جاپونيا زەردەلىلەنگەن اۋىل شارۋاشىلىعىن دامىتا باستادى
حالىق گازەتىنىڭ جاپونيادا تۇراتىن ءتىلشىسى ليۋ جۇنگو
2019.05.22 15:39 كەلۋ قاينارى : حالىق تورابى
جاپونيانىڭ اۋىل شارۋاشىلىعى اۋىل شارۋاشىلىعىمەن شۇعىلدانۋشىلاردىڭ قارتتانۋى، اۋىل شارۋاشىلىعى ءوندىرىسىنىڭ وزىندىك قۇنى جوعارى بولۋ قاتارلى سىناقتارعا ءدوپ كەلدى. عىلىم – تەحنيكانىڭ العا باسۋىنا ىلەسە، جاپونيا زەردەلىلەنگەن اۋىل شارۋاشىلىعىن دامىتا باستادى. شاعىن تيپتەگى ۇشقىشسىز ۇشاق، شوفەرسىز اۋىل شارۋاشىلىعى ماشينالارى جانە اۋىل شارۋاشىلىعى جۇمىستارىن ىستەيتىن شاعىن تيپتەگى روبوتتار قاتارلى زەردەلى اسپاپتار ءداستۇرلى ەڭبەككۇشكە سۇيەنەتىن ەگىن ەگۋ ءتاسىلىنىڭ ورنىن باسۋدا.
شاعىن تيپتەگى ۇشقىشسىز ۇشاقتاردى اۋىل شارۋاشىلىعىنا ىستەتىلەتىن دارىلەردى شاشۋ سياقتى ىستەرگە پايدالانۋعا بولادى. 2018 – جىلدىڭ سوڭىنا دەيىن، جاپونيانىڭ اۋىل شارۋاشىلىعى، ورمان شارۋاشىلىعى، سۋ ونىمدەرى شارۋاشىلىعى اۆياتسيا بىرلەستىگى تىزىمگە العان شاعىن تيپتەگى ۇشقىشسىز ۇشاقتاردىڭ سانى 1500 اينالاسىندا بولعان، شەبەرلىگى مويىندالعان جۇرگىزۋشى قىزمەتكەرلەردىڭ سانى 5000 ادامعا جۋىقتاعان.
ۇشقىشسىز ۇشاقتىڭ اناعۇرلىم كەڭىنەن جالپىلاسۋىن جانە ونى حاۋىپسىز قولدانۋدى جەبەۋ ءۇشىن، جاپونيا اۋىل شارۋاشىلىعى، ورمان شارۋاشىلىعى، سۋ ونىمدەرى شارۋاشىلىعى مينيسترلىگى جۋىردا اۋىل شارۋاشىلىعى سالاسىندا شاعىن تۇرپاتتى ۇشقىشسىز ۇشاقتاردى جالپىلاستىرۋ جوسپارىن العاش رەت بەلگىلەدى، مۇندا شاعىن تۇرپاتتى ۇشقىشسىز ۇشاقتاردى ءوندىرۋ احۋالىنا تالداۋ جاساۋ، اۋىل شارۋاشىلىعى ءدارى – دارمەكتەرى مەن تىڭايتقىشتارىن شاشۋ، قۇستار مەن حايۋاناتتاردىڭ زيانداۋىنان ساقتانۋ قاتارلى جاقتاردا پايدالانۋ قامتىلعان. جوسپاردا ايتىلۋىنشا، 2022 – جىلعا بارعاندا ۇشقىشسىز ۇشاقپەن ءدارى – دارمەك شاشۋ كولەمى قازىرگى 20 مىڭ گەكتاردان ميلليون گەكتارعا ارتتىرىلادى. مۇنان سىرت، شاعىن تۇرپاتتى ۇشقىشسىز ۇشاقتاردى اناعۇرلىم كەڭىنەن جالپىلاستىرۋ ءۇشىن جاپونيا ارناۋلى تۇردە ۇكىمەت پەن حالىق اراسىنداعى ۋاكىلدەردەن ۇيىمداسقان بىرلەسكەن كەڭەستى قۇرعان.
الايدا، شاعىن تيپتەگى ۇشقىشسىز ۇشاقتاردى جالپىلاستىرۋ بارىسىندا ءالى دە ءىشىنارا تەحنيكالىق ماسەلەلەردى شەشۋ قاجەتتى. مىسالى، شاشۋعا قولايلى تىڭايتقىش ماتەريالدارىن زەرتتەپ جاساۋ، تەحنيكانى جاڭارتۋ ارقىلى تۇقىمدى بىركەلكى سەبۋدى ىسكە اسىرۋ، جۇمىس ىستەۋ بارىسىندا ۇشاق تۇلعاسىن قايتىپ ورنىقتىرۋ قاتارلى ماسەلەلەر. بيىل 3 – ايدا جاپونيانىڭ يباراكي اۋدانى كاۋاچي قالاشىعىندا ەكىنشى رەتكى «اۋىل شارۋاشىلىعى ۇشقىشسىز ۇشاقتارىنىڭ مۇمكىندىگى جونىندە ىزدەنۋ جارىسى» وتكىزىلدى. ەكى كۇن وتكىزىلگەن جارىستا ارام ءشوپتى جويۋ ءدارىسى مەن تىڭايتقىش شاشۋ جۇمىسىن اتقاراتىن ۇشقىشسىز ۇشاقتى مەڭگەرۋ جارىسى وتكىزىلۋدەن سىرت، تالقى جيىنىن وتكىزىپ، ءوندىرىس، وقىتۋ، زەرتتەۋ سالالارىنداعى مامانداردى ۇشقىشسىز ۇشاققا قاتىستى تەحنيكالىق ماسەلەلەردى شەشۋ جونىندە كەڭەس بەرۋگە ۇسىنىس ەتتى.
شاعىن تۇرپاتتى ۇشقىشسىز ۇشاقتان سىرت، شوفەرسىز اۋىل شارۋاشىلىعى ماشينالارى دا ادام كۇشىمەن ىستەلەتىن اۋىل شارۋاشىلىعىن زەردەلىلەندىرۋدەگى ماڭىزدى سالا بولىپ وتىر. جۋىردا جاپونيانىڭ اۋىل شارۋاشىلىعى، ورمان شارۋاشىلىعى، سۋ ونىمدەرى شارۋاشىلىعى مينيسترلىگى بۇكىل ەل كولەمىندە شاعىن تۇرپاتتى ۇشقىشسىز ۇشاقتار مەن شوفەرسىز اۋىل شارۋاشىلىعى ماشينالارى پايدالانىلعان زەردەلى اۋىل شارۋاشىلىعىن تۇيىندە سىناق ەتۋ قىزمەتىن باستادى. وسى جولى سىناق ەتۋ بارىسىندا شار – تاراپتى قامتىعان 69 نىساندى تاڭدادى، بۇل نىساندار ءتۇرلى شارت – جاعدايداعى اۋىل شارۋاشىلىعىنا پايدالاناتىن جەرلەرگە سايادى، تاجىريبە مازمۇنى كۇرىش ەگۋ، ءشول جەرلەرگە ەگىن ەگۋ، كوكونىس ەگۋ، مال شارۋاشىلىعى قاتارلى سالالاردى قامتيدى. تۇيىندە سىناق ەتۋ قىزمەتى ەكى جىلعا جالعاسادى. اۋىل شارۋاشىلىعى، ورمان شارۋاشىلىعى، سۋ ونىمدەرى شارۋاشىلىعى مينيسترلىگى تۇيىندە سىناق ەتۋگە قاتىستى ساندى دەرەكتەرگە نەگىزدەلىپ، قاتىستى تەحنيكالاردى جالپىلاستىرادى.
جاپونياداعى ءارقايسى اۋىل شارۋاشىلىعى ماشينالارى سەرىكتەستىكتەرى اعىمعا ىلەسىپ، زەردەلىلەنگەن اۋىل شارۋاشىلىعىن دامىتۋ بەتالىسىن ساۋدا ورايىنا اينالدىردى. كوپتەگەن كاسىپورىندار تراكتور، توپىراق قازعىش قاتارلى اۋىل شارۋاشىلىعى ماشينالارىن زەردەلىلەندىرۋ مەن شوفەرسىزدەندىرۋدى جەدەل ىلگەرىلەتتى. 2017 – جىلى جاپونيانىڭ اۋىل شارۋاشىلىعى ماشينالارى كاسىپورنى كۋبوتا سەرىكتەستىگى ادامنىڭ باقىلاۋىندا شوفەرسىز جۇمىس ىستەي الاتىن تراكتوردى ساتىلىمعا شىعاردى. اتالعان سەرىكتەستىك بيىل جاڭا تۇرپاتتاعى شوفەرسىز تراكتوردى، مايسا وتىرعىزعىشتى بازارعا سالماقشى ءارى 2020 – جىلى جاڭا تۇرپاتتى شوفەرسىز كومبايىندى بازارعا سالۋدى جوسپارلاپ وتىر.
جاپونيانىڭ اۋىل شارۋاشىلىعى ماشينالارى كاسىپورىندارى جاڭا تۇرپاتتى زەردەلى مايسا وتىرعىزعىش، الىستان مەڭگەرۋگە بولاتىن شاعىن تۇرپاتتى توپىراق قازعىش قاتارلىلاردى زەرتتەپ جاساۋدا. مۇنىڭ ىشىندە مايسا وتىرعىزعىش ماشينانىڭ دوڭگەلەگىنە ورنالاستىرىلعان سىلتەگىش اتىز توپىراعىنىڭ تەرەڭدىگى مەن تىڭايتىلۋ دارەجەسىن دەرەۋ تەكسەرە الادى، وسى ارقىلى مايسا وتىرعىزعان كەزدە تىڭايتقىشتى دا ۇيلەسىمدى مولشەردە سەبەدى. شاعىن تۇرپاتتى توپىراق قازعىشتى مەڭگەرۋشى تەك جەلدەن قورعانعىش فورمالى ەكراندى تاعۋ ارقىلى D3 كەسكىنىنەن پايدالانا وتىرىپ، ماشينانى الىستان جۇرگىزە الادى. مۇنداي شوفەرسىز قازۋ ماشينالارى تاۋ اراسىنان تىڭ يگەرۋ جانە اعاش ماتەريالدارىن تاسۋ قاتارلى سالالاردا ءوز رولىن ساۋلەلەندىرەدى.
مۇنان سىرت، كوپتەگەن شاعىن تۇرپاتتى كاسىپورىندار قازىر اۋىل شارۋاشىلىعىنا پايدالاناتىن ءتۇرلى شاعىن تۇرپاتتى روبوتتاردى زەرتتەپ جاساۋدى جەدەلدەتۋدە. كاناگاۋا اۋدانى كاماكۋرا قالاسىنداعى كاسىپ كوزىن جاڭا اشقان سەرىكتەستىك بيىل جازدا ءبىر ءتۇرلى روبوتتى بازارعا سالادى، بۇل روبوت كوكونىس تەرۋدەن سىرت، دەرت – دەربەز جانە جاندىكتەر زيانى، توپىراقتىڭ جاعدايى جونىندە تۇجىرىم جاساي الادى.
كاسىپ سالاسىنداعىلاردىڭ قاراۋىنشا، جاساندى زەردەلى تەحنيكادان پايدالانعان ادامسىز اۋىل شارۋاشىلىعى ماشينالارىنىڭ جالپىلاستىرىلۋى جاپونيانىڭ اۋىل شارۋاشىلىعىنىڭ ءوندىرىس ونىمدىلىگىن بارىنشا جوعارىلاتىپ، اناعۇرلىم كوپ ديحاندار مەن كاسىپورىنداردى اۋىل شارۋاشىلىعىمەن شۇعىلدانۋعا باۋراپ، اتالعان ەلدىڭ اۋىل شارۋاشىلىعىنىڭ باسەكەلىك قۋاتىن جوعارىلاتۋىنان ءۇمىت زور. (حالىق گازەتىنىڭ توكيودان بەرگەن حابارى)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
