بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

بۋرىلتوعاي اۋدانى ءدوربىلجىن قىستاعى:

قىستاق تۇرعىندارى جارناگەرلەرگە اينالىپ، ءونىم ارتتى، كىرىس مولايدى

گازەتىمىزدىڭ جالپىلىق اقپارات قۇرالدارى ءتىلشىسى جاڭ تيڭ، ەرىكتى ءتىلشى جاڭ جياحۇي

2020.11.03 14:22     كەلۋ قاينارى : شينجياڭ گازەتى

  ”اقشا الدىم، قاتتى قۋانىپ تۇرمىن!“. قىستاق تۇرعىنى ۋاڭ گوشان پايدا بولىسىنەن تيگەن العاشقى اقشانى العاندا جۇزىنە ريزالىق كۇلكىسى ءۇيىرىلدى. 10 - ايدىڭ 23 - كۇنى تۇستەن بۇرىن بۋرىلتوعاي اۋدانى قاراماعاي قالاشىعى ءدوربىلجىن قىستاعى قىستاق تۇرعىندار كوميتەتىندە اۋىل - قىستاق كوللەكتيۆ مال - مۇلىك ۇقىعى ءتۇزىمى رەفورماسى بويىنشا پايدا ءبولىسى جينالىسىن وتكىزدى، قىستاقتاعى شينحاي كوللەكتيۆ شارۋاشىلىق كاسىپتىك سەلبەستىك كووپەراتيۆىنە مۇشە العاشقى توپتاعى 29 قىستاق تۇرعىنى سەلبەستىك كووپەراتيۆىنىڭ پايدا بولىسىنەن يگىلىكتەندى.

  قىستاقتىڭ كوللەكتيۆ مال - مۇلكى جانداندى

  ”اۋىل - قىستاق كوللەكتيۆ مال - مۇلىك ۇقىعى ءتۇزىمى رەفورماسى قىستاقتىڭ كوللەكتيۆ مال - مۇلكىن جارنا ۇقىعىنا اينالدىرىپ، قىستاق تۇرعىندارىنا ءبولىپ بەرەدى، قىستاق تۇرعىندارى قىستاق كوللەكتيۆ مال - مۇلكىنىڭ يەگەرى بولادى“، - دەيدى بۋرىلتوعاي اۋداندىق سۋ يگىلىگى مەكەمەسىنىڭ ءدوربىلجىن قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي ۋاڭ يۇڭ.

  بۇگىنگى كۇنى مال - مۇلىكتى ەگجەي - تەگجەيلى اداقتاپ تەكسەرۋ ارقىلى قىستاق كوللەكتيۆىندە قانشا مال - مۇلىكتىڭ بار ەكەندىگى جونىندە ۋاڭ يۇڭنىڭ كوڭىلىندە انىق ەسەپ بار: ”قىستاقتىڭ اقشاسىن قالاي جۇمساۋدى، قالاي باسقارۋدى بۇقارا باقىلاي الادى جانە وعان قاتىناسا الادى“.

  2019 - جىلى 6 - ايدا بۋرىلتوعاي اۋدانى ءدوربىلجىن قىستاعىن اۋىل - قىستاق كوللەكتيۆ مال - مۇلىك ۇقىعى ءتۇزىمى رەفورماسىن سىناق ەتەتىن ءتۇيىن ەتتى. قىستاقتىڭ كوللەكتيۆ مال - مۇلكىن قالاي جانداندىرۋ قىستاق ”ەكى كوميتەتى“ مەن قىزمەت اترەتىنىڭ الدىنا قويىلعان ”اسا قيىن ماسەلە“ بولدى. ”مال - مۇلىك ۇقىعى رەفورماسى ءىز تۇسپەگەن جاڭا ءىس، قالاي ىستەۋ، قالاي ءبىر تۇتاس جوسپارلاۋ، بۇقاراعا يدەيالىق قىزمەتتى قالاي جاقسى ىستەۋ، ءبار - ءبارى شەشۋدى كۇتىپ تۇرعان ماسەلە ەدى“، - دەيدى ۋاڭ يۇڭ.

  بۇل ءۇشىن، ءدوربىلجىن قىستاعى قىزمەت ءتارتىبىن بەلگىلەپ، 10 بۋىندى ناقتىلادى، سونداي - اق ۇقىقتىڭ جۇرگىزىلۋ ءتارتىبىن ايقىنداپ، باقىلاۋدى، باقىلاۋ - باسقارۋ شارالارىن ناقتىلاپ، قىستاق تۇرعىندارىنىڭ جۇمىس ءتارتىبىن كوزبە - كوز تۇسىنۋىنە مۇمكىندىك جاسادى، ناتيجەسىندە كوپتەگەن قىستاق تۇرعىندارى بىرگە ىستەۋگە ماقۇلدىق ءبىلدىردى.

  ”مەن قازىر قىستاقتىڭ جارناگەرى بولدىم، قىستاق كوللەكتيۆىنىڭ تابىسى وسكەنىن كورىپ، قاتتى قۋانىپ وتىرمىن“، - دەيدى قىستاق تۇرعىنى چىن فىڭشىڭ.

  ”رەفورمانى تۇيىندە سىناق ەتۋ ارقىلى ءبىراز تاجىريبە جيناپ، كەيبىر ماسەلەلەردى شەشۋدىڭ ءادىسىن تاۋىپ، باسقا قىستاقتاردىڭ مال - مۇلىك ۇقىعى رەفورماسىندا بۇراڭ جولداردى از باسۋىنا مۇمكىندىك جاسادىق. بۇكىل اۋدانداعى 63 اكىمشىلىك قىستاق بيىل بۇل قىزمەتتى ورىنداپ بولۋعا ءتيىس، مىندەت توتەنشە ماشاقاتتى، دەسە دە، ءبىز، ءسوز جوق، ويداعىداي ورىنداي الامىز“، - دەيدى بۋرىلتوعاي اۋداندىق اۋىل شارۋاشىلىعى جانە اۋىل - قىستاق مەكەمەسى پارتيا باسشىلىق گرۋپپاسىنىڭ شۋجيى لي شىڭلي.

  سەلبەسىپ تەڭ يگىلىكتەنىپ، ونىمدىلىكتى ارتتىردى

  ”حۋ شۋجي، قىستاقتىڭ سەلبەستىك كووپەراتيۆى قۇرىلعان سوڭ، جارنا قوسقان قىستاق تۇرعىندارى شىنىمەن اقشا الا الا ما؟“، بيىل 3 - ايدىڭ 30 - كۇنى ءدوربىلجىن قىستاق تۇرعىندار كوميتەتىندە ادام قايشالىسىپ، ايرىقشا قىزۋ دۋمانعا بولەندى، ءاسىلى قىستاقتىڭ كوللەكتيۆ مال - مۇلىك ۇقىعى كاسىپتىك سەلبەستىك كووپەراتيۆى قۇرىلماقشى ەكەن، قىستاق تۇرعىنى جاۋ جيچىڭ قىستاق پارتيا ياچەيكاسىنىڭ شۋجيى حۋ يۋەۋىننىڭ قولىنان ۇستاپ سۇراپ جاتتى. ”ارينە، قىستاق كوللەكتيۆ مال - مۇلىك ۇقىعى تۇزىمىنە رەفورما جاسالدى، اقشانى، ارينە، كوپشىلىك بىرگە تابامىز“، - دەدى حۋ يۋەۋىن كەسكىن تۇردە.

  بيىل جىل باسىنان بەرى ءدوربىلجىن قىستاعى كوپ رەت قىستاق تۇرعىندار جينالىسىن شاقىرىپ، قىستاقتاعى بۇرىن بار شينحاي سەلبەستىك كووپەراتيۆىن شينحاي كوللەكتيۆ شارۋاشىلىق كاسىپتىك سەلبەستىك كووپەراتيۆى ەتىپ وزگەرتىپ، قىستاق كوللەكتيۆ مال - مۇلىك ۇقىعى ءتۇزىمى رەفورماسىنا قولايلى شارت - جاعداي ازىرلەۋدى ۇيعاردى.

  ”قازىر 29 قىستاق تۇرعىنى قىستاق كوللەكتيۆ مال - مۇلىك ۇقىعى سەلبەستىك كووپەراتيۆىنە مۇشە بولدى، بۇدان كەيىن اناعۇرلىم كوپ ادام كەلىپ قوسىلادى دەپ سەنەمىز“، - دەيدى قىستاق تۇرعىندار كوميتەتىنىڭ مەڭگەرۋشىسى ۋاڭ فاليان، - قىستاق كوللەكتيۆ شارۋاشىلىق كاسىپتىك سەلبەستىك كووپەراتيۆىنەن پايدالانىپ، جەردى كوتەرمەگە الۋ، سيىردى، قويدى كوتەرمەگە الۋ، ساۋدا دۇكەندەرىن جالعا بەرۋ سياقتى قىستاق كوللەكتيۆىنىڭ 5 كاسىبىن بار كۇشپەن ويداعىداي ىستەپ، كوللەكتيۆ مال - مۇلىكتىڭ كولەمىن ۇزدىكسىز ۇلعايتىپ، قىستاق تۇرعىندارىنىڭ تابىسىن مولايتپاقشىمىز.

  قازىر ءدوربىلجىن قىستاعىنىڭ مال - مۇلىك ۇقىعى ءتۇزىمى رەفورماسى كەزەڭدىك ناتيجەگە قول جەتكىزدى، بيىل جىل باسىنان بەرى، كوللەكتيۆتىڭ 2875 مۋ جەرىن كوتەرمەگە بەرۋدەن تۇسكەن تابىستىڭ ءوزى 830 مىڭ يۋانعا جەتتى. قىستاق كوللەكتيۆ شارۋاشىلىق كاسىپتىك سەلبەستىك كووپەراتيۆىنىڭ تابىسىنان 60 مىڭ يۋاننان استام ارتىلىپ، جان باسىندىق پايدا ءبولىسى 2000 يۋان اينالاسىنا جەتتى. ”كوپشىلىك قازىر ءبىر نيەتكە جۇمىلىپ، قىستاق ’ەكى كوميتەتىنە‘ ىلەسىپ ىستەۋگە بەكىدى“، - دەيدى جاۋ جيچىڭ.

  ”جەر“ جۇمىسىن لايىقتى، ويداعىداي ىستەدى

  ءدوربىلجىن قىستاعىندا 8000 مۋ ەگىستىك جەر بار، ەگىنشى - مالشى بۇقارانىڭ كەدەيلىكتەن ارىلۋ، بايۋ اياق الىسىن جەدەلدەتۋ ءۇشىن، قىزمەت اترەتى قىستاقتىڭ ەگىنشىلىك باسىمدىعىمەن بىرلەستىرىپ، ”جەر“ جۇمىسىن لايىقتى، ويداعىداي ىستەدى.

  ”شۇي اعاي، بيىلعى تابىسىڭىز قالاي؟ ءبىزدىڭ قىزمەت اترەتىمىزدىڭ كومەگى كەرەك بولسا تارتىنباي ايتىڭىز“. قىزمەت اترەتىنىڭ مۇشەسى گاۋ دۇڭحۇي قىستاقتى ارالاپ، وتباسىلارعا بارىپ، قىستاق تۇرعىندارىنىڭ كۇزگى جيىن - تەرىن جاعدايىن ۇعىستى. ”بيىل 80 مۋعا شەكىلدەۋىكتى قاربىز ەكتىم، ءار مۋىنان 110 كيلوگرام اينالاسىندا قاربىز شەكىلدەۋىگىن الۋعا بولادى، وسىلاي ەسەپتەگەندە 150 مىڭ يۋان كىرىس كىرگىزەتىن ءتۇرىم بار، وعان پايدا بولىسىنەن العان اقشانى قوسسام، بيىلعى تابىسى جامان بولماس“، - دەدى قىستاق تۇرعىنى شۇي جى - نيان قۋانىشپەن.

  قىستاق ”ەكى كوميتەتى“ مەن قىزمەت اترەتى ەگىمشىلىك قۇرىلىمىن رەتتەۋمەن بىرگە، ءدوربىلجىن قىستاعىنىڭ بايلىق باسىمدىعىنا سۇيەنىپ، بازار سۇرانىسىن ءجىتى قاداعالاپ، كۇرىش، بانلانگىن، ليۋلانشياڭ سياقتى جاڭا تيپتى ەكونوميكالىق داقىلداردى سىناق رەتىندە ەگىپ، قىستاق تۇرعىندارىنىڭ كىرىس ارتتىرۋ ارناسىن كەڭەيتتى.

  سونىمەن بىرگە، قىزمەت اترەتى 500 مىڭ يۋان قارجىعا قول جەتكىزىپ، 1000 مۋ ەگىستىك جەرگە تامشىلاتىپ سۋارۋ قۇرىلعىلارىن ورناتتى؛ ماشينالاردى سايكەستىرىپ، توعان ارنالارىن، تۇنبا كولشىكتەردى ارشىدى؛ كاسىبي تەحنيكتەرمەن بايلانىس ورناتىپ، قىستاق تۇرعىندارى كوڭىل ءبولىپ وتىرعان اتىز - ارىق باسقارۋ، دەرت - دەربەز، زياندى جاندىكتەردىڭ الدىن الۋ جانە ونى تىزگىندەۋ، ەرەكشە ەگىمشىلىك داقىلدارىن جيناۋ سياقتى ماسەلەلەر جونىندە ارناۋلى باۋلۋ جۇمىستارىن جۇرگىزدى.

  ”ءبىز اۋىل - قىستاق مال - مۇلىك ۇقىعى ءتۇزىمى رەفورماسىنىڭ ورايىنان پايدالانىپ، بۇكىل قىستاقتىڭ باسىم كاسىپ سالالارىن بىرىكتىرىپ، اۋىل شارۋاشىلىعى ءوندىرىسى، مال باعىمشىلىعى، ەلەكتروندى ساۋدا شەبىن تۇگەلىمەن ىسكە قوسىپ، قىستاق كوللەكتيۆ شارۋاشىلىعىنىڭ دامۋىن ونان ارى جەبەپ، قىستاق تۇرعىندارىنىڭ ءونىمىن مولايتۋ، كىرىسىن ارتتىرۋ ماقساتىن جۇزەگە اسىرامىز“، - دەيدى حۋ يۋەۋىن.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار