ەلىمىز دۇنيە جۇزىندەگى تۇڭعىش جاساندى سەرىك جەر شارى كۆانتتىق حابارلاسۋ تورابىن قۇردى
كۆانتتىق قۇپيا كىلتتىڭ تاراتىلۋى 4 مىڭ 600 كيلومەتردەن استى
2021.01.08 15:26 كەلۋ قاينارى : حالىق تورابى
«حالىق گازەتى»، 1 - ايدىڭ 7 - كۇنى، حىفەي (تىلشىلەر شۇي جيڭ، لۇي ي) جۇڭگو عىلىم – تەحنيكا داشۋەسى 1 - ايدىڭ 7 - كۇنى مىنانى جاريالادى: جۇڭگونىڭ عىلمي زەرتتەۋ توبى 4 مىڭ 600 كيلومەتر قاشىقتىقتاعى جاساندى سەرىك جەر شارى كۆانتتىق قۇپيا كىلتىنىڭ تاراتىلۋىن ءساتتى جۇزەگە اسىردى، بۇل ەلىمىزدىڭ جەر مەن كوكتى ءبىر تۇلعالاندىرعان كەڭ ايالى كۆانتتىق حابارلاسۋ تورابىنىڭ سۇلباسىن قالىپتاستىرىپ، بولاشاقتا دۇنيە ءجۇزىن شارپىعان كۆانتتىق قۇپيالىقتى ساقتاۋ حابارلاسۋ تورابىن ىسكە اسىرۋعا عىلمي جانە تەحنيكالىق نەگىز قالاعانىن اڭعارتادى.
1 - ايدىڭ 7 - كۇنى تاڭ سارىدە جۇڭگو عىلىم - تەحنيكا داشۋەسىنىڭ پروفەسسورى پان جيانۋي جانە ونىڭ قىزمەتتەستەرى چىن يۇيفۋ، پىڭ چىڭجى قاتارلىلار جۇڭگو عىلىم اكادەمياسى شاڭحاي تەحنيكا فيزيكاسىن زەرتتەۋ ورنىنداعى ۋاڭ جيانيۇي زەرتتەۋ گرۋپپاسىمەن، جينان كۆانتتىق تەحنيكانى زەرتتەۋ اكادەمياسىمەن، سونداي - اق جۇڭگو سىمدى تەلەۆيزيا توراپ شەكتى سەرىكتەستىگىمەن سەلبەسىپ، حالىقارالىق عىلمي جۋرنال «تابيعات» جۋرنالىندا «4 مىڭ 600 كيلومەتر ارالىق اتتاپ جەر مەن كوكتى ءبىر تۇلعالاندىرعان كۆانتتىق حابارلاسۋ تورابى» دەگەن تاقىرىپتا عىلمي ماقالا جاريالاپ، كەڭ وڭىرلىك كۆانتتىق قۇپيالىقتى ساقتاۋ حابارلاسۋ تەحنيكاسىنىڭ ءىس جۇزىندىك قولدانىلۋ بارىسىنداعى شارت - جاعدايىنىڭ العاشقى ادىمدا پىسىپ - جەتىلگەنىن دالەلدەدى.
تانىستىرۋعا قاراعاندا، «تابيعات» جۋرنالىنداعى ماقالانى تەكسەرىپ بەكىتۋشى بىلاي دەپ باعالاعان: بۇل − جەر شارىنداعى ەڭ ۇلكەن، ەڭ وزىق كۆانتتىق قۇپيا كىلتتى تاراتۋ تورابى، كۆانتتىق حابارلاسۋداعى «وراسان زور ينجەنەريالىق تابىس».
2016 - جىلى جۇڭگو «موزى» ءنومىرلى دۇنيە جۇزىندەگى تۇڭعىش كۆانتتىق عىلمي تاجىريبە جاساندى سەرىگىن ءساتتى ۇشىردى. 2017 - جىلى ەلىمىز دۇنيە جۇزىندەگى تۇڭعىش كۆانتتىق قۇپيالىقتى ساقتاۋ حابارلاسۋ نەگىزگى جەلىسى − «بەيجيڭ – شاڭحاي نەگىزگى جەلىسىن» قۇردى. جۇڭگونىڭ عىلمي زەرتتەۋ ۇيىرمەسى «بەيجيڭ - شاڭحاي نەگىزگى جەلىسى» مەن «موزى» ءنومىرلى جاساندى سەرىكتى ءساتتى ءتۇيىلىستىرۋ نەگىزىندە، دۇنيە ءجۇزى بويىنشا جەر بەتىندەگى تۇڭعىش 700 دەن استام وپتيكالىق تالشىق كۆانتتىق قۇپيا كىلتىن تاراتۋ تىزبەگى مەن ەكى جاساندى سەرىكتىڭ جەر بەتىندەگى ەركىن كەڭىستىك جوعارى قارقىندى كۆانتتىق قۇپيا كىلتىن تاراتۋ تىزبەگى جولىنداعى كەڭ وڭىرلىك كۆانتتىق حابارلاسۋ تورابىن قۇرىپ، جاساندى سەرىك پەن جەر شارى ءبىر تۇلعالانعان كەڭ كولەمدى، تۇتىنۋشىسى كوپ كۆانتتىق قۇپيا كىلتتى ءبولىپ تاراتۋدى جۇزەگە اسىردى. تۇتاس توراپ ەلىمىزدەگى 4 ولكە، 3 قالا، 32 ءتۇيىندى شارپىدى، بۇل بەيجيڭ، جينان، حىفەي جانە شاڭحاي سىندى 4 كۆانتتىق قالا وڭىرلىك تورابىن قامتيدى، ەكى جاساندى سەرىك جەر بەتى پۋنكتى مەن «موزى» ءنومىرلىنىڭ تۇتاستىرىلۋى ارقىلى جالپى ارالىعى 4 مىڭ 600 كيلومەتر كەلەتىن حابارلاسۋ تورابى قالىپتاستى، قازىر بۇل فينانس، ەلەكتر، اكىمشىلىك ىستەر سياقتى سالالارداعى 150 دەن استام تۇتىنۋشىعا جالعاندى.
كۆانتتىق قۇپيا كىلتتى ءبولىپ تاراتۋدىڭ نەگىزىنەن وپتيكالىق كابەل جانە ەركىن كەڭىستىك سىندى ەكى ءتۇرلى جۇزەگە اسىرۋ ءتاسىلى بار. وپتيكالىق كابەل كۆانتتىق قۇپيا كىلتىن تاراتۋ تەحنيكاسىنىڭ حات - حابار جولىنىڭ تۇراقتىلىعى ءبىرشاما جاقسى بولىپ، نەگىزىنەن تۇراقتى حاۋىپسىزدىك سيفرى شاماسىن جۇزەگە اسىرىپ، قالا ءوڭىرى، قالا ارالىق كولەمىندە سان مىڭداعان وتباسىعا قولايلىلىق جاراتۋعا بولادى؛ ال وپتيكالىق كابەل بايلىعى شەكتەمەگە ۇشىراعان جاعدايدا، جاساندى سەرىكتەن اۋىستىرىلعان ەركىن كەڭىستىك ينفورماتسيا جولى ارقىلى جالعانۋعا بولادى. جەر بەتىندەگى وپتيكالىق كابەل مەن ەركىن كەڭىستىكتى ۇشتاستىرىپ، كەڭ كولەمدى، تولىق قامتىعان جەر شارىلانعان كۆانتتىق حابارلاسۋ تورابىن جۇزەگە اسىرۋعا بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
