كۇن ساناپ تاياپ كەلە جاتقان 5G تەحنيكاسى تۇرمىسىزعا قانداي وزگەرىستەر ەنگىزەدى؟
2019.03.04 14:22 كەلۋ قاينارى : حالىق تورابى
 |
2 – ايدىڭ 28 – كۇنى، يسپانيانىڭ بارسەلونا قالاسى، دۇنيە جۇزىلىك جىلجىمالى حابارلاسۋ ماجىلىسىندە جۇرت Orange اتتى تەلەگراف سەرىكتەستىگىنىڭ كورگىزبە رايونىن تاماشالاۋدا. 2019 – جىلعى دۇنيە جۇزىلىك جىلجىمالى حابارلاسۋ ءماجىلىسى 2 – ايدىڭ 28 – كۇنى يسپانيانىڭ بارسەلونا قالاسىندا اياقتادى. وسى رەتكى ماجىلىسكە 110 مىڭعا جۋىق كورەرمەن جانە 2400دەن استام كاسىپورىن قاتىناستى، ال، 5G (بەسىنشى ۇرپاق جىلجىمالى حاباارلاسۋ تەحنيكاسى) اۋىزعا ەڭ كوپ الىنعان ءسوز تيەگى بولدى. شينحۋا اگەنتتىگىنىڭ ءتىلشىسى گو چيۋدا فوتوسى
|
شينحۋا اگەنتتىگى، 3 – ايدىڭ 3 – كۇنى، جىڭجوۋ (ءتىلشى: شى لينجيڭ، ليۋ گاۋياڭ) تىنىق كول بەتىندە جۇرگىزۋشىسى جوق كەمە ءجۇزىپ كەلەدى، كول جاعاسىنداعى شوفەرسىز كولىككە جانە كەمەگە ورناستىرعان سەزگىر اسپاپقا سۇيەنگەن زەردەلى كەمە زاڭعا قايشى بالىق اۋلاۋ ارەكەتىن پارىقتاپ شىقتى. زاڭعا قايشى ارەكەت پەن بۇل ارەكەت تۋىلعان ورىندى جوعارىعا دەر كەزىندە مالىمدەگەن سوڭ، شوفەرسىز كەمە وزىندەگى جولجەتەك ارقىلى نىساناعا العان جەرگە قاراي جولعا شىقتى.
بۇل كينو ەمەس، حىنان ولكەسى شۇيچاڭ قالاسى قالا مەن اۋىلدى ءبىرتۇلعالاندىرۋ سىناق رايونى فۋرۇڭ كولىندەگى 5G تەحنيكاسىن قولدانۋ سىناعىنىڭ ناقتى كورىنىسى، بۇل سىناق دەربەس توراپ پەن ادامسىز ماشينالاردى ءسات سايىن قامتىپ وتىراتىن 5G تورابى شارت – جاعدايىندا وتكىزىلگەن. قازىر بەيجيڭ پوچتا – تەلەگراف ۋنيۆەرسيتەتىنىڭ ۇجىمى جەتەكشىلىك ەتكەن 5G شارت – جاعدايىندا اۆتوماتتى جۇرگىزۋدى زەرتتەۋ جانە سىناق ەتۋ نىسانى سول ارادا شوعىرلى دايىندىق جاساۋدا.
2019 – جىلعى بارسەلونا دۇنيە جۇزىلىك جىلجىمالى حابارلاسۋ ءماجىلىسىنىڭ اياقتالۋىمەن، 5G تەحنيكاسى ەڭ قىزۋ تالقىلانعان تاقىرىپتاردىڭ بىرىنە اينالدى، ءبىراق، كوپتەگەن ادامداردىڭ 5G تەحنيكاسىنا دەگەن تۇسىنىگى 4Kلىق كەسكىندەردى جولداۋ، VR ساندى دەرەكتەرىن دەر كەزىندە جولداۋ قاتارلى قازىر ءبىرشاما جەتىلگەن تەحنيكالارمەن شەكتەلۋى مۇمكىن.
بەييوۋ - ۋانليان ينتەرنەت تەحنيكاسى شەكتى سەرىكتەستىگىنىڭ جاۋاپتىسى ليۋ گوتاي: ەگەر 5G تەحنيكاسى جالپىلاساتىن بولسا، ءسىز ەڭ الدىمەن سەزەتىن وزگەرىس، بالكىم، كولەمدى سپورت جارىسىن نەمەسە كونسەرتتى تاماشالاعان كەزدە قولفونىڭىزبەن حات جولداۋ كەدەرگىگە ۇشىرامايتىن بولادى، ارينە، بۇل 5G تەحنيكاسىنىڭ ەڭ قاراپايىم قولدانىلىمى ەسەپتەلەدى. قاراپايىم مىسال كەلتىرسەك، 4G تورابىنىڭ كەشىگۋ مولشەرى ورتا ەسەپپەن 50 ميللي سەكۋند، ساعاتتىق جىلدامدىعى 80 كيلومەترگە جەتەتىن اۆتوكولىك جونىنەن ايتقاندا، حات تاپسىرىپ العانشا، اۆتوكولىك ءبىر مەتر جەرگە بارىپ بولادى، سوندىقتان، اۆتوكولىك، جول، توراپ ۇشەۋىن ۇشتاستىرعان اۆتوماتتى جۇرگىزۋدى ىسكە اسىرۋ مۇمكىن ەمەس، ال، G5 تەحنيكاسىن قولدانعان، بۇل ۋاقىت ءبىر ميللي سەكۋندقا دەيىن قىسقارادى، — دەيدى.
شۇيچاڭ ينفورماتسيالاندىرۋدى باسقارۋ جانە وعان قىزمەت وتەۋ ورتالىعى مەڭگەرۋشىسىنىڭ ورىنباسارى ليۋ يان: شۇيچاڭ قالاسى تۇراقتى جان سانى ءتورت ميلليوننان اساتىن ورتا بولەكتەگى قالا، 5G تەحنيكاسىنىڭ قولدانىلىم مۇمكىندىگىن دالەلدەۋگە ۇيلەسەتىن نارىعى بار، — دەيدى. ءبىر جىلدىڭ الدىندا، شۇيچاڭ قالاسى مەن بەيجيڭ پوچتا – تەلەگراف ۋنيۆەرسيتەتى توراپ جانە اۋىستىرۋ تەحنيكاسى مەملەكەتتىك ءتۇيىندى زەرتتەۋ ورنى (بەيجيڭ پوچتا – تەلەگراف ۋنيۆەرسيتەتى) شۇيچاڭ بازاسى قۇرىلعان، بۇل ورىن نەگىزىنەن 5G تەحنيكاسىن زەرتتەۋ مەن ونىڭ ناتيجەلەرىن ءىس جۇزىندە پايدالانۋعا بەيىمدەۋگە نازاردى شوعىرلاندىرادى.
ءتىلشىنىڭ بايقاۋىنشا، شۇيچاڭ بازاسىندا سالىنعان الەۋمەتتىك قۇرىلىستار، ءالسىز ەلەكتر ۇڭعىما قۇبىرى، مۇناراشا باعانا، جاسىل القاپ قاتارلى بايلىقتاردىڭ بارلىعى 5G بازالىق پۋنكتىن سالۋعا اشىق ۇستالعان، 5G پۋنكتىن ورنالاستىرۋ مەن قالا قۇرىلىسى، باۋ – باقشانى باسقارۋ، جارىقتاندىرۋ قۇرىلعىلارىن ورنالاستىرۋ ىستەرىن ءبىرتۇتاس جوبالاۋ ىسكە اسىرىلعان.
بەيجيڭ پوچتا – تەلەگراف ۋنيۆەرسيتەتىنىڭ دوتسەنتى لۋ جاۋميڭ: قازىر ءبىزدىڭ سىمسىز حابارلاسۋ تەحنيكاسى جاعىنداعى ورەمىز شاننون زاڭدىلىعىنىڭ جوعارى شەگىنە جەتتى، ءتىپتى ادامزاتتىڭ تۇيسىك ورەسىنەن اسىپ كەتتى، مۇنان دا ماڭىزدىسى، بۇل تەحنيكالاردى ءىس جۇزىندە قالاي پايدالانۋ بولىپ وتىر، — دەيدى. 5G تەحنيكاسى مەيلى ءتۇسىرۋ جىلدامدىعى، كەشىگۋ ۋاقىتى جاعىنان بولسىن، سونداي – اق، جالعاۋعا بولاتىن زاتتار ينتەرنەتى تەرمينالىنىڭ سانى جاعىنان بولسىن، 4G تەحنيكاسىنىڭ ون ەسەسىنە، ءتىپتى نەشە ون ەسەسىنە جەتەدى، ونىڭ ۇستىنە حابارلاسۋ تەحنيكاسى نەگىزدىك سيپات الاتىندىقتان، ءارقانداي بولىمسىز ىلگەرىلەۋشىلىكتىڭ ءوزى مۇلدە باسقاشا وزگەرىستەردى تۋىنداتۋى مۇمكىن.
بەيجيڭ پوچتا – تەلەگراف ۋنيۆەرسيتەتىنىڭ مۇعالىمى ۋاڭ لۋحان: مىسالى، 5G داۋىرىندەگى ينتەرنەتتىك بايلانىس فورماسىنداعى اۆتوماتتى كولىك جۇرگىزۋ دەگەنىمىز ماشينا مەن جول، ماشينا مەن توراپ، ماشينا مەن ماشينا اراسىنداعى سايكەستىلىك بولىپ، قازىرگى نەگىزگى جاقتان ءبىر عانا ماشيناعا ارنالعان اۆتوماتتى كولىك جۇرگىزۋ تاسىلىندە بۇكىلدەي جاڭالىق جاراتىلاتىن بولادى. بولاشاقتا 5G تەحنيكاسى اۆتوماتتى كولىك جۇرگىزۋ، اۆتوكولىك پەن جولدى سايكەستىرۋ، كوڭىل اشۋ، الىس ارالىقتى وقۋ – اعارتۋ، الىس ارالىقتى ەمدەۋ، سونداي – اق، زەردەلى قالا قاتارلى سالالاردا اناعۇرلىم مول مۇمكىندىكتەر سيلايدى، — دەيدى.
قازىر بۇكىل ەلىمىزدەگى كوپتەگەن قالا وزىندەگى كاسىپتەردىڭ ەرەكشەلىگىنە قاراي 5G تەحنيكاسىن سىناق ەتۋ مەن ونى پايدالانۋدى ورىستەتۋدە، شي – ان، چىڭدۋ، شيامىن قاتارلى كوپتەگەن قالادا 5G كاسىپتىك باقشالارى ىسكە قوسىلدى.
كەلۋ قاينارى: حالىق تورابى
 |
2 – ايدىڭ 28 – كۇنى، يسپانيانىڭ بارسەلونا قالاسى، دۇنيە جۇزىلىك جىلجىمالى حابارلاسۋ ماجىلىسىندەگى حۋاۋەي سەرىكتەستىگىنىڭ كورگىزبە رايونىندا كورەرمەن VR ويىنىن ويناۋدا. شينحۋا اگەنتتىگىنىڭ ءتىلشىسى گو چيۋدا فوتوسى
|
 |
2 – ايدىڭ 28 – كۇنى، يسپانيانىڭ بارسەلونا قالاسى، جۇرت دۇنيە جۇزىلىك جىلجىمالى حابارلاسۋ ماجىلىسىندە حۋاۋەي كورگىزبە رايونىن تاماشالاۋدا. شينحۋا اگەنتتىگىنىڭ ءتىلشىسى گو چيۋدا فوتوسى
|
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
