بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

اۆتونوميالى رايونىمىز ازىق - تۇلىك، ءدارى - دارمەككە قاتىستى 11 تيپتىك دەلونى تۇڭعىش رەت شوعىرلى تۇردە جاريالادى

2015.05.20 14:42     كەلۋ قاينارى : ءتاڭىرتاۋ تورابى

  اۆتونوميالى رايوندىق ازىق - تۇلىك، ءدارى - دارمەك باقىلاۋ - باسقارۋ مەكەمەسى 19 - مامىر كۇنى 2014 - جىلى تەكسەرىپ انىقتالعان ازىق - تۇلىك حاۋىپسىزدىگىنە قاتىستى زاڭعا قايشى 11 تيپتىك دەلو جونىندە حابارلاندىرۋ شىعاردى. اتالعان دەلولاردىڭ جاي - جاپسارى كۇردەلى، سوماسى كوپ، بۇنىڭ ىشىندە، 7 دەلو بويىنشا اكىمشىلىك جازا بەرىلگەن، 4 دەلو قوعام حاۋىپسىزدىگى ورگاندارىنىڭ ءبىر جايلى ەتۋىنە وتكىزىلگەن. ۇعىسۋعا قاراعاندا، بۇل اۆتونوميالى رايوندىق ازىق - تۇلىك، ءدارى - دارمەك باقىلاۋ - باسقارۋ مەكەمەسىنىڭ ازىق - تۇلىك، ءدارى - دارمەككە قاتىستى تيپتىك دەلولاردى تۇڭعىش رەت اقپارات قۇرالدارى ارقىلى شوعىرلى تۇردە جاريالاۋى ەكەن.

  تاياۋ جىلدان بەرى، اۆتونوميالى رايونىمىزدىڭ جەر - جەرىندەگى ازىق - تۇلىك، ءدارى - دارمەك باقىلاۋ - باسقارۋ تاراۋلارى حاۋىپ - قاتەردى جاپپاي تەكسەرۋ، كومەسكى حاۋىپتەردى جونگە سالۋ، ماسەلەلەردى رەتتەۋ - وڭاۋ جۇمىستارىن مىقتى يگەرىپ، ازىق - تۇلىك، ءدارى - دارمەك بازارىن شارلاۋدىڭ تەبىنىن كۇشەيتىپ، كەزەگىن جيىلەتتى، ازىق - تۇلىك، ءدارى - دارمەك ماسەلەلەرى وڭاي، كوپ بەلەڭ بەرەتىن ءوندىرىس، شارۋاشىلىق ورىندارىنا، ءوندىرىس، شارۋاشىلىق شارت - جاعدايىنا، كاسىپورىنداردىڭ سۋبيەكتتىك جاۋاپكەرلىگىنە ءتۇيىندى تۇردە باقىلاۋ - باسقارۋ جۇرگىزىپ، قاتىستى ماسەلەلەردى دەر كەزىندە ءبىر جايلى ەتىپ، كومەسكى حاۋىپتەردىڭ الدىن الدى. كەزەكتە، اۆتونوميالى رايونىمىزدىڭ ازىق - تۇلىك، ءدارى - دارمەك حاۋىپسىزدىگىنىڭ جاعدايى ۇزدىكسىز تۇردە جاقسارىپ كەلەدى، دەگەنمەن، ازىق - تۇلىك، ءدارى - دارمەك حاۋىپسىزدىگىنە قاتىستى زاڭعا قايشى قىلمىستار ءالى تولاستاعان جوق، ولاردى جونگە سالۋدىڭ قيىندىعى كۇشەيىپ، تىڭ ماسەلەلەر ۇزبەي تۋىنداۋدا، سوققى بەرۋ، جونگە سالۋ مىندەتتەرى ءالى اۋىر، ماشاقاتتى. 2015 - جىلى اۆتونوميالى رايوندىق ازىق - تۇلىك، ءدارى - دارمەك باقىلاۋ - باسقارۋ مەكەمەسى ازىق - تۇلىك، ءدارى - دارمەك حاۋىپسىزدىگىن باقىلاۋ - باسقارۋدىڭ ەڭ قاتاڭ ءتۇزىمىن ورناتۋعا كۇش سالىپ، ازىق - تۇلىك، ءدارى - دارمەك سالاسىنداعى زاڭعا قايشى ارەكەتتەرگە ەڭ قاتاڭ جازا قولدانادى، جازانىڭ اتقارىلۋىن سايكەستىرۋ مەحانيزمىن اناعۇرلىم جاقسارتىپ، ازىق - تۇلىك، ءدارى - دارمەك حاۋىپسىزدىگىنە سوققى بەرۋدىڭ تەگەۋرىندى كۇيىن ساقتايدى.

  اۆتونوميالى رايوندىق ازىق - تۇلىك، ءدارى - دارمەك باقىلاۋ - باسقارۋ مەكەمەسى تەكسەرۋ مەكەمەسىنىڭ باستىعى ۋاڭ ليگۋاڭ بىلاي دەدى: ءار دارەجەلى ازىق - تۇلىك، ءدارى - دارمەك باقىلاۋ - باسقارۋ تاراۋلارى 2014 - جىلى قىركۇيەكتەن باستاپ ءوز اكىمشىلىك تاراۋلارى ازىق - تۇلىك، ءدارى - دارمەككە حاۋىپسىزدىگى بويىنشا اكىمشىلىك جازا قولدانعان دەلولاردىڭ ينفورماتسيالارىن ورگاننىڭ رەسمي سايتى ارقىلى قوعامعا اشىق جاريالاپ كەلەدى، اۆتونوميالى رايونىمىز اكىمشىلىك جازا بەرىلگەن 791 دەلونى ىلگەرىندى - كەيىندى جاريالادى، جۇرتشىلىق قاتىستى اقپاراتتاردى جەر - جەردەگى ازىق - تۇلىك، ءدارى - دارمەك باقىلاۋ - باسقارۋ تاراۋلارىنىڭ سايتتارىنان نەمەسە جەرگىلىكتى ۇكىمەتتىڭ پورتالدارىنان وقي الادى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.