- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
مەملەكەت جۇمىسقا ورنالاستىرۋ، قايتالاي كاسىپتەندىرۋ جونىندە جاڭا باجى ساياساتىن شىعاردى
شارۋاشىلىق جاراتۋشىدان جىلىنا كەشىرىم ەتىلەتىن باجى ەڭ جوعارى بولعاندا 9600 يۋانعا دەيىن جەتەدى
2014.05.05 13:35 كەلۋ قاينارى : ءتاڭىرتاۋ تورابى
شينحۋا اگەنتتىگىنىڭ 29 - ساۋىردە بەيجيڭنەن بەرگەن حابارى. قازىنا مينيسترلىگى، مەملەكەتتىك باجى باس مەكەمەسى، ادام كۇشى بايلىعى، بايلىق جانە قوعامدىق قامتاماسىزداندىرۋ مينيسترلىگى 29 - ساۋىردە الداعى 3 جىلدا جۇمىسقا ورنالاستىرۋ، كاسىپتەندىرۋ تۋرالى جاڭا ساياسات شىعاردى، اتاپ ايتقاندا، جۇمىس ورنىنان بوساپ، ءوزى شارۋاشىلىق جۇرگىزىپ اۋقاتتانعاندار بولسا، ولاردان الىناتىن جىلدىق باجى 9600 يۋانعا دەيىن ازايتىلادى، ءمۇبادا، ءبىر كاسىپورىن جۇمىستان بوساعان ءبىر جۇمىسشىنى نەمەسە قىزمەتشىنى جۇمىسقا ورنالاستىرسا، سول كاسىپورىننان جىلىنا الىناتىن باجى 5200 يۋانعا دەيىن ازايتىلادى.
وسى 3 تاراۋ بىرلەسىپ جاريالاعان «ءتۇيىندى، توپتىق جۇمىسقا ورنالاستىراتىن ورىنداردان الىناتىن باجى اقىسىن ازايتۋ قىزمەتىن قولداۋ جانە جەبەۋ جونىندەگى ۇقتىرۋ» − مەملەكەتتىك كەڭەستىڭ تۇراقتى ىستەر ءماجىلىسىنىڭ رۋحىن تياناقتاندىرۋ، 2013 - جىلى 31 - جەلتوقساننان باستاپ اتقارىلعان قازىرگى ءتۇيىندى، توپتىق جۇمىسقا ورنالاستىرۋ كاسىپتەرىن قولداۋعا قاتىستى كاسىپ ساياساتىن دەمەۋدىڭ جالعاسى، سونداي - اق ەلىمىزدە جۇمىسقا ورنالاستىرۋ قىزمەتىنە كەپىلدىك ەتىپ، ەكونوميكانىڭ ارتۋىن جەبەپ، حالىق تۇرمىسىنا تيىمدىلىك جاساۋداعى ماڭىزدى شارا.
وسى جولى جاڭادان شىعارىلعان ساياساتتا، باستىسى، دەربەس شارۋاشىلىق ورىن قۇرۋعا دەم بەرۋ جانە جۇمىسقا قابىلداعان ورىندارعا قولداۋ كورسەتۋ سىندى 2 جاقتا باجىدان تيىمدىلىك جاساۋ ويلاستىرىلدى، بۇل ساياسات 3 جىل اتقارىلادى، بىلايشا ايتقاندا، 2016 - جىلدىڭ 31 - جەلتوقسانىنا دەيىن جالعاسادى، سونداي - اق بۇل ساياساتتان يگىلىك كورەتىندەردىڭ كولەمى مەن اياسى كەڭەيتىلەدى، الاتىن باجىنى ازايتۋ تەبىنى كۇشەيتىلەدى.
جەكە ادامداردىڭ دەربەس شارۋاشىلىق ورىن قۇرىنا دەم بەرۋ جاعىندا جاڭا ساياساتتا بىلاي دەپ بەلگىلەندى: «جۇمىستان بوساعانىن تىركەۋگە الدىرۋ كۋالىگى» بارلاردىڭ ءاربىرىنىڭ جىلدىق ساۋدا تابىسى 8000 يۋاننان اسپاسا، وندا ولاردان جىلدىق تيجارات باجىسى، قالا قۇرىلعىلارىن قورعاۋ باجىسى، وقۋ - اعارتۋ باجىسى، تابىس باجىسى الىنبايدى. وسى نەگىزدە، جاڭا ساياساتتا جەرگىلىكتى ورىنداردىڭ الاتىن وقۋ - اعارتۋ قوسىمشا باجىسىنىڭ %2ىن ازايتۋ وسى جولى باجىنى رەتتەۋ كولەمىنە ەنگىزىلدى، «جەرگىلىكتى ۇكىمەتتەر جاعدايعا قاراي، باجى مولشەرىن جوعارىلاتقاندا، %20تەن اسىرماۋ» بەلگىلەمەسىن اتقارادى، ەڭ جوعارى بولعاندا باجىنى 9600 يۋانعا دەيىن عانا ازايتۋىنا بولادى. بۇل تيىمدىلىكتەن يگىلىك كورەتىندەردىڭ اياسىن جۇمىستان بوساعانىن تىزىمدەتكەنىنە جارىم جىلدان اسقاندارعا، جوعارى مەكتەپ بىتىرگەن وقۋشىلارعا، وتباسىندا بىردە - ءبىر ادامى كاسىپتەنبەگەن وتباسىلارىنا، ەڭ تومەنگى تۇرمىس قاراجاتىنان يگىلىكتەنەتىندەرگە، ت. ب لارعا دەيىن كەڭەيتۋ كەرەك.
جۇمىسقا ورنالاستىرۋعا دەم بەرۋ جاعىندا، جاڭا ساياساتتا باجى ساياساتىنان يگىلىكتەنەتىندەردىڭ كولەمى رەتكە سالىندى، جۇمىستان بوساعانىن تىزىمگە الدىرعانىنا ءبىر جىلدان اسقان ادامدار بۇل ساياساتتان يگىلىكتەنەدى، باجىدان تيىمدىلىك جاساۋدان يگىلىكتەنەتىن قاتىستى كاسىپتىك شەكتەمە كۇشىنەن قالدىرىلدى. باجىنى ازايتۋ تەبىنىن ارتتىرۋ جاعىندا، جەرگىلىكتى ورىنداردىڭ وقۋ - اعارتۋ قوسىمشا باجىسىن ازايتۋىنان سىرت، 4000 يۋانعا دەيىن باجىنى ازايتۋ ولشەمى بويىنشا جەرگىلىكتى ورىنداردىڭ باجىنى رەتتەۋ مولشەرى «%20»تەن «%30» اينالاسىنا تۇسىرىلەدى، باسقاشا ايتقاندا، ءبىر كاسىپورىن جۇمىستان بوساعان ءبىر ادامدى جۇمىسقا ورنالاستىرسا، الىناتىن باجى ەڭ جوعارى بولعاندا 5200 يۋانعا دەيىن ازايتىلادى.
ورتالىقتىڭ ۇكىمەت فۋنكتسياسىنا بۇرىلىس جاساۋ بەلگىلەمەسىندەگى اكىمشىلىك تەكسەرىپ بەكىتۋدى ازايتۋ تالابى بويىنشا، جاڭا ساياساتتا رەت - ءتارتىپ ىقشامدالدى، باجىدان تيىمدىلىك جاساۋدى باسقارۋ قىزمەتى تەكسەرىپ بەكىتۋدەن ارحيۆكە الىپ باسقارۋ تۇزىمىنە وزگەرتىلدى، باجى تاپسىرۋشىلاردىڭ بەلگىلەمەگە ساي، باجىدان تيىمدىلىك جاساۋ ساياساتىنان يگىلىكتەنۋىنە بولادى. مۇنان سىرت، قازىنا مينيسترلىگى، مەملەكەتتىك باجى باس مەكەمەسى 29 - ءساۋىر كۇنى «شارۋاشىلىق ورىن قۇرعان، قوسىننان شەگىنگەن اسكەرلەردىڭ يگىلىك جاراتۋىن سۇيەمەلدەۋگە قاتىستى باجى كىرىسىن رەتكە سالۋ جونىندەگى ۇقتىرۋدى» دا جاريالاپ، ارميادان شەگىنگەن اسكەرلەردىڭ باجى ساياساتى بويىنشا، جوعارىدا ايتىلعانداي جۇمىستان بوساعانداردى ءتۇيىندى، توپتىق جۇمىسقا ورنالاستىرعانداردىڭ كورەتىن باجى يگىلىگى جونىندە دە بەلگىلەمەلەر جاسادى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
