بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

ۇكىمەت اقشاسىمەن ايەلىنە قىمبات سومكا الىپ بەرگەن ءمانساپتى تەكسەرۋگە الىندى

2015.02.25 13:31    

  حالىق تورابى، 25 – اقپان، بەيجيڭ. «بەيجيڭ تاڭى گازەتىنىڭ» حابارلاۋىنشا، مەملەكەتتىك ساياحات مەكەمەسىنىڭ لوندون قاتارلى جەرلەردەگى ءىس باسقارماسىنىڭ بۇرىنعى مەڭگەرۋشىسى ياڭ چياڭ قىزمەت قولايلىلىعىنان پايدالانىپ، ايەلى مەن ۇلىنىڭ ەلگە تۋىسشىلاپ قايتقان ۇشاق بەلەتى مەن ايەلى ساتىپ العان سومكانى ۇكىمەت قاراجاتىنان كوتەرتكەن، زەينەتكە شىققاننان كەيىن بۇل ءىس انىقتالىپ، دەلو تۇرعىزىلعان. ياڭ چياڭ 90 مىڭ يۋانعا قيانات جاسادى دەگەن شاعىممەن بەيجيڭ قالالىق 2 – ورتا دارەجەلى سوتتا تەرگەۋگە الىندى.

  61 جاستاعى ياڭ چياڭ كەزىندە مەملەكەتتىك ساياحات مەكەمەسىنىڭ وساكا، سەۋل، لوندون قاتارلى جەرلەردەگى ءىس باسقارماسىنىڭ مەڭگەرۋشىسى بولعان. پروكۋراتۋرا جاقتىڭ ايىپتاۋ مازمۇنىنا قاراعاندا، ياڭ چياڭ 2008 – جىلدان 2013 – جىلعا دەيىن مەملەكەتتىك ساياحات مەكەمەسىنىڭ وساكاداعى جانە لوندونداعى ءىس باسقارماسىنىڭ مەڭگەرۋشىسى بولىپ تۇرعاندا، قىزمەت قولايلىلىعىنان پايدالانىپ، ەرەجەگە قايشىلىق جاساپ، ءوزىنىڭ، ۇلىنىڭ جانە ايەلىنىڭ 366170 جاپون يەنى، 5758.49 فۋند ستەرلينگ (جيىنى 82608 يۋان) كەلەتىن ۇشاق بەلەتىن ءىس باسقارماسىنىڭ ەسەبىنەن كوتەرتكەن.

  مۇنان سىرت، ياڭ چياڭ 2011 – جىلدان 2013 – جىلعا دەيىن مەملەكەتتىك ساياحات مەكەمەسىنىڭ سەۋلدا جانە لوندوندا تۇراتىن ساياحات باسقارماسىنىڭ مەڭگەرۋشىسى بولىپ تۇرعاندا، قىزمەت قولايلىلىعىنان پايدالانىپ، بەلگىلەمەگە قايشىلىق جاساپ، ءوزى جانە ايەلى ساتىپ العان قۇنى 226350 كورەيا ۋونى، 127 ا ق ش دوللارى، 649 فۋند ستەرلينگ (جيىنى 8584 يۋان) تۇراتىن زاتتاردى ءىس باسقارماسىنىڭ ەسەبىنەن كوتەرتكەن. بىلتىر 29 – ساۋىردە ياڭ چياڭنىڭ ماسەلەسى انىقتالىپ، دەلو تۇرعىزىلعان، دەلوعا قاتىستى قاراجات پەن زاتتار تۇگەلدەي قايتارىپ الىنعان.

  ياڭ چياڭ قىزمەت قولايلىلىعىنان پايدالانىپ، 90 مىڭ يۋانعا جۋىق ۇكىمەت قازىناسىن قىمقىرعان، پروكۋراتۋرا جاق ونىڭ بۇل ارەكەتى قياناتشىلدىق قىلمىس قالىپتاستىرعان دەپ قارادى. ۇعىسۋعا قاراعاندا، پروكۋراتۋرا جاق مۇنان باسقا ءبىر قياناتشىلدىق دەلوسىن تەكسەرىپ ءبىر جايلى ەتۋ بارىسىندا ياڭ چياڭنىڭ قيانات ىستەگەنىنە قاتىستى ءجىپ ۇشىن بايقاعان، بۇل كەز ياڭ چياڭ زەينەتكە شىققاننان كەيىنگى كەز بولاتىن.

  سوت اياقتالعاننان كەيىن، ياڭ چياڭ جانارىنان وكىنىش جاسى سورعالاپ، «قايتادان ادام بولۋىنا» ءبىر رەت وراي بەرۋدى ءوتىندى. بۇل دەلوعا قاتىستى سوت ۇكىمى الدا جاريالانادى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.