جۇڭگو ا ق ش – تان تەحنيكا ۇرلادى ما؟ ساندىراق!
لي يۇڭ
2018.07.18 13:52 كەلۋ قاينارى : حالىق تورابى
جۇڭگو ا ق ش – تان تەحنيكا ۇرلادى دەگەن ءسوز ا ق ش جاق ويدان قيىستىرعان بارىپ تۇرعان ساندىراق. بۇل ساندىراق اتالمىش «ەكونوميكالىق شاپقىنشىلىق» دەڭگەيىنە كوتەرىلىپ، ادامدارعا ۇرەي سالدى. ا ق ش شىندىقتى بۇرمالاۋ ارقىلى جۇڭگونىڭ عىلىم – تەحنيكا جاعىنداعى دامۋىن «دۇنيە جۇزىنە تونگەن حاۋىپ – قاتەر» ەتىپ كورسەتپەك، ونىڭ جۇڭگونى ازەزىل ەتىپ كورسەتۋدەگى ماقساتى دۇنيە جۇزىندەگىلەردىڭ كوزىن كولەگەيلەۋ ەكەندىگى ايدان انىق. ويلاپ كورىڭىز، جۇڭگونىڭ عىلىم – تەحنيكا جاعىنداعى دامۋى ا ق ش – تان تەحنيكا ۇرلاۋعا سۇيەنگەن بولسا، دامىپ وسى كۇنگە جەتە الار ما ەدى؟
جۇڭگو دۇنيە جۇزىندەگى حالىقارالىق پاتەنت ۇقىعىنا ءوتىنىش بەرۋشى ەكىنشى ءىرى ەل، 3 جىل ىشىندە ا ق ش – تان اسىپ تۇسۋىنەن ءۇمىت زور. دۇنيە جۇزىلىك زياتكەرلىك ۇقىعى ۇيىمى (WIPO) جاريالاعان 2017 – جىلعى دۇنيە جۇزىندەگى ءار ەلدىڭ ءوتىنىشى بويىنشا تىركەۋگە الىنعان حالىقارالىق پاتەنت ۇقىعى ساندى دەرەكتەرىنە قاراعاندا، جۇڭگونىڭ 2017 – جىلى WIPO «پاتەنت سەلبەستىگى كەلىسىمشارتى» (PCT) اياسىنداعى حالىقارالىق پاتەنت ۇقىعىنا بەرگەن ءوتىنىش سانى 2016 – جىلداعىمەن سالىستىرعاندا %13.4 ارتىپ، جالپى سانى 48882 داناعا جەتىپ، جاپونيادان اسىپ، ەكىنشى ورىنعا شىققان، تەك ا ق ش – تان كەيىن تۇرعان. جۇڭگونىڭ پاتەنت ۇقىعىنا بەرگەن وتىنىشتەرىنىڭ كوبى سيفرلى حابارلاسۋ سالاسىنا قاتىستى بولعان. WIPO ۇيىمىنىڭ ايتۋىنشا، جۇڭگو ءوتىنىش بەرۋ مولشەرى ەكى ورىندى سان بويىنشا ارتىپ وتىرعان بىردەن – ءبىر ەل ەسەپتەلەدى.
جۇڭگونىڭ ەل ىشىندەگى پاتەنت ۇقىعىنا ءوتىنىش بەرۋ مولشەرى دە دۇنيە ءجۇزى بويىنشا ءبىرىنشى ورىندا تۇرادى. WIPO ۇيىمىنىڭ 2017 – جىلى جەلتوقساندا جاريالاعان جىلدىق مالىمەتىنە قاراعاندا، جۇڭگو مەملەكەتتىك زياتكەرلىك ۇقىعى مەكەمەسى 2016 – جىلى ءبىرجاقتىلى ەتكەن پاتەنت ۇقىعىنا ءوتىنىش بەرۋ مولشەرى ءبىر ميلليون 300 مىڭ داناعا جەتكەن. بۇل سان ا ق ش، جاپونيا، كورەيا، ەۆروپا پاتەنت ۇقىعى مەكەمەلەرى ءبىرجاقتىلى ەتكەن پاتەنت ۇقىعىنا ءوتىنىش بەرۋ مولشەرىنىڭ جالپى قوسىندىسىنان اسىپ، دۇنيە ءجۇزى بويىنشا ءبىرىنشى ورىنعا شىققان. مۇندا باستاپقى قاراستىلىعى جۇڭگونىڭ ەل ىشىنە جاتاتىن ءوتىنىش مولشەرى %90 بولعان، شەتەلگە قاراستى مولشەرى %10 بولعان.
جۇڭگونىڭ زەرتتەۋ قاراجاتى جاعىنداعى قوسىلىمى ۇزدىكسىز ارتۋدا. 2017 – جىلى جۇڭگونىڭ زەرتتەۋ قاراجاتى جاعىنداعى قوسىلىمى GDP جالپى مولشەرىنىڭ %2.12ىن ۇستاعان، قوسىلىم جالپى مولشەرى ءبىر تريلليون 750 ميلليارد يۋان بولىپ، 2016 – جىلداعىمەن سالىستىرعاندا %11.6 ارتقان. بۇل جۇڭگونىڭ تەحنيكالىق جاقتا جاڭالىق جاراتۋ جۇيەسىن ءونىمدى تۇردە قولدادى. زەرتتەۋ قيمىلىنىڭ باستى تۇلعالارى جونىنەن ايتقاندا، 2017 – جىلى كاسىپورىنداردىڭ زەرتتەۋ قاراجاتى ءبىر تريلليون 373 ميلليارد 300 ميلليون يۋان بولىپ، 2016 – جىلداعىمەن سالىستىرعاندا %13.1 ارتىپ، ۇزدىكسىز ەكى جىل بويى ەكى ورىندى سانمەن ارتقان؛ ۇكىمەت ورىندارىنا قاتىستى زەرتتەۋ قۇرىلىمدارى مەن جوعارى دارەجەلى مەكتەپتەردىڭ زەرتتەۋ قاراجاتى جەكە – جەكە 241 ميلليارد 840 ميلليون يۋان جانە 112 ميلليارد 770 ميلليون يۋان بولىپ، 2016 – جىلداعىمەن سالىستىرعاندا %7 جانە %5.2 ارتقان. 2017 – جىلى جۇڭگونىڭ نەگىزدىك زەرتتەۋ قاراجاتى 92 ميلليارد يۋان بولىپ، 2016 – جىلداعىمەن سالىستىرعاندا %11.8 ارتقان؛ نەگىزدىك زەرتتەۋ قاراجاتىنىڭ ۇستايتىن ارا سالماعى %5.3 بولعان. زەرتتەۋ قاراجاتى جاعىنداعى قوسىلىم جۇڭگونىڭ تەحنيكالىق جاقتاعى دامۋىنا قۋاتتى قوزعاۋشى كۇش ازىرلەدى.
(بۇل اراداعى مازمۇن قىسقارتىلعان، حالىق گازەتىنىڭ 2018 – جىلى 18 – شىلدەدەگى سانىنان تولىعىن وقي الاسىز)
جوعارىداعى فاكتىلەر مىنانى اڭعارتادى: جۇڭگونىڭ تەحنيكالىق جاقتاعى العا باسۋى مەن دامۋىنىڭ قوزعاۋشى كۇشى وزىندىك جاڭالىق جاراتا دامۋ ءتۇزىمى مەن جۇيەسىنەن كەلگەن. جۇڭگونىڭ دۇنيە جۇزىندەگى ءار ەلمەن عىلىم جانە تەحنيكا جاعىنداعى اۋىس – كۇيىس جاساۋ قارىم – قاتىناسى تاماشا، ءوزارا ىلگەرىلەتۋ سيپاتىنا يە، جۇڭگو ا ق ش – تان تەحنيكا ۇرلادى دەپ ايىپتاۋ ناعىز ساندىراق بولىپ ەسەپتەلەدى.
(اۆتورى جۇڭگو حالىقارالىق ساۋدا قوعامى ماماندار كوميتەتى مەڭگەرۋشىسىنىڭ ورىنباسارى)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
