جوعارى قارقىندى ارتۋ! 2019 – جىلى ەلىمىزدىڭ جاڭا ەنەرگيالى اۆتوموبيل ءوندىرۋ – ساتۋ مولشەرى ءبىر ميلليون 500 مىڭعا جەتەدى

2019.04.30 15:34   كەلۋ قاينارى : حالىق تورابى

　　ورتالىق تەلەۆيزيا تورابىنىڭ حابارى: ونەركاسىپ جانە ينفورماتسيالاندىرۋ مينيسترلىگىنىڭ اقپارت مالىمدەمەشىسى بىلاي دەدى: اناعۇرلىم كوپ ءتيىمدى شارالاردى زەرتتەپ جاساپ، جاڭا ەنەرگيالى اۆتوموبيل كاسىبىنىڭ دامۋى جەدەلدەتىلدى. جۇڭگو اۆتوموبيل ونەركاسىبى قوعامىنىڭ ەڭ جاڭا ساندى مالىمەتىندە كورسەتىلۋىنشە: ءبىرىنشى ماۋسىمدا ەلىمىزدىڭ جاڭا ەنەرگيالى اۆتوموبيل ءوندىرۋ – ساتۋ مولشەرى ەسەلەپ ارتتى.

　　مالىمەتكە قاراعاندا، بيىلعى ءبىرىنشى ماۋسىمدا، ەلىمىزدىڭ جاڭا ەنەرگيالى اۆتوموبيل ءوندىرۋ – ساتۋ مولشەرى جەكە – جەكە 304 مىڭ جانە 298 مىڭ 900گە جەتىپ، وتكەن جىلداعىمەن سالىستىرعاندا ءبىر ەسە جانە 1.1 ەسە ارتتى. جاڭا عانا اقىرلاسقان شاڭحاي حالىقارالىق اۆتوموبيل كورمەسى مەن چىڭدۋ حالىقارالىق جاڭا ەنەرگيالى اۆتوموبيل كورمەسىنەن ءتىلشىنىڭ يەلەۋىنشە، 5G، جىلجىمالى توراپ قاتارلى وزىق تەحنيكالاردىڭ قولدانىلۋىنا ساي، تۇتاس اۆتوموبيلدىڭ زەردەلەنۋىنە دەم بەرىپ قالماستان، جاڭا ەنەرگيالى اۆتوموبيل كاسىپ تىزبەگىنىڭ دامۋىنا دا سەپتىگىن تيگىزدى.

　　ءداستۇرلى جانار ماي اۆتوموبيلىنىڭ 2018 – جىلى 10 پايىزدان ارتىق تومەندەۋىمەن سالىستىرعاندا، قازىر بارلىق اۆتوموبيىل وندىرەتىن كاسىپورىندار بار كۇشىن جاڭا ەنەرگيالى اۆتوموبيلگە شوعىرلاندىرۋدا، بۇل كاسىپ تىزبەگىنىڭ ەكى ۇشىنداعى جاڭالىق اشۋ قوزعاۋشى كۇشىن تاسقىنداتتى. ونەركاسىپ جانە ينفورماتسيالاندىرۋ مينيسترلىگىنىڭ اقپارات مالىمدەمەشىسى بىلاي دەدى: جاڭا ەنەرگيالى اۆتوموبيلگە توك تولتىرۋ قۇرىلعى قۇرىلىسىن جەدەلدەتۋ، الەۋمەتتىك توك تولتىرۋ قۇرىلعىلارىن ساپالاندىرۋ، جاڭا ەنەرگيالى اۆتوموبيلدەرگە ارناۋلى قولدانىلاتىن ءنومىردى زەرتتەۋ نەگىزىندە، پايدالانۋ بۋىندارىندا اناعۇرلىم كوپ تيىمدىلىك جاساۋ شارالارىن قولدانۋ كەرەك. مەجەمەن بيىل ەلىمىزدىڭ جاڭا ەنەرگيالى اۆتوموبيل ءوندىرۋ – ساتۋ مولشەرى ءبىر ميلليون 500 مىڭعا جەتەدى.

　　كەلۋ قاينارى: حالىق تورابى