بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

قورعاس اۋدانىندا:

باعالى، سيرەك كەزدەسەتىن حايۋاناتتاردى، وسىمدىكتەردى قورعاۋ شاعىن اۋماعىنان ەكەۋى قۇرىلدى

2020.12.15 17:28     كەلۋ قاينارى : شينجياڭ گازەتى

  شينجياڭ گازەتى جالپىلىق اقپارات قۇرالدارى ءتىلشىسى رىن جياڭ 12 - ايدىڭ 13 - كۇنى قورعاستان حابارلايدى. ”11 - ايدىڭ سوڭىندا ءبىز 2 شاعىن قورعاۋ اۋماعىن قۇرىپ، 3 ءتۇرلى باعالى، سيرەك كەزدەسەتىن حايۋانات پەن وسىمدىكتى قورعادىق. شاعىن قورعاۋ اۋماعىنىڭ قۇرىلۋى قورعاس اۋدانىنىڭ ەكولوگيالىق قۇرىلىسى مەن ەكولوگياسىن قورعاۋ جونىنەن بەلسەندى رول اتقاراتىن بولادى“، - دەدى 12 - ايدىڭ 11 - كۇنى قورعاس اۋداندىق ورمان شارۋاشىلىعى جانە جايلىم مەكەمەسى نىسان كەڭسەسىنىڭ مەڭگەرۋشىسى حۋاڭ تاۋ تىلشىگە.

  جاڭادان قۇرىلعان قورعاۋ شاعىن اۋماعى − اق ميانى قورعاۋ شاعىن اۋماعى، سارى القىم ارا جەگىش پەن جاعالىق قارلىعاشتىڭ ءوسىپ - ءوربيتىن جەرىن قورعاۋ شاعىن اۋماعى، تۇگەلدەي قورعاس ىلە وزەنى اڭعارىنداعى مەملەكەتتىك سازدىق باقشاسىنا ورنالاسقان. قورعاۋ شاعىن اۋماعى ۇساق، شاعىن قورىقتى مەڭزەيدى، كولەمى شاعىن بولعاندىقتان، ءتۇرلى قورعاۋ شارالارىن تياناقتاندىرۋ وڭايعا تۇسەدى. اق ميانى قورعاۋ شاعىن اۋماعىنىڭ جالپى جەر اۋدانى 15 گەكتار، ولشەمدى 20 فۋتبول الاڭىنىڭ ۇلكەندىگىمەن بارابار. سارى القىم ارا جەگىش پەن جاعالىق قارلىعاشتىڭ ءوسىپ - ءوربيتىن جەرىن قورعاۋ شاعىن اۋماعى تىپتەن كىشكەنە، نەبارى 6.5 گەكتار كەلەدى.

  اق ميا سيرەك كەزدەسەتىن باعالى وسىمدىك، ەلىمىزدە تەك قورعاس اۋدانىنىڭ تۋكاي ءشولىنىڭ جيەگى بەلدەۋىنە عانا تارالعان. سارى القىم ارا جەگىش ەلىمىزدە تەك شينجياڭعا عانا تارالعان، اۆتونوميالى رايون جاعىنان قورعالاتىن 2 - دارەجەلى حايۋانات.

  «اق ميانى قورعاۋ شاعىن اۋماعى بولىكتەرگە ءبولىپ قورعاۋدى قولدانادى، باستىسى، اق ميا شوعىرلى تارالعان ءوڭىر، سالىستىرمالى قالپىنا كەلگەن ءوڭىر سياقتىلاردى قورعاپ، مال جايۋعا قاتاڭ تيىم سالۋ، تابيعي قالپىنا كەلتىرۋ، جاساندى جولمەن كەڭىنەن ءوسىرۋ سياقتى تاسىلدەر ارقىلى قورعاۋ جۇرگىزەدى؛ سارى القىم ارا جەگىش پەن جاعالىق قارلىعاشتىڭ ءوسىپ - ءوربيتىن جەرىن قورعاۋ شاعىن اۋماعىندا وسى 2 قۇس ءتۇرى ۇيا سالعان قيا بەتكەيلەر قورعالادى، اياققا تاپتالىپ قۇلاۋىنان ساقتانۋ ءۇشىن ادام مەن مالدىڭ كىرۋىنە قاتاڭ تيىم سالىنادى ءارى باقىلاۋ كۇشەيتىلىپ، قۇستارعا ساقينا، ءىز قۋعىش قاتارلىلار تاعىلادى“، - دەدى اۆتونوميالى رايوندىق ورمان شارۋاشىلىعى جانە جايلىم مەكەمەسى جاراتىلىستىق قورعالاتىن جەرلەر ماماندار كوميتەتىنىڭ مۇشەسى، جۇڭگو عىلىم اكادەمياسى شينجياڭ ەكولوگيا جانە جاعراپيا زەرتتەۋ ورنى ءشول ينجەنەرياسى بارلاۋ - جوبالاۋ ورنى سازدىقتى قورعاۋ، تەكسەرۋ نىسانى كەڭسەسىنىڭ مەڭگەرۋشىسى چاي يۇڭبين.

  قورعاۋ شاعىن اۋماعىندا ەڭ قاتاڭ قورعاۋ شاراسى جۇرگىزىلەدى، عىلمي زەرتتەۋدەن سىرت، ادامزاتتىڭ بارلىق قيمىلىنا تيىم سالىنىپ، مال جايۋعا بۇكىلدەي تيىم سالۋ جۇزەگە اسىرىلاتىندىقتان، باعالى، سيرەك كەزدەسەتىن نەمەسە تۇقىمى قۇرۋعا تاياعان حايۋاناتتار مەن وسىمدىكتەردى ءونىمدى قورعاۋعا بولادى. ال قورعاۋ شاعىن اۋماعىنىڭ ورنى حايۋاناتتار مەن وسىمدىكتەردى قورعاۋداعى ەڭ وزەكتى وڭىرگە، ماسەلەن، حايۋاناتتاردىڭ ازىق ىزدەۋ، جۇپ ىزدەۋ، ءوسىپ - ءوربۋى، اۋۋى سياقتى وزەكتى بۋىندارعا قاراي تاڭدالىپ، شەكتى بايلىق پەن قورعاۋ كۇشتەرى دالمە - ءدال جۇمسالىپ، دالمە - ءدال قورعالدى.

  قورعاس اۋداندىق ورمان شارۋاشىلىعى جانە جايلىم مەكەمەسى پارتيا باسشىلىق گرۋپپاسىنىڭ شۋجيى ۋاڭ جيان بىلاي دەپ تانىستىردى: قورعاۋ شاعىن اۋماعى ميكرو جەر بەدەرىن جاڭالاۋ، ازىق تىزبەگىن جاڭالاۋ، تىرشىلىك مەكەنىن جاڭالاۋ، ەكولوگيانى جەتىلدىرۋ، قورشاۋ قۇرىلىسى، باقىلاۋ - ولشەۋ جابدىقتارىن مولايتۋ سياقتى ءبىر قىدىرۋ قورعاۋ شارالارىن اتقارادى. ”ءبىز ىلە وزەنى بويىنداعى ەڭ كەمەلدى وزەن قايراڭى سازدىق ەكولوگيالىق جۇيەسىن بار كۇشپەن ويداعىداي قورعايمىز. بۇدان بىلاي تاعى دا شاعىن اۋماقتا عىلىم جالپىلاستىرۋ ۇگىت - تاربيەسىن جانە ەكولوگيالىق تاجىريبە قيمىلدارىن ورىستەتەمىز، سونداي - اق جەرگىلىكتى ورىننىڭ ەكولوگياسىن قورعاۋ، سازدىق جەرلەردى قورعاۋ ەرىكتىلەر جۇيەسىن قۇرامىز“.

  قورعاۋ شاعىن اۋماعى بولاشاقتاعى ەكولوگيالىق ساياحاتتى دامىتۋعا كەڭىستىك تە قالدىرىپ وتىر. ۋاڭ جيان مىنالاردى ءبىلدىردى: ”مىنە بۇل ’ءۇنسىز‘ جاتقان ەكولوگيالىق بايلىقتى ەكسكۋرسيالاۋعا، قاتىناسۋعا بولاتىن ەكولوگيالىق ساياحات بايلىعىنا اينالدىرىپ، جەرگىلىكتى ورىندى ەكولوگيالىق ساياحاتتىڭ تىڭ ارتۋ تۇيىندەرىمەن قامداۋ، ءىس جۇزىندىك ارەكەت ارقىلى ’تۇنىق سۋ، جاسىل تاۋ − باعالى بايلىق‘ ۇستانىمىن امالياتتا ايگىلەۋ بولىپ تابىلادى“.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار