- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
2 - سوتتا بەكىتىلگەن مۇگەدەكتىك تولەمى
2014.04.29 16:16 كەلۋ قاينارى : ءتاڭىرتاۋ تورابى
بولات − ءپىشان اۋدانىنىڭ بەلگىلى قىستاعىنىڭ تۇرعىنى، بىلتىر اۋدان بازارىندا كىرە اۆتوكولىگىمەن ۋاڭ يۇن مەن جاڭ لي مىنگەسىپ كەلە جاتقان موتوتسيكلدى سوعىپ كەتەدى. شىرعالاڭدا ۋاڭ يۇن مەن جاڭ لي جارالانادى. ءپىشان اۋداندىق قوعام حاۋىپسىزدىگى مەكەمەسىنىڭ قاتىناس ساقشى ۇلكەن اترەتى شىرعالاڭدى تەكسەرىپ: بۇل قاتىناس شىرعالاڭىندا بولات بارلىق جاۋاپكەرلىكتى ۇستىنە الادى، ۋاڭ يۇن، جاڭ لي ەشقانداي جاۋاپكەرلىك ارقالامايدى، - دەپ قاتىناس شىرعالاڭى انىقتاماسىن شىعارادى.
شىرعالاڭنان كەيىن ۋاڭ يۇن مەن جاڭ لي ءپىشان اۋداندىق شيپاحانادا 20كۇن ەمدەلىپ، ۋاڭ يۇن 2006 يۋان، جاڭ لي 21 مىڭ 900 يۋان اقشا جۇمسايدى.
ۋاڭ يۇن، جاڭ لي ەمدەلۋ شىعىمىن جۇڭگو حالىق مال - مۇلىك قامسىزداندىرۋ سەرىكتەستىگىنىڭ ءپىشان بولىمشەسىنە، بولاتقا جانە اۆتوكولىكتىڭ يەسى نيازعا تولەتۋ ءۇشىن، بىلتىر 6 - قاراشادا ءپىشان اۋداندىق حالىق سوتى مەكەمەسىنە ارىز بەرەدى. سوتى مەكەمەسى سوت اشىپ «9000 يۋاندى قامسىزداندىرۋ سەرىكتەستىگى، قالعان 12 مىڭ يۋاندى بولات تولەيدى» دەپ ۇكىم شىعارادى. ۋاڭ يۇن مەن جاڭ لي سوت ۇكىمى شىققاننان كەيىن، شينجياڭ حىڭچىڭ ءادىليالىق باعالاۋ ورنىنا مۇگەدەكتىك دارەجەسىن باعالاپ بەرۋدى تاپسىرادى. بۇل ورىن «ۋاڭ يۇن مەن جاڭ ليدىڭ مۇگەدەكتىك دارەجەسى دە 9 - دارەجەلى مۇگەدەكتىك شارتىنا تولادى» دەپ باعالاۋ قاعازىن شىعارادى. ولار مۇگەدەكتىك تولەمى جانە باسقا شىعىمدارى ءۇشىن 109 مىڭ 152 يۋاندى قامسىزداندىرۋ سەرىكتەستىگى، بولات، نياز سياقتىلاردىڭ تولەپ بەرۋىن تالاپ ەتىپ، ءپىشان اۋداندىق حالىق سوتى مەكەمەسىنە قايتادان ارىز بەردى. ءپىشان اۋداندىق حالىق سوتى مەكەمەسى بىلتىر 15 - قاراشادا بۇل دەلوعا سوت اشىپ، «قامسىزداندىرۋ سەرىكتەستىگى داۋگەرلەردىڭ ءتۇرلى شىعىمدارى ءۇشىن ءماجبۇري قامسىزداندىرۋ كولەمىندە 76 مىڭ 500 يۋاندى ۇستىنە الادى، بولات 6500 يۋاندى ۇستىنە الادى» دەپ ۇكىم شىعارادى.
سوت ۇكىمى ءارقايسى جاقتارعا جەتكىزىلگەننەن كەيىن ۋاڭ يۇن، جاڭ لي سوت ۇكىمىنە مويىنسال بولماي، بىلتىر 25 - جەلتوقساندا تۇرپان ايماقتىق ورتا حالىق سوتى مەكەمەسىنە نارازىلىق ارىز بەردى. سوتى مەكەمەسى جاقىندا بۇل دەلونى قاراپ، «ءپىشان اۋداندىق حالىق سوتى مەكەمەسى بۇل دەلو جونىندەگى ازاماتتىق ىستەر ۇكىمىن كۇشىنەن قالدىرسىن، قامسىزداندىرۋ سەرىكتەستىگى قاتىناس شىرعالاڭىنان كەلىپ شىققان ءتۇرلى شىعىمدار ءۇشىن ءماجبۇري قامسىزداندىرۋ كولەمى ىشىندە 100 مىڭ 208 يۋان اقشا تولەسىن» دەپ ۇكىم شىعاردى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
