بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

اعاتتىق وتكىزبەسەڭىز دە ازاماتتىق تۇرعىدا زياندى تولەۋ جاۋاپكەرلىگىن ارقالايسىز

2014.04.29 16:48     كەلۋ قاينارى : شينجياڭ گازەتى

  سۇراۋ: مەن 26 - ساۋىردە دالا اۆتوكولىگىن جۇرگىزىپ كەتىپ بارا جاتقان ەدىم، اۆتوكولىك قارقىنى تەز بولعانىمەن، سول جولدا بەلگىلەنگەن قارقىننان اسىپ كەتپەگەن ەدى. وسى كەزدە اۆتوكولىگىمنىڭ دوڭگەلەگىنەن ىرشىعان تاس جول شەتىندە كەتىپ بارا جاتقان 9 جاستاعى قىز بالانىڭ باسىن جارىپ كەتتى. مەن بالانى دەرەۋ شيپاحاناعا اپاردىم ءارى ونىڭ اكە - شەشەسىنە حابار بەردىم. قازىر قىزدىڭ اكە - شەشەسى شيپاحاناعا جۇمسالعان شىعىنىن تولىق تولەپ بەرۋىمدى تالاپ ەتىپ وتىر. بىلەيىن دەگەنىم، مەن ەشقانداي اعاتتىق وتكىزبەگەن جاعدايدا، ولاردىڭ شىعىنىن تولەۋىم كەرەك پە، جوق پا؟ كەڭەس بەرسەڭىزدەر.

  جاۋاپ: «ۇقىققا سۇعاقتىق جاساۋ جاۋاپكەرشىلىگى زاڭىنىڭ» 6 - ، 7 - جانە 24 - تارماقتارىندا: «ارەكەت جاساۋشى اعاتتىعى سالدارىنان باسقالاردىڭ ازاماتتىق ىستەر ۇقىق - مۇددەسىنە سۇعاناقتىق جاساسا، ۇقىققا سۇعاناقتىق جاساۋ جاۋاپكەرلىگىن ارقالاۋى كەرەك. زاڭدارعا، زاڭ - ەرەجەلەرگە ساي ارەكەت جاساۋشىنىڭ اعاتتىعىنان بولدى دەپ ۇيعارىلسا، ارەكەت جاساعان ادام ءوزىنىڭ اعاتتىعى جوق ەكەنىن دالەلدەپ بەرە الماسا، ۇقىققا سۇعاناقتىق جاساۋ جاۋاپكەرلىگىن ارقالاۋى كەرەك؛ ارەكەت جاساۋشى ادام باسقالاردىڭ ازاماتتىق ىستەر ۇقىق - مۇددەسىن زيانعا ۇشىراتقاندا، ارەكەت جاساعان ادامدا مەيلى اعاتتىق بولسىن - بولماسىن، زاڭداردا ۇقىققا سۇعاناقتىق جاساۋ جاۋاپكەرلىگىن ارقالاۋعا ءتيىستى دەپ بەلگىلەنسە، سول بەلگىلەمە بويىنشا بولادى؛ زيانعا ۇشىراعان ادام مەن قيمىل جاساعان ادامنىڭ زياننىڭ تۋىلۋى جونىندە ەشقانداي اعاتتىعى بولماسا، ناقتى جاعدايعا قاراي ەكى جاعى زياندى ءبولىپ ۇستىنە السا بولادى» دەپ بەلگىلەنگەن. «جول قاتىناسى حاۋىپسىزدىگى زاڭىنىڭ» 76 - تارماعىندا: «موتورلى كولىك شىرعالاڭى تۋىلعاندا ادام جارالانسا، ولسە، مال - مۇلىك زيانعا ۇشىراسا، قامسىزداندىرۋ سەرىكتەستىگى موتورلى كولىكتىڭ 3 - جاعىنىڭ جاۋاپكەرلىگى كۇشتەپ قامسىزداندىرىلعان جاۋاپكەرلىگى كولەمىندە تولەم بەرەدى. جاۋاپكەرلىك شەگىنەن اسىپ كەتكەن بولەگىن مىناداي تاسىلمەن تولەم جاۋاپكەرلىگى رەتىندە كوتەرەدى: قاتىناس شىرعالاڭى موتورلى كولىكتەر اراسىندا تۋىلسا، جاۋاپكەرلىكتى اعاتتىق وتكىزگەن جاق ارقالايدى؛ اعاتتىق ەكى جاقتان دا وتكەن بولسا، جاۋاپكەرلىكتى ءارقايسىسى وتكىزگەن اعاتتىعىنىڭ سالماعىنا قاراي ارقالايدى؛ قاتىناس شىرعالاڭى موتورلى كولىك پەن موتورسىز كولىك جۇرگىزۋشىلەرى، جاياۋلار اراسىندا تۋىلسا، جاۋاپكەرلىكتى موتورلى كولىك جاق ارقالايدى؛ ءبىراق موتورسىز كولىك جۇرگىزۋشىنىڭ، جاياۋلاردىڭ جول قاتىناس حاۋىپسىزدىگى جونىندە زاڭدارعا، زاڭ - ەرەجەلەرگە قايشىلىق جاساعانىن، موتورلى كولىك جۇرگىزۋشىلەرىنىڭ قاجەتتى جايعاستىرۋ شارالارىن قولدانعانىن دالەلدەيتىن دالەل - سىپاتتار بولسا، موتورلى كولىك جاقتىڭ جاۋاپكەرلىگى جەڭىلدەتىلەدى؛ كولىك جولدان باسقا جەرلەردە كەتىپ بارا جاتقاندا، شىرعالاڭ تۋىلسا، قوعام حاۋىپسىزدىگى ورگاندارىنىڭ قاتىناس باسقارۋ تاراۋلارى دەلونى قابىلداعاننان كەيىن، وسى زاڭداعى قاتىستى بەلگىلەمەلەر بويىنشا باسقارادى» دەپ بەلگىلەنگەن.

  جوعارىداعى بەلگىلەمەگە نەگىزدەلگەندە، جاي ۇقىققا سۇعاناقتىق جاساۋ جاۋاپكەرلىگى اعاتتىق وتكىزۋ دارەجەسىنە قاراي بەلگىلەنەدى. بىزگە اڭىس ەتكەن جاعدايدان الىپ قاراعاندا، وسى شىرعالاڭنىڭ تۋىلۋىندا سىزدە پالەندەي تىكە اعاتتىق بولماعانىمەن، كولىكتىڭ دوڭگەلەگىنەن ىرشىعان تاس قىز بالانىڭ باسىن جارىپ كەتكەندىكتەن، «ازاماتتىق ارىز - شاعىم زاڭى» بويىنشا ادامگەرشىلىك تۇرعىدا تولەم بەرۋ جاۋاپكەرلىگىن ارقالاۋىڭىز كەرەك. سوندىقتان الدىمەن قامسىزداندىرۋ سەرىكتەستىگى ءوز جاۋاپكەرلىگى كولەمىندە تولەم بەرۋ جاۋاپكەرلىگىن ارقالايدى، قالعان بولەگىن بالانىڭ قامقورشىلارىمەن اقىلداسۋ ارقىلى ارقالاۋىڭىزعا بولادى، ەگەر ءبىر اۋىزدىلىققا كەلىسە الماساڭىزدار، حالىق سوتى مەكەمەسى بەلگىلەمە بويىنشا ءبىر جاقتى ەتەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.