2018 – جىلعى الەمنىڭ الدىڭعى لەگىندەگى عىلىم – تەحنيكالىق ينجەنەريالار قايسىلار؟ جۇڭگو ينجەنەريا اكادەمياسىنىڭ بەيجيڭدە جاريالاعان دوكلادىندا ەگجەي – تەگجەيلى تالداۋ جاسالدى
2018.12.05 17:09 كەلۋ قاينارى : حالىق تورابى
شينحۋا اگەنتتىگى، 12 – ايدىڭ 4 – كۇنى، بەيجيڭ (تىلشىلەر حۋ جى، جيڭ حۋايچياۋ). 2018 – جىلعى الەمدىك ينجەنەريالاردىڭ الدىڭعى لەگىندە قايسى كەلەلى نازاريالىق ماسەلەلەر جانە تەحنيكالىق اشۋ قيىن ماسەلەلەرى زەرتتەلدى؟ 12 – ايدىڭ 4 – كۇنى تۇستەن بۇرىن، جۇڭگو ينجەنەريا اكادەمياسى ستراتەگيالىق كەڭەس بەرۋ ورتالىعى، كى – رۇي ۋەي – ان جانە وقۋ – اعارتۋ باسپاسى ورتاق ورىنداعان «الەمدىك ينجەنەريالاردىڭ الدىڭعى لەگى 2018» دوكلادى بەيجيڭدە رەسمي جاريالاندى.
دوكلادتا ينجەنەريالىق عىلىم – تەحنيكانىڭ بولاشاق دامۋىنا كەلەلى ىقپال كورسەتەتىن جانە جەتەكشىلىك رول وينايتىن باستى زەرتتەۋ جانە تەحنيكالىق باعىتى شوعىرلانىپ، ماشينا جانە تاسىمال ينجەنەرياسىن، ينفورماتسيا جانە ەلەكترون ينجەنەرياسىن، حيميا ونەركاسىپ، مەتاللۋرگيا جانە ماتەريال ينجەنەرياسىن، ەنەرگيا جانە كەن ىستەرى ينجەنەرياسىن، الەۋمەتتىك قۇرىلىس، سۋ ىستەرى جانە قۇرىلىس ينجەنەرياسىن، ەكولوگيالىق ورتا جانە جەڭىل توقىماشىلىق ينجەنەرياسىن، اۋىل شارۋاشىلىعى، ەمدەۋ، دەنساۋلىق ساقتاۋ، ينجەنەريا باسقارۋ سىندى 9 سالانى توڭىرەكتەپ، جىلدىق ينجەنەريالىق زەرتتەۋدىڭ الدىڭعى لەگىندەگى 95 نىسان مەن ينجەنەريالىق اشۋدىڭ الدىڭعى لەگىندەگى 96 نىساندى سارالاپ تاڭداپ شىقتى ءارى بۇنىڭ ىشىندە ينجەنەريالىق زەتتەۋدىڭ الدىڭعى لەگىندەگى 27 ءتۇيىندى نىسان مەن ينجەنەريالىق اشۋدىڭ الدىڭعى لەگىندەگى 27 نىسانعا مەملەكەتتىڭ ورنالاستىرۋى، سەلبەستىك جاعدايى، سونداي – اق، دامۋ بەتالىسى سىندى تۇرعىلاردان ەگجەي – تەگجەيلى تالداۋ جاسادى.
نىسان جاۋاپتىسى، جۇڭگو ينجەنەريا اكادەمياسىنىڭ اكادەميگى چيان شۇيحۇڭ تانىستىرىپ بىلاي دەدى: وسى رەتكى دوكلادتا ءتۇيىندى تالداۋ جاسالعان مازمۇندار – ماشينا جانە تاسىمال ينجەنەرياسى سالاسىنىڭ جاڭا تيپتەگى پاراحود – كەمەنى ىلگەرىلەتۋ جۇيەسى، ۇشقىشسىز ۇشاق تەحنيكاسى؛ ينفورماتسيا جانە ەلەكترون ينجەنەرياسى سالاسىنىڭ راداردان جاسىرىنۋ تەحنيكاسى، جاڭا ءبىر ۇرپاق جىلجىمالى حابارلاسۋ تەحنيكاسى؛ حيميا ونەركاسىپ، مەتاللۋرگيا جانە ماتەريال ينجەنەرسى سالاسىنىڭ كەڭ كولەمدە ەنەرگيا جيناۋ تەحنيكاسى مەن ونىڭ شەشۋشى ماتەريالى؛ ەنەرگيا جانە كەن ىستەرى ينجەنەرياسى سالاسىنىڭ وزىق يادرو ەنەرگياسى تەحنيكاسى؛ الەۋمەتتىك قۇرىلىس، سۋ ىستەرى جانە قۇرىلىس ينجەنەرياسى سالاسىنىڭ يقۋاتتى جاساۋ مەن 3D كوبەيتۋ تەحنيكاسى؛ ەكولوگيالىق ورتا جانە جەڭىل توقىماشىلىق ينجەنەرياسى سالاسىنىڭ جاڭا ەنەرگيا مەن تازا ەنەرگيا تەحنيكاسى؛ اۋىل شارۋاشىلىعى سالاسىنىڭ باستى استىق داقىلدارىنىڭ تۇقىمىن مولەكۋلالىق جوبالاپ جەتىلدىرۋ؛ ەمدەۋ، دەنساۋلىق ساقتاۋ سالاسىنىڭ وسپە مولەكۋلالارىن تيپكە ايىرۋ ءارى نىسانالى ەمدەۋ، وزەكتى كلەتكا تەحنيكاسى، جاساندى اقىل مەن ناۋقاستارعا دياگنوز قويۋ سىندى الدىڭعى لەكتەگى تەحنيكالىق سالالاردى قامتيدى.
الدىڭعى لەكتەگى ينجەنەريا دەگەنىمىز - عىلمي دامۋعا جانە كاسىپ دارەجەسىن جوعارىلاتۋعا جەتەكشىلىك ەتەتىن ماڭىزدى تۇتقا بولىپ، ينجەنەريالىق عىلىم – تەحنيكانىڭ بولاشاق باعىتىنا ماڭىزدى باعىت سىلتەيدى. جۇڭگو ينجەنەريا اكادەمياسىنىڭ اكادەميگى لي شياۋحۇڭ بىلاي دەدى: جۇڭگو ينجەنەريا اكادەمياسى الدىڭعى لەكتەگى ينجەنەريالاردى زەرتتەۋ تەكشەسىن باياندى كەمەلدەندىرىپ، اناعۇرلىم كوپ ۇقساماعان سالا، ۇقساماعان كاسىپتەردىڭ عالىمدارى مەن ينجەنەرلەرىن قاتىناسۋعا باۋرايدى، بۇكىل الەمدەگى ينجەنەريالىق عىلىم – تەحنيكا دارىندىلارىنىڭ اقىل – پاراساتىن شوعىرلاندىرىپ، مەملەكەتتىڭ ينجەنەريالىق عىلىم – تەحنيكا ستراتەگيالىق ورنالاستىرۋىن جوبالاۋ، دامۋدىڭ ستراتەگيالىق ورايىن مىقتى يگەرۋدى دەركەزىندە، الدىن الا پايدالانۋعا ازىرلەپ بەرەدى.
ۇعىسۋعا قاراعاندا، جۇڭگو ينجەنەريا اكادەمياسى 2017 – جىلدان بەرى الەمنىڭ الدىڭعى لەگىندەگى ينجەنەريالاردى زەرتتەۋدى ۇيىمداستىرىپ ورىستەتكەلى بەرى، ماكرولىق ستراتەگيالىق تۇرعىدان مولشەر بەلگىلەپ تالداۋ جاساۋ جانە سيپاتى تۇراقتاندىرىلعان زەرتتەۋدى ىشكەرىلەي بىرلەستىرۋگە سىناق جۇرگىزگەن، قۇجات سان – ساناعىنا تالداۋ جاساۋشى ماماندار مەن سالالاردىڭ تەحنيكا ماماندارىنىڭ جان – جاقتىلى قارىم – قاتىناس ورناتۋىن جەبەگەن، جوعارى مەكتەپ، عىلمي زەرتتەۋ ورىندارى، كاسىپورىن، كاسىپتىك قوعام سىندى نەشە جۇزدەگەن قۇرىلىم جانە مىڭداعان عىلىم – تەحنيكا قىزمەتكەرلەرىن قاتىناسۋعا جۇمىلدىرعان، بۇدان بىلاي ءبىر جىلدا ءبىر رەت دوكلاد بەرەدى ەكەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
