بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

ەكولوگيالىق ورتانى قورعاۋ زاڭىنىڭ وزگەرىس ەنگىزىلگەن جوباسىندا 5 - ماۋسىم «ەكولوگيالىق ورتا كۇنى» بولىپ بەلگىلەندى

2014.04.24 10:04     كەلۋ قاينارى : ءتاڭىرتاۋ تورابى

  شينحۋا اگەنتتىگىنىڭ 21 - ساۋىردە بەيجيڭنەن بەرگەن حابارى. مەملەكەتتىك 12 - كەزەكتى حالىق قۇرىلتايى تۇراقتى كوميتەتى 8 - ءماجىلىسىنىڭ قاراۋىنا جولدانعان ەكولوگيالىق ورتانى قورعاۋ زاڭىنىڭ وزگەرىس ەنگىزىلگەن جوباسىندا، ەكولوگيالىق ورتانى قورعاۋعا قاتىستى ۇگىت پەن ازاماتتاردىڭ ەكولوگيالىق ورتانى قورعاۋ تانىمىن كۇشەيتۋ تۋرالى سايكەستى وزگەرىس ەنگىزىلدى، جوبادا ءار جىلدىڭ ماۋسىم ايىنىڭ 5 - كۇنى «ەكولوگيالىق ورتا كۇنى» بولىپ بەلگىلەندى.

  جوبادا مىنالار اتاپ كورسەتىلدى: ازاماتتار ەكولوگيالىق ورتانى قورعاۋ تانىمىن كۇشەيتۋى، تومەن كومىرتەكتى، ۇنەمشىل، ۇقىپتى بولۋداي تۇرمىس فورماسىن قولدانىپ، ەكولوگيالىق ورتانى قورعاۋ جونىندەگى بورىشىن وتەۋى كەرەك. سونىمەن بىرگە، ازاماتتار ەكولوگيالىق ورتانى قورعاۋ زاڭ - ەرەجەلەرىنە بويسۇنىپ، ورتانى قورعاۋ شارالارىن اتقارۋعا سايكەسىپ، بەلگىلەمەلەرگە ساي، تۇرمىستىق قوقىر - قوقسىقتى تۇرلەر بويىنشا ءبولىپ قويۋى، كۇندەلىكتى تۇرمىستىڭ ورتاعا كورسەتەر زيانىن ازايتۋى ءتيىس.

  مەملەكەتتىك حالىق قۇرىلتايىنىڭ زاڭ كوميتەتى ازاماتتاردىڭ ەكولوگيالىق ورتانى قورعاۋ تانىمىن ونان ارى جوعارىلاتۋ ءۇشىن ب م ۇ جينالىسى ايقىن بەلگىلەگەن دۇنيە جۇزىلىك ورتا كۇنىن ەكولوگيالىق ورتانى قورعاۋ زاڭىنا جازىپ، ءار جىلدىڭ ماۋسىم ايىنىڭ 5 - كۇنىن «ەكولوگيالىق ورتا كۇنى» ەتىپ بەلگىلەۋدى ۇسىنىس ەتتى.

  ەكولوگيالىق ورتانىڭ الەۋمەتتىك يگىلىگىنە قاتىستى ارىز - شاعىم بەرۋ جاعىندا، جوبادا ەكولوگيالىق ورتانىڭ الەۋمەتتىك يگىلىگىنە قاتىستى ارىز - شاعىم بەرەتىن سوبيەكتىلەردى قالا رايونى قۇرىلعان قالا دارەجەلىدەن جوعارى حالىق ۇكىمەتتەرىنىڭ حالىق ىستەرى تاراۋلارى تىزىمگە العان قاتىستى قوعامدىق ۇيىمدارعا دەيىن كەڭەيتۋ العا قويىلدى. سونىمەن قاتار جوبادا بەلگىلەمەگە ۇيلەسەتىن قوعامدىق ۇيىمداردىڭ حالىق سوتى مەكەمەلەرىنە ارىز - شاعىم بەرۋ، حالىق سوتى مەكەمەلەرى ونى زاڭ بويىنشا قابىلداۋ كەرەكتىگى، ارىز - شاعىم بەرەتىن قوعامدىق ۇيىمداردىڭ ارىز - شاعىم بەرۋدە پايدا تابۋدى كوزدەمەۋى كەرەكتىگى ايقىن بەلگىلەندى.

  مۇنان سىرت، جوبادا ازاماتتاردىڭ، زاڭدىق يەلەردىڭ جانە باسقا دا قوعامدىق ۇيىمداردىڭ ەكولوگيالىق ورتانى قورعاۋ زاڭىن اتقارۋعا قايشى جايتتەر مەن اكىمشىلىك مەكەمەلەردىڭ باقىلاۋ - باسقارۋ قىزمەت جاۋاپكەرلىگىن زاڭ بويىنشا وتەمەۋ جايتتەرىن اشكەرەلەۋگە قاقىلى ەكەندىگى، اشكەرەلەۋدى قابىلداعان ورگانداردىڭ اشكەرەلەۋشىلەردىڭ قۇپيالىعىن ساقتاپ، ولاردىڭ زاڭدى ۇقىق - مۇددەسىن قورعاۋ كەرەكتىگى ايقىن بەلگىلەندى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.