بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

موڭعۇلكۇرەنىڭ «ينتەرنەتتە تانىمالى» ورىنباسار اكىمىنىڭ شىنىعۋ ەستەلىگى

2020.12.04 15:46     كەلۋ قاينارى : حالىق تورابى

  «وجەت تە جالىندى»، «وتە كەرەمەت» دەپ توراپتاستار قولدانعان بۇل ءسوز ايەل اكىمنىڭ وبىرازىنا ساي كەلەدى. تاياۋدا، موڭعۇلكۇرە اۋدانىنىڭ ورىنباسار اكىمى حى جياۋلۇڭنىڭ ينتەرنەتتەگى تاماشا كەسكىنى توراپتاستار جاعىنان قىزۋ القاۋعا بولەندى.

  ءسوزدى موڭعۇلكۇرە اۋدانىنداعى قار ـ مۇز ساياحاتىن ۇگىتتەۋ كەسكىنىنەن باستاۋعا تۋرا كەلەدى. بۇل كەسكىندە 41 جاستاعى حى جياۋلۇڭ «ايەل شاباندوز» رولىنا ەنىپ، قىزىل جامىلعى جامىلىپ، قارلى دالادا شاپقىلاپ، موڭعۇلكۇرە اۋدانىنداعى مول قار - مۇز ساياحات بايلىعىن ۇگىتتەدى. بەينە ەكران جەلىگە شىعا سالىسىمەن كوپتەگەن توراپتاستاردى وزىنە باۋرادى. كوپتەگەن بەدەلدى مەديا تەكشەلەرى ارت - ارتىنان كوشىرىپ، جالعاپ تاراتتى، تەك حالىق گازەتىنىڭ جاريالاعان كەسكىنىن توراپتاستاردىڭ قولداۋ مولشەرى 100 مىڭنان اسىپ، حى جياۋلۋڭ اتى زاتىنا ساي «ينتەرنەت جۇلدىزىنا» اينالدى.

  الايدا، بۇل ناتيجە وڭايلىقپەن قولعا كەلگەن جوق، بۇل كەزدە موڭعۇلكۇرەدە تەمپەراتۋرا نولدەن تومەن 20 سەلتسي گرادۋسقا تايايدى. سول كۇنى حى جياۋلۇڭ قارلى دالادا ۇزبەي جاتتىققاندىقتان، اياق كيىمى دە ايازدان قاتىپ قالادى.

  «بۇرىن اتقا ءمىنۋدى بىلگەنىممەن، سول كۇنى قاتتى ابىرجىدىم. ۇيتكەنى، ۇزەڭگى تەمىردەن جاسالعان. قارلى دالا تىم تايعاق، قار دا قالىڭ، اتتىڭ شاپقىلاۋىنا دا قولايسىز بولدى»، — دەدى 11 ـ ايدىڭ 30 ـ كۇنى حى جياۋلۇڭ ءتىلشىنىڭ سۇحباتىن قابىلداعاندا.

  توراپتاستاردىڭ: «ورىنباسار اكىم ەكەنسىز، نە ءۇشىن وسىلاي ىستەدىڭىز ؟» — دەگەن سۇراۋىنا حى جياۋلۇڭ كۇلىمسىرەي جاۋاپ بەردى : «بەينە ەكران تاراتىلعاننان كەيىن، موڭعۇلكۇرەگە كەلەتىن ساياحات ۇيىرمەلەرى جاڭا جىلعا دەيىن قاتارعا ءتىزىلدى. مەنىڭ كوڭىلىمدەگى باستى ارمانىم، مەملەكەتتىك تۇتاس وڭىرلىك ساياحاتتان ۇلگى كورسەتەتىن تۇڭعىش توپتاعى اۋداننىڭ ءبىرى موڭعۇلكۇرەنىڭ ساياحات كاسىبىندەگى اتاق ـ داڭقىن ءتىپتى دە تەز جوعارىلاتۋعا، اناعۇرلىم كوپ ساياحاتشىنى باۋراۋعا دەمەۋ كورسەتۋ بولدى».

  ءىس جۇزىندە، بۇل حى جياۋلۇڭنىڭ تۇڭعىش رەت موڭعۇلكۇرەنىڭ وبىراز ۋاكىلى بولعانى ەمەس.

  بيىل 5 - ايدا، حى جياۋلۇڭ جەرگىلىكتى ورىننىڭ «اۋدان باسشىلارى تىكە تارالىمدا زات ساتۋعا دەم بەرىپ، جەرگىلىكتى ورىننىڭ اۋىل شارۋاشىلىق قوسىمشا ونىمدەرىن ساتۋى قيىن بولۋ ماسەلەسىن شەشۋىن جەبەۋ كەرەك» دەگەن ءبىرتۇتاس ورنالاستىرۋىنا نەگىزدەلىپ، دوۋيىندا تىكە تاراتىلىمعا شىعۋ مىندەتىن باستاماشىلدىقپەن ورىنداعان بولاتىن.

  قىسقا شاشتى، سىمباتتى دا كەلىستى حى جياۋلۇڭ «ينتەرنەتتەگى»نەگىزگى تىكە تاراتىلىمدى جۇرگىزۋ مىندەتىن ارقالادى. الايدا، توراپتاستاردىڭ قولداۋىنا يە بولعانى ونىڭ ىقىلاستى دا شىنايى پەيىلى ەدى. «توراپتاستار مەنى مويىندادى، قولدادى. مەنىڭشە، بىرىنشىدەن، ءونىمنىڭ وزىندىك ساپاسىنا سۇيەندىك. ەكىنشىدەن، موڭعۇلكۇرەدەگى ساپالى اۋىل شارۋاشىلىق ونىمدەرىن شىن نيەتپەن تانىستىرۋعا قۇلشىندىق»، — دەدى حى جياۋلۇڭ.

  موڭعۇلكۇرەنىڭ نەشە مىڭ جىلدا قالىپتاسقان قۇنارلى قارا توپىراعىندا ونگەن ساپالى اۋىل شارۋاشىلىق قوسىمشا ونىمدەرى دە ۇگىتتەۋگە تاتيدى. حى جياۋلۇڭ تىكە تارالىمعا شىعىپ، جەرگىلىكتى ونىمدەردى ۇگىتتەگەندە، اۋەلدە ونىڭ تىكە تاراتۋ بولمەسىندە ۇنەمى 200 - 300 ادام عانا وتىراتىن.

  قايتكەندە تىكە تارالىمنىڭ كورىلىمىن ارتتىرۋعا بولادى؟حى جياۋلۇڭ ىشكى ولكەدەگى كەدەيلەردى سۇيەمەلدەۋ تەكشەلەرىمەن ىرىقتى تۇردە پىكىر الماستىرىپ، ولاردىڭ تىكە تاراتۋداعى جۇرگىزۋ ونەرىن ۇيرەنىپ، وزىنە ءتان جۇرگىزۋ ستيلىن بىرتىندەپ قالىپتاستىردى.

  «مەن نەگىزگى ساتىدا كوپ جىل قىزمەت ىستەدىم، موڭعۇلكۇرەنىڭ جاراتىلىستىق بايلىعى، جەرگىلىكتى ءونىمى، سالت - ساناسى جونىندە سۇراقتار بولسا، مەن كىدىرمەي جاۋاپ بەرە الامىن»، — دەدى حى جياۋلۇڭ كۇلىپ.

  وسىلايشا حى جياۋلۇڭ تىكە تاراتۋ بولمەسىن موڭعۇلكۇرەنى تانىستىراتىن تەكشەگە اينالدىردى. بۇل تەكشە ارقىلى موڭعۇلكۇرەنىڭ «شىڭدى» ماركالى كريستال ۇنتاعى (پىنتۋزى)، «جاۋلۋ» ماركالى قارا قىشى مايى، ىرىمشىك، «جاۋشين» ماركالى بال سياقتى اۋىل شارۋاشىلىق قوسىمشا ونىمدەرى بارعان سايىن تانىمالى بولىپ، ساتۋ جولى اناعۇرلىم كەڭەيدى .

  كۇندىز قالىپتى قىزمەتكە ىقپال جاساماۋ ءۇشىن، حى جياۋلۇڭ ءار كۇنى تاڭەرتەڭ ساعات 7 دەن 9 عا دەيىن، كەشكى ساعات 9 دان كەيىن تىكە تارالىمعا شىعادى.

  قاجىرلى ەڭبەكتەنۋدىڭ قارىمجىسى مول بولدى. جارىم ايعا جەتپەيتىن ۋاقىتتا حى جياۋلۇڭنىڭ تىكە تاراتۋ بولمەسىنىڭ كورەرمەندەرى العاشقى جۇزدەگەن ادامنان 30 مىڭنان استام ادامعا كوتەرىلدى. دوۋين تەكشەسى وعان «الەۋمەتتىك يگىلىك سيپاتىنداعى اۋىل شارۋاشىلىعىنا كومەكتەسۋ التىن مەدالىنا يە بولعان تىكە تاراتۋشى» دەگەن اتاق بەردى .

  تىكە تاراتۋ بارىسىندا مەنىڭ تەرەڭ سەزىنگەنىم، جاڭالىق اشۋ تاسىلىمەن جەرگىلىكتى ورىننىڭ مول بايلىعىن، ابزالدىلىعىن تانىستىرعاندا عانا، توراپتاستاردىڭ مويىنداۋىنا يە بولۋعا بولادى. بۇل ءبىزدىڭ قىسقى ساياحات ۇگىت كەسكىنىن جوبالاۋىمىزعا زور شابىت بەردى. مەن موڭعۇلكۇرەنى ۇقساماعان تاسىلدەرمەن تانىستىرامىن، ءتىپتى دە كوپ ادامدى موڭعۇلكۇرەگە قىزىقتىرامىن»، — دەدى حى جياۋلۇڭ.

  (جازيرا نەسىپبەك قىزى حابارى)

  (حالىق تورابىنان اۋدارىپ دايىنداعان: ارزىگۇل ابدەش قىزى، ساۋلەت ءشارىپقان ۇلى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار