عارىشكەرلى تۇڭعىش عارىش كەمەسى اسپانعا كوتەرىلدى (رەفورما جاساپ، ەسىك اشۋدىڭ 40 جىلدىعى اتىنداعى 40 «ءبىرىنشى» ايدارشاسىنداعى جەلىلەس حابارلار)
2018.11.28 16:56 كەلۋ قاينارى : حالىق تورابى
11 – ايدىڭ باس شەنىندەگى جۋحاي تەڭىز – عارىش كورمەسى كەزىندە، جۇرتقا تۇڭعىش رەت اشىق ۇستالعان جۇڭگو كەڭىستىك بەكەتى وزەكتى بولمە كورمە رايونى ەرەكشە ءبىر كورەرمەندى قارسى الدى، كەلۋشى عارىش قاھارمانى ياڭ ليۋەي بولاتىن.
2003 – جىلى 10 – ايدىڭ 15 – كۇنى ياڭ ليۋەي وتان مەن حالىقتىڭ اۋىر جۇگىن ارقالاپ، كەڭىستىك الەمىن بارلاۋعا اتتاندى. «10، 9، 8 ….» قولباسشىنىڭ كەرى ساناق بۇيرىعى شىعىسىمەن ياڭ ليۋەي اسەرلى بەينەمەن وڭ قولىن شەكە تۇسىنا اكەلىپ، وتان مەن حالىققا ايبىندى اسكەري سالەم بەردى. ساعات ءدال 9 بولعاندا، قۇلاقتى تۇندىرارلىق كۇشتى گۇرىلمەن راكەتا كوككە تىك كوتەرىلىپ، ياڭ ليۋەيدى الىپ كەڭىستىككە زىمىرادى.
راكەتا بارعان سايىن زىمىراي ءتۇستى، راكەتانى كەڭىستىككە ۇشىرىپ بارا جاتقان جابدىقتار بىرىنەن سوڭ ءبىرى اجىرادى، ءبىرىنشى، ەكىنشى دارەجەلى راكەتا دا ءبولىندى، باعىت تۇزەۋشى قوراپ تا ايرىلدى... كوزدى اشىپ – جۇمعانشا بولعان جوق، ياڭ ليۋەي ءوزىنىڭ قالقىپ قالعانىن سەزىندى، ول عارىش كەمەسىنىڭ جەر شارى تارتىلىس كۇشىنەن تىسقارى اۋماققا شىعىپ، عارىش الەمىنە كىرگەنىن ءبىلدى. كەمە تەرەزەسىنەن سىرتقى دۇنيەگە كوز سالىپ، جەر شارىنىڭ بۇيرا بۇلتتار اراسىنداعى بەينەسىن، يرەلەڭدەگەن تەڭىز جاعالاۋلارىنىڭ سۇلباسىن عانا كوردى. عارىش كەمەسى جەر شارىن اينالىپ جوعارى جىلدامدىقپەن ۇشىپ كەلەدى، 90 مينۋتتا ءبىر اينالىپ شىقتى، كۇندىز بەن ءتۇن لەزىمدە اۋىسىپ وتىردى، جەر شارىنىڭ جيەگىن التىن جىپپەن ادىپتەگەندەي سەزىندى. ول مىنا جولداردى ەستەلىگىنە ءتۇسىردى: «ادامزاتتىڭ بەيبىتشىلىگى مەن العا باسۋى ءۇشىن، جۇڭگولىقتار عارىشقا ات باسىن تىرەدى» ءارى كەمە ىشىندەگى كەسكىنمەن ەلىمىز حالقىنا، الەم حالىقتارىنا كوز جىبەردى.
عارىش الەمىندە 21 ساعات 23 مينۋت جۇمساپ، جەر شارىن 14 رەت اينالىپ شىققان ياڭ ليۋەي «شىنجوۋ - 5» عارىش كەمەسىن جۇرگىزىپ، جۇڭگونىڭ تۇڭعىش عارىشكەرلى عارىش ساپارىن جۇزەگە اسىرىپ، جۇڭگو حالقىنىڭ دۇنيە عىلىم – تەحنيكاسىنىڭ اسقار شىڭىنا كەلەلى قادام باسقانىن ايگىلەدى. «شىنجوۋ - 5» عارىشكەرلى عارىش كەمەسى، «ۇزاق جورىق - 2» F تۇرپاتتى تاسىمال راكەتاسىنان، عارىش كەمەسىن ۇشىرۋ، كەڭىستىككە بارلاۋ جۇرگىزۋ، عارىشكەرلەردى تاربيەلەۋ جانە قامتاماسىزداندىرۋ، سونداي – اق جەر شارىنا قايتقان عارىش كەمەسى بولمەسىن ىزدەۋ اترەتى سىندى ياڭ ليۋەيدى عارىشقا ۇشىرۋعا دەيىن، عارىشكەرلى عارىش كەمەسىن ءساتتى ۇشىرۋعا قول جەتكىزۋدىڭ ارتىندا مىڭداعان، ون مىڭداعان عارىش قىزمەتكەرىنىڭ جاپالى قۇلشىنىسى مەن قاجىرلى ەڭبەگى جاتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
