنشى توپتاعى بايسايى بازارعا شىعادى. «ءالى دە 100 مىڭ يۋاندىق كىرىس تاباتىنىمدى ويلاسام ىشتەي قۋانامىن»، — دەدى لي ۋانحۇڭ كوڭىلىندەگى ءسوزىن جاسىرا الماي.
«ءبىز ءار رەت بازارعا شىعارىلعان بايسايدا ساقتالعان اۋىل شارۋاشىلىق دارىلەرىنىڭ قالدىعىن تەكسەرىپ كورەمىز، تەكسەرۋ ولشەمىنە ۇيلەسكەندە عانا بازارعا شىعادى» ، — دەدى موڭعۇلكۇرە اۋداندىق اۋىل شارۋاشىلىعى، اۋىل ـ قىستاق مەكەمەسى تۇقىم پۋنكتىنىڭ باستىعى دىڭ حۇڭمەي.
«بازارعا ەرتە شىعادى ءارى ءدامى جاقسى بولعاندىقتان، موڭعۇلكۇرە اۋدانى ەككەن بايسايدا اسا كۇشتى بازار باسەكەلىك قۋاتى بار»، — دەدى قوناقاي قالاشىعىنىڭ ورىنباسار باستىعى گاۋ رۇڭچاۋ، — «كوكونىس ەگىمشىلىگىنىڭ دامۋىن تەجەيتىن باستى سەبەپ تاسىمال جولى ۇزاق، بۇدان بىلاي شينجياڭنىڭ وسى زامانعى جالپىلىق قاتىناس ـ تاسىمال جۇيەسى قۇرىلىسىنىڭ ۇزدىكسىز ىلگەرىلەۋىنە بايلانىستى، موڭعۇلكۇرە بايسايىنىڭ ساتىلۋ كولەمى 200 كيلومەتردەن 500 كيلومەترگە دەيىن كەڭەيەدى. سول كەزگە جەتكەندە، قوناقاي قالاشىعى ەگىمشىلىك كولەمىن ءتىپتى دە كەڭەيتە الادى»، — دەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
