- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قىزمەت بارىسىندا قايتىس بولسا، قىزمەت ۇستىندە زاقىمدالۋ ەسەپتەلە مە
2014.04.29 16:17 كەلۋ قاينارى : ءتاڭىرتاۋ تورابى
سۇراۋ: كوكەم قىزمەت ۇستىندە جۇرەك اۋرۋى تۇتقيىل قوزعالىپ قايتىس بولدى. بىلەيىن دەگەنىم، وسىنداي جاعدايدا كوكەم قىزمەت ۇستىندە زاقىمدالعان ەسەپتەلە مە؟ كەڭەس بەرسەڭىزدەر.
جاۋاپ: «قىزمەت ۇستىندە جارالانۋ قامسىزداندىرۋى ەرەجەسىنىڭ» 14 -، 15 - تارماقتارىندا: «قىزمەتكەرلەر اراسىندا تومەندەگىدەي جاعدايدىڭ ءبىرى كورىلسە قىزمەت ۇستىندە زاقىمدالعان دەپ بەكىتۋ كەرەك: (1) قىزمەت ۋاقىتىندا جانە قىزمەت ۇستىندە قىزمەتى سەبەپتى شىرعالاڭعا ۇشىراپ زاقىمدالسا؛ (2) قىزمەت ۋاقىتىنىڭ الدى - ارتىندا قىزمەتىمەن قاتىستى ىستەرگە دايىندالۋ ياكي قىزمەتىن جيناستىرۋ بارىسىندا شىرعالاڭعا ۇشىراپ زاقىمدالسا؛ (3) قىزمەت ۋاقىتى جانە قىزمەت ۇستىندە جاۋاپكەرلىگىن ورىنداۋ بارىسىندا زورلىقتى كۇش سياقتى توسىن وقيعاعا جولىعىپ زاقىمدالسا؛ (4) كاسىپتىك ناۋقاسقا شالدىقسا؛ (5) قىزمەت قاجەتى سەبەپتى سىرتقا شىعىپ زاقىمدالسا ياكي شىرعالاڭعا جولىعىپ ءىز - دەرەكسىز كەتسە؛ (6) قىزمەتكە بارۋدا، قىزمەتتەن قايتۋدا سول ادامنىڭ نەگىزگى جاۋاپكەرلىگى بولماعان قاتىناس شىرعالاڭىنا ۇشىراپ نەمەسە قالا جول قاتىناسىندا، جولاۋشىلار تاسىمالىندا، پويەزدە شىرعالاڭعا ۇشىراپ زاقىمدالسا؛ (7) زاڭداردا، اكىمشىلىك ەرەجەلەردە قىزمەت ۇستىندە زاقىمدالدى دەپ بەكىتىلگەن باسقا دا جايتتەر؛ جۇمىسشى - قىزمەتشىلەر اراسىندا تومەندەگىدەي جاعدايدىڭ ءبىرى كورىلسە، قىزمەت ۇستىندە زاقىمدالدى دەپ قارالادى: (1) قىزمەت ۋاعىندا جانە قىزمەت ورنىندا تۇتقيىل قايتىس بولسا نەمەسە 48 ساعات ىشىندە شۇعىل قۇتقارۋ ءونىم بەرمەي قايتىس بولسا؛ (2) حاۋىپتەن، اپاتتان قۇتقارۋ سياقتى مەملەكەت مۇددەسىن، جاماعات مۇددەسىن قورعاۋ جولىندا زاقىمدالسا؛ (3) جۇمىسشى - قىزمەتكەر بۇرىن اسكەري ورىندا اسكەرلىك مىندەت وتەپ، سوعىستا نەمەسە ۇكىمەت قىزمەتىندە مۇگەدەك بولىپ، توڭكەرىستىك قاھارمان كۋالىگىن العان، قىزمەتكەر قابىلدايتىن ورىنعا بارعان سوڭ جاراقاتى اسقىنعاندار؛ جۇمىسشى - قىزمەتشىلەر اراسىندا الدىڭعى تارماقتىڭ (1)، (2) تارماقشالارىندا ايتىلعان جاعدايدىڭ ءبىرى كورىلگەندەرى وسى ەرەجەدەگى قاتىستى بەلگىلەمە بويىنشا قىزمەت ۇستىندە زاقىمدالۋ قامسىزداندىرۋ قاراجاتىنان يگىلىكتەنە الادى؛ جۇمىسشى - قىزمەتكەرلەر اراسىندا الدىڭعى تارماقتىڭ (3) تارماقشاسىندا بەلگىلەنگەن جاعداي كورىلگەندەرى وسى بەلگىلەمە بويىنشا ءبىر جولاتا بەرىلەتىن مۇگەدەكتىك كومەك قاراجاتىنان سىرت، قىزمەت ۇستىندە زاقىمدالۋ قامسىزداندىرۋ قاراجاتىنان دا يگىلىكتەنە الادى» دەپ بەلگىلەنگەن.
ەگەر كوكەڭىز قىزمەت ۋاعىندا ناۋقاسى قوزعالىپ، 48 ساعات ىشىندە قۇتقارۋ ءونىم بەرمەي قايتىس بولعان بولسا، قىزمەت ۇستىندە زاقىمدالدى دەپ قارالادى. سوندىقتان كوكەڭىزدىڭ تىكە تۋىستارى زاقىمدالۋ شىرعالاڭى تۋىلعان كۇننەن باستاپ ياكي زاقىمدالعانى ساراپتالعان كۇننەن باستاپ 30 كۇن ىشىندە، قوعامدىق قامسىزداندىرۋ اكىمشىلىك تاراۋىنا قىزمەت ۇستىندە زاقىمدالعانىن بەكىتىپ بەرۋىن ءوتىنىش ەتۋىنە بولادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
