جۇڭگونىڭ 5G تيجارات كۋالىگىن تاراتقانىن حالىقارالىق قوعام قىزۋ تالقىلادى
2019.06.12 15:01 كەلۋ قاينارى : حالىق تورابى
شينحۋا اگەنتتىگى، 6 – ايدىڭ 11 – كۇنى، بەيجيڭ. جۋىردا جۇڭگو ونەركاسىپ جانە ينفورماتسيالاندىرۋ مينيسترلىگى جۇڭگو پوچتا – تەلەگراف سەرىكتەستىگى، جۇڭگو جىلجىمالى حابارلاسۋ سەرىكتەستىگى، جۇڭگو بىرلەسپە حابارلاسۋ سەرىكتەستىگى، جۇڭگو راديو – تەلەۆيزيا – توراپ سەرىكتەستىگى سىندى ءتورت ورىنعا 5G سەگنالىن ساۋدالىق ماقساتتا پايدالانۋ تيجارات كۋالىگىن تاراتتى. بۇل جونىندە حالىقارالىق قوعام قىزۋ تالقىلاپ، بۇل جۇڭگونىڭ 5G ينتەرنەت قۇرىلىسىنداعى ماڭىزدى قادام، بولاشاقتا دۇنيە ءجۇزىنىڭ جىلجىمالى حابارلاسۋ سالاسىنىڭ دامۋىن ىلگەرىلەتەدى دەپ قارادى.
جۇڭگودان 4 كاسىپورىن 5G سەگنالىن ساۋدالىق ماقساتتا قولدانۋ تيجارات كۋالىگىن العان كۇننىڭ ەرتەڭىندە، رەسەي پرەزيدەنتى پۋتين سانكت – پەتەربۋرگتەگى حالىقارالىق ەكونوميكالىق فورۋمنىڭ جالپى ماجىلىسىندە «رەسەي جاق تەڭ تۇرعىدا جانە ءوزارا قۇرمەت ەتۋ نەگىزىندە ءوزارا تيىمدىلىك جەتكىزۋ سەلبەستىگىن ورىستەتۋدى قالايدى» دەگەن پوزيتسياسىن ءبىلدىردى، ول مىنانى ەرەكشە اتاپ كورسەتتى: «جۇڭگو قازىر تەحنيكالىق زەرتتەۋ ناتيجەلەرىن، وتە – موتە، 5G تەحنيكاسىن سەرىكتەس ەلدەرمەن ورتاقتاسۋعا دايىندالۋدا، بۇل شارا شەشۋشى باسىمدىلىقتاردى جەتىلدىرىپ، ەكونوميكانىڭ دامۋ فورماسىن وزگەرتەدى».
رەسەيدىڭ ايگىلى پوچتا – تەلەگراف كاسىپورنى MTS سەرىكتەستىگىنىڭ القالار كەڭەسىنىڭ ءتوراعاسى الەكسەي كورنيا بىلاي دەدى: جۇڭگونىڭ ۇكىمەت تاراۋلارى جۇڭگو كاسىپورىندارىنا 5G تورابىنىڭ جيىلىكتەرىن ءبولىپ بەردى، كاسىپورىندار حابارلاسۋ تورابىنا ارقا سۇيەي وتىرىپ، ەڭ تەز جىلدامدىقپەن 5G تورابىن ورنالاستىرادى، ءبولۋ مەن توراپتى ورنالاستىرۋ مەحانيزمى «ۇيلەسىمدى دە ءجاريا» بولدى، رەسەي 5G حابارلاسۋ تەحنيكاسىن دامىتۋ بارىسىندا وسىنداي ءساتتى جۇرگىزىلگەن نۇسقادان ۇلگى الۋى كەرەك.
رەسەي – جۇڭگو ەكى جاقتىڭ جۋىردا قول قويعان 5G نىسانى سەلبەستىك – سەرىكتەستىك كەلىسىمى جونىندە، كورنيا مىنانى ءبىلدىردى: بۇل كەلىسىم «تەك ەكى ەلدىڭ پوچتا – تەلەگراف سالاسىنداعى كاسىپورىندارىنىڭ ستراتەگيالىق سەلبەستىك ورىستەتۋىن ىلگەرىلەتىپ قالماستان، رەسەي جاقتىڭ 5G تەحنيكاسىن تەز ارادا ساۋدالىق ماقساتتا قولدانۋىنا بەرىك نەگىز قالايدى، مۇنان سىرت، رەسەي مەن جۇڭگونىڭ ەكونوميكا – ساۋدا قارىم – قاتىناسىنىڭ ۇزدىكسىز دامۋىنا دەم بەرەدى».
«جاپونيا ەكونوميكا اقپاراتى» شولۋىندا مىنانى ءبىلدىردى: قاتىستى قۇرىلىمداردىڭ بولجام دەرەكتەرىنە قاراعاندا، 5G جۇڭگوعا زور ەكونوميكالىق تيىمدىلىك جەتكىزەدى. مۇنان سىرت، 5G تەحنيكاسىنىڭ ساۋدالىق ماقساتتا قولدانىلۋى زەردەلى قولفون سالاسىنىڭ دامۋىن بارىنشا ىلگەرىلەتەدى.
گەرمانيانىڭ «ساۋدا گازەتى» تورابى جاريالاعان ماقالادا بىلاي دەلىنگەن: جۇڭگو 5G تەحنيكاسىن ساۋدالىق ماقساتتا پايدالانۋ تيجارات كۋالىگىن بۇرىنعى مەجەدەن بۇرىن تاراتتى ءارى جيىلىكتى ءبولىپ بەرۋ ارقىلى 5G قۇرىلىسىنىڭ اياق الىسىن تەزدەتتى، بۇل كوپتەگەن ەۆروپا ەلدەرىنەن الدا بولدى. قازىرگە دەيىن، ەۆروپا ەلدەرىنىڭ ۇشتەن ءبىر بولەگى 5G جيىلىگىن باسەكەلەستىرىپ ساتۋعا ۋاقىت كەستەسىن ءالى دايىنداعان جوق.
برازيليانىڭ Tecmundo تورابىن مىنانى اتاپ كورسەتتى: جۇڭگونىڭ 5G تيجارات كۋالىگىن تاراتۋى تەك اتالعان ەلدىڭ حابارلاسۋ نەگىزدىك قۇرىلعىلارى قۇرىلىسى مەن قىزمەت وتەۋىن دامىتىپ قالماستان، قاتىستى شەتەل كاسىپورىندارىنىڭ دامۋىنا دا ءتيىمدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
