- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاۋاپسىز ساقشى جازاعا تارتىلۋى كەرەك
شۇي ميڭشۋان
2014.01.22 16:06
ىشكى موڭعۇل اۆتونوميالى رايونى ۇلانحود (چىفىڭ) قالاسىنىڭ تۇرعىنى، 18 جاستاعى شياۋجاڭ 2013 - جىلى 5 - قاراشا كۇنى جەرگىلىكتى شيپاحانالاردىڭ بىرىندە جاساندى تۇسىك جاساتادى. ارادا بىرنەشە كۇن وتكەننەن كەيىن، ارحورچين حوشۇنىنىڭ ساقشىلارى وعان «بالاڭ ءالى ءتىرى، ءبىزدىڭ حۇشۇندا بىرەۋ ساتىپ الىپتى» دەپ حابار بەرەدى. الايدا سونىڭ اراسىنشا ساقشى جاقتىڭ كوزقاراسى كىلت وزگەرىپ، وسى ىسكە بالالاردى ساتۋ كۇمانى بويىنشا تەكسەرۋ جۇرگىزۋدەن باس تارتادى. وسى وقيعا ورتالىق تەلەۆيزياسىنىڭ «وي تولعاۋى» باعدارلاماسىندا حابارلانعاننان كەيىن عانا، اتاپ ايتقاندا، 7 - قاراشا كۇنى ۇلانحود قالاسىنىڭ قاتىستى تاراۋلارى بالانى الىپ قايتىپ، وسى ءىس جونىندە تەكسەرۋ جۇرگىزە باستادى.
اتالعان دەلونىڭ فاكتىلەرى ايدان انىق، قاتىستى زاڭ - ەرەجەلەر دە بارىمىزگە بەلگىلى، سويتە تۇرا ءتيىستى زاڭدىق تارتىپتەر نە ءۇشىن وسى ءىستى اقپارات قۇرالدارى حابارلاعاننان كەيىن عانا اتقارىلا باستايدى؟ بۇنىڭ، ءسىرا، قانداي سەبەبى بار؟ البەتتە، بۇل وسى دەلوداعى كوپ كۇدىكتىڭ ءبىرى عانا.
انىعىندا، ءىستى شيپاحانانىڭ اي - كۇنى تاياپ تۇرعان تۋاشاقتى ءتۇسىرىپ تاستاۋىنىڭ ءوزى زاڭعا قايشى. ال ابورت ارقىلى تۇسىرىلگەن ءسابي ءتىرى بولعان ەكەن، شياۋجاڭ البەتتە ونىڭ زاڭدى قامقورشىسى بولۋعا ءتيىس، ءبىراق شيپاحانا وعان «بالا ءولى ءتۇستى» دەپ وتىرىك ايتقان ءارى «ءسابيدىڭ مۇردەسىن ءبىر جايلى ەتۋگە قاجەت» دەپ قاراجات تا العان. بۇل شياۋجاڭدى زاڭدى قامقورشى رەتىندەگى ۇقىقتارىنان ايىرۋمەن تەڭ. ال شيپاحانا قىزمەتكەرلەرى بالانى باسقا بىرەۋگە «باعۋعا بەرە تۇرعاندا» ودان اقشا العان بولسا، وندا «الداپ ساتۋ» دەگەن ءدال وسى بولادى. ەڭ جوعارى حالىق سوتى مەكەمەسى مەن ەڭ جوعارى حالىق پروكۋراتۋراسىنىڭ 2010 - جىلعى «ايەلدەر مەن بالالاردى الداپ ساتۋ قىلمىسىنا زاڭ بويىنشا قاتاڭ سوققى بەرۋ تۋرالى پىكىرىندە» مەديتسينالىق قۇرىلىمنىڭ قىزمەتكەرلەرى زاڭسىز پايدا الۋ ماقساتىمەن، شيپاحاناداعى سابيلەردى باسقا بىرەۋگە ساتىپ بەرسە، بالالاردى الداپ ساتۋ قىلمىسى بويىنشا ءبىر جايلى ەتىلەدى دەپ انىق بەلگىلەنگەن.
وتكەن جىلى تامىزدا سانشي ولكەسىنىڭ فۋپيڭ اۋدانىنداعى اتىشۋلى دەلونىڭ بۇكىل ەلدى دۇرلىكتىرىپ، جاڭا تۋعان سابيلەردى ساتىپ جىبەرگەن شيپاحانا قىزمەتكەرلەرىنىڭ زاڭ بويىنشا جاۋاپقا تارتىلعانى ەسىمىزدە. مەملەكەت بويىنشا الداپ ساتۋ قىلمىسىنا قارسى قاتاڭ كۇرەس ءجۇرىپ جاتقاندا، ۇلانحود قالاسىنداعى وسى شيپاحانا زاڭمەن ويناۋعا قالايدان - قالاي باتىلدىق ەتىپ وتىر؟ ولاردىڭ جاندى تۇسىكتى «ساۋداعا سالۋى» ءبىرىنشى رەت بولىپ وتىر ما؟ ۇلانحود قالاسىنداعى قاتىستى تاراۋلاردىڭ وسى جونىندە الەۋمەتكە انىق جاۋاپ بەرۋىن سۇرايمىز.
تاعى ءبىرى، سوڭعى جىلدارى قوعام حاۋىپسىزدىگى مينيسترلىگى جوعالعان بالالارعا قاتىستى دەلولاردى، ءسوز جوق، تىركەۋگە الۋ تۋرالى نەشە دۇركىن پارمەن بەردى، الايدا ارحورچين حوشۇنى مەن الگى شيپاحانا تۇرعان جەردەگى قوعام حاۋىپسىزدىگى تاراۋلارى ءسابيدىڭ شەشەسى الدانىپ قالعانىن، بالانى الۋشىنىڭ 40 مىڭ يۋان اقشا تولەگەنىن، الداپ ساتۋ قىلمىسى بويىنشا دەلو تۇرعىزۋدىڭ شارتتارىنا ابدەن ۇيلەسەتىنىن بىلە تۇرا نە ءۇشىن دەرەۋ تەرگەۋ امالدارىن قولدانىپ، كۇدىكتىلەردى قۇرىقتامايدى؟
ەسىمىزدە بولسىن، الداپ اكەتىلگەن بالالاردى قۇتقارماۋ ادەتتەگىدەي جۇمىس اقساتۋ، جاۋاپسىزدىق جاس−اۋ ارەكەتى ەمەس، قىلمىستىق ىستەر زاڭىندا «الداپ ساتىلعان بالالاردى قۇتقارماۋ قىلمىسى» تۋرالى انىق بەلگىلەنگەن. الداپ ساتىلعان بالالاردى قۇتقارۋعا جاۋاپتى مەملەكەت ورگاندارىنىڭ قىزمەتكەرلەرى جاعدايدان حابار العانمەن، بالانى قۇتقارۋدان باس تارتسا، وندا اتالعان قىلمىس بويىنشا جازالانادى. قازىر ۇلانحود قالالىق حالىق پروكۋراتۋراسى تەكسەرۋ جۇرگىزۋدە، ءبىراق بۇل ءىستىڭ «باسى تاۋداي، اياعى قىلداي» بولۋىن استە قالامايمىز. جەرگىلىكتى ساقشىلاردىڭ ارەكەتى جاۋاپسىزدىق جاساۋ قىلمىسىنا ساياتىن بولسا، ولاردى قاتاڭ جازاعا تارتىپ، سازايىن بەرگەن ءجون. ال جاۋاپقا تارتۋدىڭ قاجەتى بولماسا، قاتىستى ساقشىلاردىڭ «الداپ ساتىلعان بالالاردى قۇتقارماۋ قىلمىسى» بويىنشا جازالانباۋىنىڭ قانداي سەبەبى بار ەكەنى جونىندە الەۋمەتكە ءبارىبىر ەگجەي - تەگجەيلى تۇسىنىك بەرۋى قاجەت.
كەلۋ قاينارى: شينجياڭ گازەتى سايتى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
