- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بالالارعا اناعۇرلىم زاڭدىق قامقورلىق كەرەك
شۇي حۇي
2015.02.02 10:42 كەلۋ قاينارى : شينجياڭ گازەتى
ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى، قوعام حاۋىپسىزدىگى مينيسترلىگى، حالىق ىستەرى مينيسترلىگى 2014 - جىلى 23 - جەلتوقسان كۇنى «قورعاۋشىلاردىڭ ازامات جاسىنا تولماعانداردىڭ ۇقىق - مۇددەسىنە زيانكەستىك جاساۋ ارەكەتتەرىن ءبىر جايلى ەتۋگە قاتىستى ءبىرقانشا ماسەلە جونىندە پىكىر» شىعارىپ، اتا - اناسى نەمەسە باسقا قورعاۋشىسى ازامات جاسىنا تولماعانداردى ساتۋ، تاستاپ كەتۋ، جابىرلەۋ، زورلاۋ سياقتى 7 ءتۇرلى ارەكەتتىڭ بىرەۋىن جاساسا، قاراۋ ۇقىعىنان ايرىلادى دەپ اشالادى. بۇعان دەيىن ەلىمىزدىڭ ازاماتتىق ۇقىق جونىندەگى زاڭدار جيناعى مەن ازامات جاسىنا تولماعانداردى قورعاۋعا بايلانىستى وزگە زاڭداردا وسىعان قاتىستى بەلگىلەمەلەر بولعانىمەن، جالپى پرينسيپ دەڭگەيىندە عانا قالعاندىقتان، ناقتى قولدانىسقا ەنبەي كەلگەن ەدى. وسى پىكىردە ناقتىلى ءتارتىپ پەن شارالار بەلگىلەنىپ، مەملەكەت پەن ءادىليا ورگاندارىنىڭ ازامات جاسىنا تولماعانداردىڭ امان - ساۋ ەسەيىپ - ەرجەتۋىن قورعاۋعا بايلانىستى جاۋاپكەرشىلىكتەرى تولىق كورسەتىلدى.
سوڭعى جىلدارى اتا - انالاردىڭ وزىنەن تۋعان ۇل - قىزدارىن جابىرلەۋىنە بايلانىستى دەلولار جيىلەپ كەتتى. 2013 - جىلى ماۋسىم ايىندا نانجيڭدە 2 قىزالاق اشتان ءولدى؛ بيىل قاراشا ايىندا جىجياڭنىڭ حاييان قالاسىنىڭ ساقشىلارى بالا ساتۋعا قاتىستى ءبىر دەلونى اشىپ، 4 بوپەنى قۇتقارادى، بوپەلەردىڭ بىرەۋى ادام ساۋدالاۋشىلاردىڭ تۋعان قىزى بولسا، قالعان ۇشەۋىن ولار اتا - انالارىنىڭ قولىنان ساتىپ العان ەكەن.
وسى ىستەردە بالالارعا ولاردىڭ زاڭدى قورعاۋشىلارى زيانكەستىك جاساپ، ءجابىر كورسەتكەن، ولار زاڭنىڭ جازاسىنا تارتىلدى نەمەسە تارتىلادى دەسەك تە، بالاعا جاسالعان زيانكەستىكتىڭ ورنى ماڭگى تولمايدى. ءار بالانىڭ امان - ەسەن ەسەيىپ - ەرجەتۋىنە كەپىلدىك ەتۋ اتا - انانىڭ زاڭدىق بورىشى ءارى نەگىزگى زاڭدا كورسەتىلگەندەي، مەملەكەتتىڭ دە بورىشى. كەيبىر قورعاۋشىلار اتا - انا رەتىندەگى قاراۋ، قورعاۋ بورىشىن اتقارا الماعان جاعدايدا، بالانىڭ ەسەيىپ - ەرجەتۋىنە قامقورشى بولۋعا مەملەكەت جاۋاپتى جانە مىندەتتى، سوندىقتان ءادىليا، حالىق ىستەرى سياقتى تاراۋلار ءوز قۇزىرەتى اياسىندا ىسكە ارالاسۋى كەرەك. ازامات جاسىنا تولماعان بالانىڭ قورعاۋشىسىن قورعاۋ - قاراۋ ۇقىعىنان ايىرۋ ازامات جاسىنا تولماعانداردىڭ زاڭدى ۇقىق - مۇددەسىن قورعاۋ جولىنداعى امالسىز قادام دەۋگە بولادى. بيىل 4 - شىلدە كۇنى فۋجيان ولكەسى شيانيوۋ اۋداندىق حالىق سوتى مەكەمەسى قورعاۋ ۇقىعىنان ايىرۋعا بايلانىستى العاشقى دەلو ۇستىندە سوت اشتى. ازامات جاسىنا تولماعانداردىڭ ءوز قورعاۋشىلارى تارابىنان ءجابىر كورۋىنىڭ قازىرگى جاعدايىنان قاراعاندا، وسىنداي ارىز - شاعىمداردىڭ ازدىعى قورعاۋ - قاراۋ ۇقىعىنان ايىرۋعا بايلانىستى شاعىمدانۋدىڭ قاجەتتىلىگى جوق ەكەنىن كورسەتپەيدى، كەرىسىنشە، كىم شاعىمدانۋى كەرەك، قانداي جاعدايدا قورعاۋ - قاراۋ ۇقىعىنان ايىرۋعا بولادى؟ دەگەن ماسەلەلەرگە قاتىستى انىق بەلگىلەمە بولماعاندىقتان، قورعاۋ - قاراۋ ۇقىعىنان ايىرۋعا بولادى دەگەن زاڭ تارماعى ءىس جۇزىندە «ءولى تارماق» بولىپ كەلگەن ەدى.
4 تاراۋ بىرلەسىپ شىعارعان «پىكىردە» 7 ءتۇرلى جاعدايدا قورعاۋ - قاراۋ ۇقىعىنان ايىرۋعا، 4 ءتۇرلى ادام مەن ورىننىڭ قورعاۋ - قاراۋ ۇقىعىنان ايىرۋ جونىندە ءوتىنىش بەرۋىنە بولاتىندىعى اتاپ كورسەتىلدى جانە ۋاقىتشا ورنالاستىرۋ ءادىسى دە بەلگىلەندى، بۇل «قورعاۋ - قاراۋ ۇقىعىنان ايىرۋعا بولادى» دەگەن زاڭ تارماعىن جانداندىرىپ، قورعاۋ - قاراۋ ۇقىعىنان ايىرۋ شاعىمدارىنىڭ ناقتى تارتىپتەرى مەن وپەراتسيالىق ادىستەرىن انىقتاۋعا ءتيىمدى.
قورعاۋ - قاراۋ ۇقىعىنان ايىرۋ ازامات جاسىنا تولماعانداردىڭ زاڭدى ۇقىق - مۇددەسىن قورعاۋ جولىنداعى ەڭ اقىرعى جانە امالسىزدىقتان تۋعان شارا سانالادى، وسى جۇيەنى كەمەلدەندىرۋ ارقىلى ءتىپتى كوپ ادامدى ءوزىنىڭ قورعاۋ - قاراۋ ۇقىعىن قادىرلەپ، ونى اقىلعا، زاڭعا سيىمدى جولدارمەن اتقارۋعا ۇيرەتۋگە بولادى، بۇل ازامات جاسىنا تولماعانداردىڭ زاڭدى ۇقىق - مۇددەسىن جاپپاي قامتاماسىز ەتۋگە ءتيىمدى. قورعاۋشىنى قورعاۋ - قاراۋ ۇقىعىنان ايىرۋ جونىندە شاراسىزدىقتان شەشىم جاساعان كۇننىڭ وزىندە، بالاعا قارايلاسۋ، قامقورشى بولۋ، بالانى باعىپ - قاعۋ ماسەلەسى قاشاندا ءبىرىنشى ورىندا تۇرادى، قىرۋار جۇمىستار زاڭنىڭ ۇكىمىنەن سىرت جاتىر، وعان تۋىسقاندىق، دوستىق قامقورلىقتىڭ، قوعام مەن مەملەكەت كۇشىنىڭ ات سالىسۋى قاجەت.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
