بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

ساقشى جاق «28 - قازان» زورلىقتى كۇش لاڭكەستىك شابۋىلى دەلوسىن اشكەرەلەدى

2013.10.31 13:45     كەلۋ قاينارى : حالىق تورابى

  حالىق تورابىنىڭ 30 – قازاندا بەيجيڭنەن بەرگەن حابارى. بەيجيڭ قوعام حاۋىپسىزدىگى مەكەمەسىنىڭ رەسمي ميكروبلوگى ـــ «تىنىش بەيجيڭ» ميكروبلوگىنىڭ حابارلاۋىنشا، ساقشى جاق «28 - قازان» وقيعاسىن ءبىر رەتكى جان - جاقتىلى جوسپارلانعان، ۇيىمدى، ماقساتتى تۇردە ورنالاستىرىلعان زورلىقتى كۇش لاڭكەستىك شابۋىل دەلوسى دەپ تۇراقتاندىرعان. قازىر دەلوعا قاتىستى ادامداردىڭ قاتىستى احۋالدارى باستاپقى قادامدا انىقتالعان، دەلوعا قاتىستى قاشىپ جۇرگەن 5 ادامنىڭ بارلىعى قولعا تۇسكەن.

  «28 - قازان» اۆتوكولىكپەن ادامداردى سوعىپ جارالاۋ، كىسى ءولىمىن تۋدىرۋ دەلوسى تۋىلعاننان كەيىن، بەيجيڭ ساقشى جاعى دەرەۋ اتتانىسقا كەلىپ، كوپ جەردىڭ قوعام حاۋىپسىزدىگى تاراۋلارىمەن بىرلىكتە كۇن - ءتۇن دەمەي قىزمەت ورىستەتتى. ناق مايداندا تەكسەرۋ ارقىلى، بەيجيڭ ساقشى جاعى ءىس تۋدىرۋشىنىڭ اۆتوكولىگىنىڭ ءنومىرى شينجياڭنىڭ ءنومىرى ەكەنىن، اۆتوكولىك ىشىنەن بەنزين جانە بەنزين قۇياتىن قۇرىلعىلاردى، ەكى پىشاق، تەمىر توقپاق، ۇشقارى ءدىنني مازمۇنداعى جالاۋ قاتارلىلاردى بايقاعان. ىشكەرىلەي تەكسەرۋ ارقىلى انىقتاۋعا قاراعاندا: 28 – قازان ساعات 12 اينالاسىندا، وسمان اسەن، ونىڭ اناسى قۋانحان راھيم جانە ونىڭ ايەلى گۇلقىز ايني قاتالى ءۇش ادام ءجيپ ماركالى اۆتوكولىكپەن چاڭ - ان كوشەسىندەگى جاناما جولعا ءتۇسىپ، جولدى بويلاي اۆتوكولىكتى تەز قارقىنمەن جۇرگىزىپ، ساياحاتتاپ جۇرگەن جۇرتشىلىقتى قاساقانا سوعىپ، 2 ادامنىڭ قازا بولۋىنا، 40 ادامنىڭ جارالانۋىنا سەبەپكەر بولعان. قىلمىس كۇماندىلارى اۆتوكولىكپەن جينشۇي كوپىرىنىڭ راشەتكاسىنا سوعىلۋ ارقىلى اۆتوكولىكتەگى بەنزيندى وتالدىرىپ، اۆتوكولىكتى جاندىرعان، اۆتوكولىكتەگى وسمان اسەن قاتارلى ءۇش ادام سول جەردە ولگەن.

  شينجياڭ قاتارلى جەرلەردەگى قوعام حاۋىپسىزدىگى تاراۋلارىنىڭ سەلبەسۋىندە، بەيجيڭ ساقشى جاعى ولاردىڭ سىبايلاستارىنان ىلگەرىندى - كەيىندى ۇسەنجان وشىر، گۇلنار توقتىنياز، يۇسۇپ ومەرنياز، بۇجانات ابدىحادىر، يۇسۇپ احمەت قاتارلى بەس ادامدى قولعا العان.

  العاشقى قادامداعى تەكسەرۋدە قىلمىس كۇماندىسى ۇسەنجان وشىر قاتارلىلار ولاردىڭ دەلو تۋدىرۋشىنى تانيتىندىعىن، زورلىقتى كۇش لاڭكەستىك قيمىلىن توپتاسىپ بىرلىكتە جوسپارلاعانىن ءارى وسمان اسەن قاتارلىلاردىڭ بەيجيڭدە زورلىقتى كۇش لاڭكەستىك ارەكەتىن وتكىزگەننەن كەيىن 10 ساعاتتان استام ۋاقىتتىڭ ىشىندە ساقشى جاقتىڭ وزدەرىن قولعا الاتىنىن ويلاماعاندارىن بايانداعان. قازىر ساقشى جاق قىلمىس كۇماندىلارىنىڭ ۋاقىتتىق تۇرعان جەرىنەن «عازاۋات سوعىسىنىڭ» جالاۋى، ۇزىن پىشاق قاتارلى زاتتاردى تاپقان، دەلو قازىر ىشكەرىلەي تەكسەرىلۋ ۇستىندە.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.