ساياسات ارقىلى مەيىر جەتكىزدى، شىن سۇيىسپەنشىلىكتەرىمەن قيىنشىلىقتى شەشتى
ىلە وبلىسىندا 17 مىڭ 600 جەكە ساۋدا - ونەركاسىپشى ءبىر ميلليارد يۋانعا جۋىق شاعىن سومالى سەنىمدى قارىز اقشا الدى
2020.08.20 14:40 كەلۋ قاينارى : شينجياڭ گازەتى
□ شينجياڭ گازەتىنىڭ جالپىلىق اقپارات قۇرالدارى ءتىلشىسى جازيرا نەسىپبەك، ەرىكتى ءتىلشى جي شيانفىڭ
7 - ايدىڭ 23 - كۇنى تاڭ سارىدە، قۇلجا قالاسى ستالين كوشەسى سانشياڭ بويىنداعى دۇكەندەر ىركەس - تىركەس اشىلدى. شىن شۋەليان ءوزى اشقان ەرمەك حايۋاناتتار امبولاتورياسىنا كەلىپ زارارسىزداندىرۋ شاراسىن تامامداپ بولعاننان كەيىن، كوشەدە تاڭعى اسىن جانە كوكونىستەرىن، جەمىس - جيدەكتەرىن كوتەرىپ قاربالاس ارلى - بەرلى ءوتىپ جاتقان ادامداردى كورىپ، وسى قالانىڭ دۋماندى تىرشىلىگىن سەزىندى.
بىرنەشە ايدىڭ الدىندا شىن شۋەليان مۇنداي جايبىراقات كۇي كەشىپ كورمەگەن - دى. ول كەزدە ونىڭ كىرىسى جوق بولاتىن، تاعى ءۇي جالداۋ اقىسىن، دۇكەن قىزمەتكەرلەرىنىڭ ەڭبەكاقىسىن ويلاپ شارۋاشىلىق قۇرعاننان بەرگى ”ەڭ جاپالى مەزگىلدى“ باستان كەشىرگەن ەكەن. شىن شۋەلياننىڭ جاعدايىمەن ۇقساپ كەتەتىندەردەن تاعى ىرگەلەس شايحاناداعى شىن پيڭ، قارما نان دۇكەنىندەگى مايميناي بار ەدى، اسىرەسە، مايميناي 11 جاستاعى بالاسىنا ءوزى قارايدى، دۇكەندى جالعا العانىنا كوپ ۇزاماي جىل باسىندا ىندەت جاعدايىنا كەز بولدى.
شىن شۋەليان تۇراتىن سايبويى ءمالىسى قۇلجا قالاسىنداعى ساۋدا تور تۇيىندەرى ەڭ شوعىرلانعان ءمالى. ”بيىل جىل باسىنداعى ىندەت كەزىندە، ساۋداگەرلەردە شىعىس بار دا كىرىس جوق بولدى، ونىڭ ۇستىنە قارجىنىڭ تاپشى بولۋىنان، بەينە ماتوردا ماي تاپشى بولعانداي، اينالىم جاسالماي قالدى“، - دەدى قۇلجا قالاسى سايبويى ءمالىسى باسقارماسىنىڭ ورىنباسار مەڭگەرۋشىسى كايفۇر.
شىن شۋەلياندار قاتتى ابىرجىپ تۇرعان كەزدە، ءمالى باسقارماسىنان جاقسى حابار جەتتى، شىن شۋەليان ستۋدەنتتەرگە دەربەس شارۋاشىلىق قۇرۋ قوسىمشا قاراجاتىن بەرۋ ساياساتىنىڭ شارتىنا لايىق كەلگەندىكتەن، 16 مىڭ يۋان قوسىمشا قاراجات الدى؛ شىن پيڭ دەربەس شارۋاشىلىق قۇرۋشىلاردىڭ قوعامدىق قامتاماسىزداندىرۋ قوسىمشا قاراجاتىن بەرۋ ساياساتىنىڭ شارتىنا لايىق كەلىپ، 3 جىل بويى اي سايىن بەرىلەتىن 647 يۋان قوعامدىق قامتاماسىزداندىرۋ قوسىمشا قاراجاتىنان يگىلىكتەنەتىن بولدى؛ مايميناي 40 مىڭ يۋان ”جۇمىستى قالپىنا كەلتىرۋگە بەرەتىن قارىزدى“ الۋعا ءوتىنىش ەتتى، ۇكىمەت مۇنىڭ ءوسىمىنىڭ تەڭ جارتىسىن قازىنادان كوتەرەتىن بولدى.
”ءبىزدى ايرىقشا اسەرلەندىرگەنى الەۋمەتتىك اۋماق كادرلارى وتباسىلاردى تۇگەلدەي ارالاپ، بىزدەن قانداي قيىنشىلىقتارىمىز بەن تالاپتارىمىزدىڭ بار ەكەندىگىن سۇرادى، ءبىز ءۇشىن ارى - بەرى شاپقىلاپ قاتىستى قوسىمشا قاراجات پەن قارىز اقشانى ءوتىنىش ەتتى“، - دەدى شىن شۋەليان.
قورعاس قالاسى يشياگاشان سىبە ۇلتتىق اۋىلى چىرجىگاشان قىستاعىنىڭ تۇرعىنى جاۋ دۇڭميڭ دە وسىنداي شۋاقتى مەيىردى سەزىندى. 2019 - جىلدىڭ سوڭىندا اۋىلىنا ورالىپ شارۋاشىلىق قۇرعان جاۋ دۇڭميڭ وسىنىڭ الدىنداعى ەگىمشىلىكتى دامىتۋ نەگىزىندە، ءبىر جەمىس - جيدەك دورباسىن وڭدەۋ شاعىن زاۆودىن قۇرعان بولاتىن، ويلاماعان جەردەن ىندەت جاعدايىنا كەز بولىپ، قارجى اينالىمىندا ماسەلە شىقتى. قورعاس قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى ونىڭ شۇعىل مۇقتاجىن ۇعىسىپ، ونىڭ 150 مىڭ يۋان شارۋاشىلىق قۇرۋ كەپىلدىك قارىز اقشاسىن ءوتىنىش ەتۋىنە كومەكتەستى.
【ساياسات】 اۆتونوميالى رايون «جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرىپ، ورتا، شاعىن، ۇساق كاسىپورىنداردىڭ جۇمىستى، ءوندىرىستى قالپىنا كەلتىرىپ اقاۋسىز دامۋىن قولداۋ جونىندەگى 16 تارماقتى شارانى» جاريالاعاننان كەيىن، ىلە قازاق اۆتونوميالى وبلىسى قاتىستى شارالار شىعارىپ، قازىنا، فينانس، سالىقتى ازايتۋ، اقىنى تومەندەتۋ، جالداۋ اقىسىن ازايتۋ جانە كەشىرىم ەتۋ، شارۋاشىلىق - ساۋدا ورتاسىن جاقسارتۋ سياقتى جاقتاردا ءبىرقىدىرۋ ”كەشەندى شارا“ اتقارىپ، بازار نەگىزگى تۇلعاسىن ورنىقتىرىپ، ورتا، شاعىن، ۇساق كاسىپورىنداردىڭ، جەكە ساۋدا - ونەركاسىپشىلەردىڭ قيىن وتكەلدەن وتۋىنە كومەكتەستى.
【تياناقتاندىرۋ】 قازىرگە دەيىن، ىلە وبلىسىنا توتە قاراستى 11 اۋدان (قالا) جانە دولاتى شەكارا وتكەلى مەجە ەسەپتەن جەكە ساۋدا - ونەركاسىپشىلەرگە شاعىن سومالى سەنىمدى قارىز حاۋىپ - قاتەر تولەمەقىسىنان 111 ميلليون 400 مىڭ يۋان ورنالاستىرىپ، ارناۋلى ەسەپ - قيساپ جۇرگىزىپ، جەكە ساۋدا - ونەركاسىپشىلەردىڭ شاعىن سومالى سەنىمدى قارىز حاۋىپ - قاتەر تولەمىنە پايدالاندى، 17 مىڭ 600 جەكە ساۋدا - ونەركاسىپشى 974 ميلليون يۋان شاعىن سومالى سەنىمدى قارىز الدى. شىنايى سۇيىسپەنشىلىكپەن قيىنشىلىقتى شەشۋدەي وسىنداي شارالار بازاردى جانداندىردى، قۇلجا قالالىق بازار باقىلاۋ - باسقارۋ مەكەمەسىنىڭ ساناعىنا نەگىزدەلگەندە، بيىل 1 - ايدان قازىرگە دەيىن قۇلجا قالاسىندا 4595 جەكە ساۋدا - ونەركاسىپشى جاڭادان تىركەلگەن، جەكە ساۋدا - ونەركاسىپشىلەردىڭ جالپى سانى 50 مىڭنان اسقان، ءتۇرلى بازار نەگىزگى تۇلعاسى 60 مىڭنان اسىپ، جەرگىلىكتى ورىننىڭ ەكونوميكالىق دامۋىنا ومىرشەڭدىك كۇش ۇستەگەن.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
