- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ستۋدەنتتەر قازاقشا ەلىكتەمەلى سوت اشتى
2013.05.07 15:48 كەلۋ قاينارى : حالىق تورابى
حالىق تورابى قازاقشا ارناسىنىڭ بىيجيڭنەن بەرگەن حابارى. بىيجيڭ قالاسىنداعى ستۋدەنتتەردىڭ 4-كەزەكتى ەلىكتەمەلى سوت اشۋ جارىسىنداعى قازاقشا ەلىكتەمەلى سوت اشۋ قيمىلى 4-مامىر كۇنى استانامىز بىيجيڭدەگى جۇڭگو ساياسي-زاڭ ۋنيۆەرسيتەتىندە وتكىزىلدى. قيمىلعا قازاق ستۋدەنتتەردەن سىرت، بىيجيڭدە قىزمەت ىستەيتىن جانە ۇيرەنۋگە كەلگەن ءىشىنارا قىزمەتكەرلەر قاتىناستى.
بىيجيڭ قالاسىنداعى ستۋدەنتتەردىڭ ەلىكتەمەلى سوت اشۋ جارىسىن بىيجيڭ قالالىق وقۋ-اعارتۋ مەكەمەسى ۇيىمداستىرىپ، جۇڭگو ساياسي-زاڭ ۋنيۆەرسيتەتى وتكىزگەن. زاڭ سالاسىنداعى كاسىپتەردە وقيتىن ستۋدەنتتەردىڭ كاسىپتىك ءبىلىمىن باسەكە بارىسىندا جەتىلدىرە ءتۇسۋدى ماقسات ەتكەن بۇل قيمىل بۇدان بۇرىن ءۇش رەت وتكىزىلگەن. ءار رەتكى جارىستا جۇڭگو ساياسي-زاڭ ۋنيۆەرسيتەتىندەگى قازاق ستۋدەنتتەر ارناۋلى قازاقشا ەلىىكتەمەلى سوت اشىپ، وزدەرىنىڭ كاسىپتىك بىلىمدەرىن ءىس جۇزىندىك قيمىل بارىسىندا تولىقتىرىپ كەلەدى.
ۋنيۆەرسيتەتتە حانزۋ تىلىندە ءبىلىم الىپ جاتقاندىقتان، ەكى جارىم ساعاتقا سوزىلاتىن سوتتى مۇلتىكسىز اشۋ ءۇشىن وزدەرىنە بارىنشا جوعارى كاسىپتىك تالاپ قويعان جاستار قيمىلعا ءبىرتالاي ۋاقىتتان بەرى دايىندىق كورىپ، قازاقشا زاڭ كىتاپتارىن اقتارىپ، اتاۋلاردان الا-قۇلالىق جىبەرىپ الماۋعا تىرىسقان. قيمىلعا قاتىناسقان قۇرمەتتى قوناقتار ستۋدەنت جاستاردىڭ تالاپتارىنا تاڭدانىس ءبىلدىرىپ، ولاردى شابىتتاندىردى ءارى ەلىكتەمەلى سوت بارىسىندا ءتىپتى دە كەمەلدەندىرە تۇسۋگە ءتيىستى مازمۇندار تۋرالى ولارعا كەڭەس بەردى.
پارتيا مەن ۇكىمەتتىڭ ۇلاعاتتى ۇلت ساياساتىنىڭ ارقاسىندا، ۇلتتىق اۆتونوميالى رايونداردا اۆتونوميا ۇقىعىنان يگىلىكتەنەتىن ۇلتتاردىڭ انا تىلىندە سوت اشۋىنا زاڭ جۇزىندە مۇمكىندىك بەرىلگەن. جۇڭگو ساياسي-زاڭ ۋنيۆەرسيتەتىندەگى ستۋدەنتتەردىڭ اراسىنان بولاشاقتا زاڭ سالاسىنىڭ ماماندارى جەتىلىپ شىعاتىنىن ەسكەرسەك، وسىنداي قيمىلدار ولاردىڭ بولاشاقتا ءوز انا تىلدەرىندە قىزمەت قاجەتىنەن شىعا الاتىن دارىندى بولىپ جەتىلۋىندە ماڭىزدى رول وينايتىن بولادى.
سول كۇنى كەشتە جۇڭگو ساياسي-زاڭ ۋنيۆەرسيتەتىنىڭ ستۋدەنتتەرى مەكتەپ زالىندا قازاق تاريحىنداعى بيلەر سوتىن نەگىز ەتكەن ساحنالىق شىعارمانى ورىندادى. وقۋشىلاردىڭ ساباقتان سىرتقى قيمىلىنا ارنالعان ۇلكەن زالدىڭ ءبىر بۇرىشىنان قاراپايىم قازاق ءۇي تىگىلىپ، درامما بارىسىندا قازاقتىڭ توي سالتى كورسەتىلدى. دراممانىڭ سوڭعى باسقىشىندا قازاقتىڭ بيلەر سوتى نەگىزگى ارقاۋ بولىپ، سول زامانداعى ساحارا سوتىن زالداعى كورەرمەنگە نانىمدى تۇردە تانىستىردى. ساحناعا ورنالاستىرىلعان ۇلكەن ەكراندا دراممانىڭ بارىسى حانزۋ تىلىندە تۇسىندىرىلىپ، زالدا وتىرعان وزگە ۇلت كورەرمەندەرىنە دە دراممانى تاماشالاۋعا وراي جاراتتى.
كەلۋ قاينارى: حالىق تورابى
سۋرەتتەر توپتاماسىن مىنا ارادان كورىڭىز
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
