ادامزات تاريحىنان بەرى تۇڭعىش رەت تۇسىرىلگەن قارا ۇڭگىر سۋرەتى 4 – ايدىڭ 10 – كۇنى جاريالانادى
2019.04.10 16:11 كەلۋ قاينارى : حالىق تورابى
شينحۋا اگەنتتىگى، 4 – ايدىڭ 9 – كۇنى، ۋاشينگتون. دۇنيە جۇزىندەگى كوپتەگەن ەلدەردىڭ عىلمي زەرتتەرمەندەرى سەلبەسكەن «وقيعالىق كوكجيەك تەلەسكوبى» نىسانى 4 – ايدىڭ 10 – كۇنى «جاڭالىق اشۋ سيپاتىندىق ناتيجەسىن» جاريالايدى، اڭىسقا قاراعاندا، بۇل ادامزات تاريحىنان بەرى تۇڭعىش رەت تۇسىرىلگەن قارا ۇڭگىر سۋرەتى بولۋى مۇمكىن.
«وقيعالىق كوكجيەك تەلەسكوبى» نىسانىنىڭ رەسمي تورابى جاريالاعان حابارعا قاراعاندا، ا ق ش – تىڭ شىعىس بولەك ۋاقىتى بويىنشا 4 – ايدىڭ 10 – كۇنى ساعات 9دا (بەيجيڭ ۋاقىتى بويىنشا 4 – ايدىڭ 10 – كۇنى ساعات 21دە) ا ق ش – تىڭ ۋاشينگتون قالاسى، جۇڭگونىڭ شاڭحاي قالاسى مەن تايبەي قالاسى، چيليدىڭ سانتياگو قالاسى، بەلگيانىڭ برۋسسەل قالاسى، دانيانىڭ ليڭبي قالاسى جانە جاپونيانىڭ توكيو قالاسىندا بىردەي ۋاقىتتا اقپار جاريالاۋ ءماجىلىسى وتكىزىلىپ، اعىلشىن، حانزۋ، يسپان، دات جانە جاپون تىلدەرىندە «وقيعالىق كوكجيەك تەلەسكوبىنىڭ» ءبىرىنشى رەتكى كەلەلى تابىىسىن جاريالادى.
ءىشىنارا ماڭىزدى قۇرمەتتى قوناقتار ا ق ش – تىڭ ۋاشينگتون قالاسىنداعى مەملەكەتتىك تىلشىلەر بىرلەستىگىندە وتكىزىلەتىن اقپار جاريالاۋ جيىنىنا قاتىناسادى، ولاردىڭ ىشىندە «وقيعالىق كوكجيەك تەلەسكوبى» نىسانىنىڭ مەڭگەرۋشىسى، ا ق ش حارۆارد – سميسون استروفيزيكا ورتالىعىنىڭ بەدەلدى استرونومى شەپايد دۋلمان، نىساننىڭ باستى قارجىلاندىرۋشى جاعى ا ق ش مەملەكەتتىك عىلىم قورى قوعامىنىڭ ءتوراعاسى فرانس كوردوۆا قاتارلىلار بار. ا ق ش مەملەكەتتىك عىلىم قورى قوعامى تورابىنىڭ 1 - بەتىندەگى اقپار جاريالاۋ جيىنى جونىندەگى تانىستىرۋدا: «قارا ۇڭگىر جونىندەگى تاريحي سيپاتتى مالىمدەمە» دەپ جازىلعان.
«وقيعالىق كوكجيەك تەلەسكوبى» نىسانى دۇنيە جۇزىندەگى كوپتەگەن ەلدەر مەن رايوندارداعى عىلمي زەرتتەۋ قىزمەتكەرلەرىنەن ۇيىمداسقان، ولار دۇنيە ءجۇزىنىڭ جەر – جەرىندەگى راديولىق تەلەسكوۆتاردان پايدالانىپ، اسا الىپ ۆيرتۋالدى تەلەسكوپتى قۇرايدى، ونىڭ اۋىز ديامەترى جەر شارىنىڭ ديامەترىنە تەڭ كەلەدى. اتالعان نىسان بويىنشا وسىنىڭ الدىندا جولدانعان مالىمەتتە، اتالعان ۆيرتۋالدى تەلەسكوپپەن ەكى قارا ءۇڭگىردى ءتۇيىندى تۇردە سۋرەتكە تۇسىرەتىنى ايتىلعان، ونىڭ ءبىرى قۇس جولى جۇيەسىنىڭ ورتاسىنداعى «مەرگەن A*» جۇلدىزى، ەندى ءبىرى M87 ءنومىرلى اسا ءىرى ەلليپيس جۇلدىزدار جۇيەسىنىڭ ورتالىعى بولىپ تابىلادى.
2017 – جىلى 4 – ايدا «وقيعالىق كوكجيەك تەلەسكوبى» سۋرەتكە ءتۇسىرۋدى باستاعان كەزدە، كوردوۆا مالىمدەمە جاريالاپ: بۇل نىساننىڭ «ادامدى تەبىرەنتەرلىك ءارى سىناققا تولى قىزمەت ەكەنىن»، ەڭ نەگىزگى فيزيكالىق نازاريالاردى دالەلدەۋگە ءتيىمدى بولاتىنىن ايتقان.
قارا ۇڭگىردىڭ سۋرەتى ەكى جىلعا جۋىق «جۋىلدى». بيىل 3 – ايدا 2019 – جىلعى ا ق ش – تىڭ «باتىس وڭتۇستىكتىك قيىس وڭتۇستىگى» كوپ ۆەكتورلى جاڭالىق جاراتۋ ءماجىلىسى جانە كوركەمونەر مەرەكەسىندە دۋلمان شينحۋا اگەنتتىگىنىڭ تىلشىسىنە: «بۇل نىساننىڭ تابىسقا جەتكەنىنە اسا قۋانىشتامىز، ءىس جۇزىندە، ءبىز نەگىزىنەن بارلىق جۇمىستاردى ورىنداپ بولدىق»، — دەگەن.
جۇڭگو عىلىم اكادەمياسى شاڭحاي وبسەرۆاتورياسىن قامتىعان ەل ىشىندەگى ءبىر ءبولىم قۇرىلىمدار دا بۇل رەتكى حالىقارالىق سەلبەستىك نىسانىنا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
