- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ۇرىلار توبى قولعا ءتۇسىپ، زياندالۋشىنىڭ مۇددەسى قورعالدى
2015.07.10 14:48
جالپىنىڭ مۇددەسىن كىم زيانداسا، سول زاڭنىڭ جازاسىنا تارتىلارى داۋسىز. تاياۋدا تەكەس اۋداندىق قوعام حاۋىپسىزدىگى مەكەمەسى ۇرلىق دەلوسىن اشكەرەلەپ، 4 قىلمىس كۇماندىسىن ناق مايداندا قولعا ءتۇسىرىپ، ۇرلانعان 15 مىڭ يۋاندىق قۇنعا يە 30 جاشىك ساپالى اراقتى ناق مايداندا يەسىنە قايتارىپ بەرىپ، قىلمىسكەرلەردى زاڭ بويىنشا جازالاپ، زياندالۋشىلاردىڭ مۇددەسىن قورعاپ، قوعامنىڭ جاقسى باعاسىنا يە بولدى. ءىستىڭ ءجايى بىلاي ەكەن.
اۋدان قالاشىعىنىڭ ورتالىق بازارىندا دۇكەن اشاتىن تيجاراتشى لۋ شياڭشىڭ ساۋدا ورنىندا زات قوياتىن ارناۋلى قويماسى بولماعاندىقتان زات ساقتاۋ قويماسىن ءوز اۋلاسىنان جاساپ، زاپاس تاۋارلارىن ۇنەمى ۇيىنە اپارىپ ساقتاپ قويادى ەكەن. ‹‹بىرەۋ تويعا اينالعاندا بىرەۋ قويعا اينالادى›› دەمەكشى، ناۋرىزدىڭ 21 - كۇنى ول تۋىسشىلاپ سىرتقا كەتىپ، ەرەتەسى ۇيىنە كەلگەندە اۋلا ەسىگىنىڭ قۇلپىسىنىڭ شاعىلعانىن كورىپ، دەرەۋ اۋلاسىنداعى زات قويماسىن تەكسەرگەندە 30 جاشىكتەن استام ساپالى اراقتىڭ ۇرلانعانىن بايقايدى دا، مۇنى دەرەۋ اۋداندىق قوعام حاۋىپسىزدىگى مەكەمەسىنە مالىمدەيدى. دەلو تۋىلعاننان كەيىن قوعام حاۋىپسىزدىگى تاراۋلارىنىڭ ساقشىلارى ناق مايدانعا بارىپ، تەكسەرۋ جۇرگىزۋ مەن بىرگە، دەلو انىقتاۋ كەسكىن اپاراتتارىن ىسكە قوسۋ ارقىلى توپتاسىپ ۇرلىق ىستەۋ دەلوسى ەكەندىگىن تۇراقتاندىرادى. بۇل قىلمىس كۇماندىلارى ءبولىنىپ ارەكەت جاساپ، لۋ شياڭشىڭ جوقتىعىنان پايدالانىپ، ناۋرىزدىڭ 21 - كۇنى تاڭعى ساعات 4 مولشەرىندە ءۇيدىڭ اۋلا ەسىگىن شاعىپ كىرىپ، زاتتاردى ۇرلاپ، جوعارىداعى دەلونى تۋدىرعان ەكەن.
بۇل جونىندە قوعام حاۋىپسىزدىگى مەكەمەسى قىلمىستىق ىستەردى بارلاۋ اترەتىنىڭ جاۋاپتىسى شيىن زى -ي بىلاي دەيدى: بۇل ۇرىلار توبى شىنىندا وتە اككى ەكەن، بىرەۋى كولىك دايىنداسا، ال بىرەۋى ەسىك قاراۋعا جاۋاپتى بولعان، ال سوڭعى ەكەۋى زاتتى تاسىپ شىعارۋعا جاۋاپتى بولىپ، ءتۇرلى تاسىلگە سۇيەنىپ، توپتاسىپ قيمىلداپ، وسى دەلونى تۋدىرعان.
ءبىز يەلەگەن ناقتى دەرەككە نەگىزدەلىپ، دەلونىڭ انىق - قانىعىنا جەتكەننەن كەيىن وسى كۇدىكتى قىلمىسكەرلەردى دەركەزىندە قولعا ءتۇسىرۋ ءۇشىن، ساقشىلاردى اتتانىسقا كەلتىرىپ، ولاردىڭ باس قوساتىن ورنىن، استاسىپ اۋىس - كۇيىس جاسايتىن قيمىل ورتالىقتارىنا كۇندىز - تۇنى باقىلاۋعا الىپ، ۇرىلاردىڭ سوڭىنا ءتۇسىپ، تىنباي تەكسەرۋ، قۋاعىنداۋ ارقىلى قىسقا عانا ۋاقىت ىشىندە ولاردى وسى اۋدان قالاشىعىنداعى ءمالىم ءبىر قوناقجايدا جاسىرىنىپ جاتقان جەرىنەن قولعا تۇسىردىك، الدا ولاردى زاڭ بويىنشا ءبىر جاقتى ەتپەكشىمىز دەدى. قوعام حاۋىپسىزدىگى تاراۋلارىنان ۇعىسۋعا قاراعاندا، بۇل قىلمىسكەرلەردىڭ بىرنەشە رەت زاڭ تورىنا ىلىگىپ، زاڭدىق شارا قولدانعان قىلمىسكەرلەر ەكەندىگى، سان رەت حالىقتىڭ مال - مۇلكىن ۇرلاپ، توناپ قوعامعا اۋىر زيان جەتكىزگەن قىلمىستىلار ەكەندىگى دالەلدەنىپ، قازىر بۇل دەلونىڭ ناقتى بارىسىنا ىشكەرىلەي تەكسەرۋ جۇرگىزىلىپ جاتىر ەكەن.
ىرسالى سىلاميا ۇلى
كەلۋ قاينارى：شينجياڭ زاڭ جانە تۇرمىس گازەتى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
