- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
زاڭ ۇگىتىن حالىقتىڭ ءتول مۇددەسىنە سايكەستىرە جۇرگىزۋ كەرەك
ءدينا قابدوللا قىزى
2015.12.14 16:47 كەلۋ قاينارى : شينجياڭ گازەتى
پارتيا ورتالىق كوميتەتى 18 - كەزەكتى ورتالىق كوميتەتىنىڭ ءتورتىنشى جالپى ءماجىلىسى قارار قابىلداپ، مەملەكەتتى زاڭمەن جونگە سالۋ ۇندەۋىن ورتاعا قويدى. بۇندا نەگىزگى زاڭ جونىندەگى تانىمدى ونان ارى ارتتىرىپ، زاڭ اتقارۋ ءتۇزىلىسى رەفورماسىن تەرەڭدەتىپ، زاڭدى قاتاڭ، ءتارتىپتى، مادەنيەتتى اتقارۋعا تاباندى بولۋ، ءادىليا ادىلەتتىلىگىن قامتاماسىز ەتۋ، حالىقتىڭ زاڭمەن جونگە سالۋ تانىمىن كۇشەيتۋ، بۇقارانىڭ ءادىلياعا ارالاسۋىن قامتاماسىز ەتۋ، بۇكىل قوعامدا زاڭمەن جونگە سالۋ قۇرىلىسىن ىلگەرىلەتۋ، كەمەلدى زاڭدىق قىزمەت وتەۋ جۇيەسىن ورناتىپ، زاڭ بويىنشا ۇقىق - مۇددەنى قورعاۋ جانە تالاس - تارتىستاردى شەشۋ ورتاعا قويىلدى.
حالىقتىق تىلمەن ايتقاندا، زاڭ − اق - قارانى، وبال - ساۋاپتى ايىراتىن ءادىل تارازى. زاڭنىڭ بەدەلى ءادىل اتقارىلۋىمەن قۇندى. ءبىر مەملەكەتتى، ءبىر رايوندى ياكي ءبىر جەكەنى جونگە سالۋدا زاڭنىڭ اتقاراتىن رولى توتەنشە كۇشتى. سوندىقتان بارلىق ادامعا زاڭ قاجەت، مەيلى ول ءوز ۇقىق - مۇددەسىن قورعاۋدا، زاڭ جولعا قويعان ىستەرمەن شۇعىلدانۋ ياكي زاڭ تيىم سالعان ىستەردەن تيىلۋدا بولسىن، ءبارى دە زاڭنان قول ۇزە المايدى. قازىر قوعامدىق ورتادا ساقتالىپ وتىرعان باستى ماسەلە − قوعام مۇشەلەرىنىڭ، اسىرەسە، حالىق جۇرتشىلىعىنىڭ زاڭدىق تانىمىنىڭ تومەن، زاڭ ساۋاتىنىڭ كەمشىل بولۋىنان، جاريالانىپ، اتقارىلىپ وتىرعان زاڭ - ەرەجەلەردىڭ قاجەتتىلىگىن تۇسىنبەي، ودان دۇرىس پايدالانا الماي، ءوز مۇددەلەرىن زاڭ ارقىلى قورعاي الماي وتىرۋى. سوندىقتان زاڭ بىلىمدەرىن ۇيرەنگەندە، زاڭ ۇگىتىن جۇرگىزگەندە بولسىن، تەك نازاريالىق جاقتان عانا دارىپتەمەي، امالي ماسەلەلەرمەن، ادامداردىڭ تۇرمىسىمەن، بۇقارانىڭ ناقتى شارۋاشىلىعىمەن، تىكە مۇددەسىمەن سايكەستىرۋىمىز، بارىنشا جاناستىرۋىمىز كەرەك. نەگىزگى زاڭدا: «حالىق زاڭداعى بەلگىلەمەلەر بويىنشا مەملەكەت ىستەرىن، شارۋاشىلىق، مادەنيەت ىستەرىن، قوعامدىق ىستەردى ءتۇرلى جولدارمەن جانە فورمالارمەن باسقارادى» دەپ بەلگىلەنگەن. مەيلى حالىقتىڭ قوجالىق ورنىن بەكەمدەۋدە ياكي ءبىزدىڭ حالىققا قاراتا جۇرگىزەتىن ءتۇرلى ساياسي جانە زاڭدىق شارا، تاسىلدەرىمىزدە بولسىن، ءبارى دە حالىقتىڭ تىلەگىن بەينەلەۋدى، مۇددەسىن كوزدە ۇستاۋدى، ءتۇرلى ىستەرىنە جول اشىپ بەرۋدى ماقسات ەتۋى كەرەك.
قوعام دامىپ، ەكونوميكا الەمدەنۋگە بەت العان، ءوندىرىس تاسىلدەرى وسىزاماندانعان، شارۋاشىلىق كوپ تۇرلىلەنگەن وسى ءبىر تۇستا، حالقىمىز زاڭدى ءبىلۋى، ونى قولدانۋى، ودان پايدالانۋى اسا قاجەتتى. بۇكىل ەلىمىز كولەمىندە زاڭمەن جونگە سالۋ ورلەۋى كوتەرىلگەننەن بەرى، قازىر جەر - جەردە، اسىرەسە، اۋىل - قىستاقتى بىرلىك ەتكەن نەگىزگى ساتىلاردا زاڭ ۇگىتى تەبىنى ارتا ءتۇستى. ءار دارەجەلى ۇيىمدار، تاراۋلار ءتۇرلى شارالاردى قولدانىپ زاڭ ۇگىتىن ورىستەتۋدە. الايدا، وسى ۇگىت - تاربيەدە ساقتالىپ وتىرعان ماسەلە − مەيلى لەكسيا ياكي ۇگىت تاقتالارى مەن تاراتىلىپ بەرىلگەن جازبا ماتەريالدار بولسىن، بارلىعىندا نازاريالىق ورە باسىم، امالياتتان الشاقتاۋ قۇبىلىسى بار. ءبىز شىن مانىندەگى تالاپتى ورىندايمىز دەيدى ەكەنبىز، وندا ءتۇرلى زاڭ - ءتارتىپ، ەرەجە - قاعيدا ۇگىتىن حالىقىمىزدىڭ ءتول مۇددەسىمەن، شارۋاشىلىعىمەن سايكەستىرە جۇرگىزىپ، ولاردىڭ ءدوپ كەلگەن ماسەلەلەرىنە جاۋاپ تابۋىنا، زاڭنىڭ قارا قىلدى قاق جارعان ادىلدىگىنە، ءارقانداي ىستە زاڭعا سۇيەنبەسە بولمايتىندىعىنا كوزدەرىن ابدەن جەتكىزىپ، زاڭ ۇيرەنۋگە، بىلۋگە ۇمتىلاتىن، زاڭنان قول ۇزە المايتىن ەتۋىمىز كەرەك.
زاڭ بىلۋدە ازاماتتار، ەڭ الدىمەن، وزدەرىندە قانداي ۇقىقتار مەن بورىشتاردىڭ بار ەكەندىگىن تانىپ جەتۋى كەرەك. زاڭدا بەلگىلەنگەن ۇقىق كولەمىنەن اسىپ كەتكەن
ءارقانداي ارەكەتتىڭ زاڭعا قايشى ارەكەت سانالاتىندىعىن ەستە بەرىك ساقتاۋى، زاڭ تارتىپتەرىنە سيىمدى ءارقانداي ءىستىڭ زاڭنىڭ قورعاۋىندا بولاتىندىعىن تولىق ۇعىنۋى قاجەت. قازىر كوپتىڭ تۇرمىسىنا، شارۋاشىلىعىنا، باس اماندىعىنا تىكە قاتىستى تۋىنداپ وتىرعان ماسەلەلەردىڭ كوبى ولاردىڭ زاڭنىڭ تارتىپتەرىن بىلمەۋىنەن، زاڭ بويىنشا قورعانا الماۋىنان، زاڭعا بويسۇنىپ، زاڭ بويىنشا دۇرىس بەتالىس ورناتا الماۋىنان تۋىنداپ وتىر. بۇنىڭ باستىلارى مىنا جاقتاردان بەلەڭ بەرىپ وتىر:
جەر داۋى. مۇنى لايىقتى شەشۋدە زاڭعا سۇيەنۋ كەمشىل. جەر داۋى نەگىزىنەن جەر زاڭىن، جەردەن پايدالانۋ جونىندە وزىندە قانشالىق ۇقىق شەگى بارىن، قايتكەندە جەردەن دۇرىس پايدالانۋعا بولاتىندىعىن تولىق بىلمەۋدەن تۋىنداپ وتىر. قازىرگى كۇندە بەلگىلى رايوندا ءمالىم شارۋانىڭ كۋالىكتى جەرىنە كوز تىگىلدى. سول ورىننان جول ءوتتى، كەن اشىلدى، قۇرىلىس ءتۇستى، ەندى بىرەۋ سول جەردى كوتەرمەگە العىسى كەلدى، ۇكىمەت قاجەت ەتتى. وسى سەبەپتەردەن شارۋالاردىڭ ءبولىستى جەرىنە قولقا سالىندى. كەي ورىنداردا شارۋالار قاجەتسىز دەپ تاستاپ قويعان جەر قاجەتكە جاراپ قالدى. قايتۋ كەرەك؟ بايىپپەن ويلانىپ، زاڭعا جۇگىنۋ، زاڭدىق تاسىلمەن ءبىر جايلى ەتۋ ءتيىس. قازىرگى امالي جاعداي قانداي؟ قاعيداعا جۇگىنبەي كوڭىلشەكتىكپەن كونە سالادى، اۋىزشا ماقۇلدىق بەرەدى. ونىڭ سەبەبى، سول تۇستا قولىنا تيگەلى تۇرعان از اقشاعا قىزىعادى. «جەر ەمشەگىن ەمگەننىڭ وزەگى تالمايدى» دەگەن حالىق دانالىعىن ەستەن شىعارىپ، وسى جەر سەنىڭ شارۋاشىلىقپەن شۇعىلدانىپ جان باعۋىڭا جەتەدى دەپ بەرگەن ۇكىمەتتىڭ ساياساتىن، قامقورلىعىن قايىرىپ قويادى. جەردىڭ ءوزىنىڭ تۇرمىسىنا قانشالىقتى پايدالى ەكەندىگىن، كەلەشەگىن ويلامايدى. جەرى باسقانىڭ قولىنا ءوتىپ، ءتول مۇددەسىنە زيان جەتىپ، ۇتىلىپ قالعانىن بىلگەن كۇنى زار قاقساپ زاڭنان كومەك سۇراپ، اقشاسىن كوتەرىپ زاڭگەر ىزدەپ سارساڭعا تۇسەدى.
مۇنان قالسا، ءتۇرلى توقتامداردا شالاعايلىق كوپ. شارۋالار كۇندەلىك ءوندىرىس، تۇرمىستا ءتۇرلى توقتامداردان قول ۇزە المايدى. توقتامدى ءار ەكى جاققا ءتيىمدى، عىلمي جاساۋدا زاڭعا سۇيەنۋ كەرەك. قازىرگى ناقتى جاعداي بۇدان وزگەشە. باسىم سانداعى شارۋا توقتامدى زاڭدىق ولشەمگە تولاتىن، عىلمي جازۋدى بىلمەيدى. ەكونوميكالىق توقتام نەمەسە ازاماتتىق ىستەر توقتامى بولسىن، ءبارى دە ءبىر شىبىقپەن ايدالىپ، جەكەنىڭ ەركى بويىنشا زاڭنان اۋا جايىلىپ دۇرەگەي جاسالادى. كەيدە، اۋەلى، قارسى جاققا جازدىرىپ، اقى يەسى ونىڭ قاي جاقتىڭ مۇددەسىنە بەيىمدەلىپ تۇرعانىنا، نە ايتقانىنا، قانداي شارتتار قويعانىنا كوزى جەتپەي تۇرىپ قول قويا سالادى، كەيدە اۋىزشا ماقۇلدىق بەرەدى. ەڭ سوڭىندا، توقتام بويىنشا جۇمىس ءجۇرىلىپ، ناتيجە كورىلىپ، زيانعا وتىرعاندا بارىپ سان سوعىپ، وپىق جەپ، زاڭنان ادىلدىك كۇتەدى. سوندىقتان توقتام جاساۋدى ماقۇل كورگەن ءار ەكى جاق العاشقى ادىمدا تولىق كەڭەسۋى، سونان كەيىن، اۋەلى، ءوز مۇددەسى تۇرعىسىنان توقتام تالاپ ەتكەن جاققا شارت قويۋ كەرەك.
كاسىپ كوزىن اشىپ، شارۋاشىلىق جاراتۋدا شالاعايلىق باسىم. قوعام دامىپ، ءوندىرىس تاسىلىندە زور بۇرىلىس تۋىلىپ، ادامدار جاڭاشا شارۋاشىلىقپەن شۇعىلدانا باستاعان وسى تۇستا، حالقىمىز دا قاراپ جاتپاي، ءار ءىستى قولعا الا باستادى. الايدا، سالعان جەردەن توسالعىسىز تابىسقا جەتكەندەرى ساناۋلى. قاعيدا بويىنشا العاندا، ءبىر ءىستىڭ باسىن باستاپ ونىمەن شۇعىلداناردان بۇرىن قاتىستى بولعان رۇقسات كۋالىگى، جەر راسمياتى، قاتىستى جاقتارمەن بايلانىسى، جەرگىلىكتى ورىننىڭ تالاپ - قاعيدالارىنا ۇيلەسۋى، ءتۇرلى بەكىتپەلەرى، قاتىستى قاراجاتتارى سياقتى كوپتەگەن جۇمىستار الدىمەن تىندىرىلۋى كەرەك.
جالدانبا ەڭبەك ىستەۋدە ەسەمىز كەتىپ ءجۇر. بىرەۋگە ەڭبەك ىستەپ بەرۋگە تۋرا كەلگەندە، الدى - ارتىنا قاراماي كىرىسە جونەلۋ بىزگە ادەت بولىپ بارا جاتىر. قانشالىق ەڭبەك؟ حاۋىپسىزدىك شارتتارى قانداي؟ قايسى زاڭ - ەرەجەگە سۇيەنگەندە ءوز مۇددەڭدى قورعاي الاسىڭ؟ قايسى تالاپتار بويىنشا ىستەگەندە ءار ەكى جاققا ءتيىمدى بولادى دەگەندەردى اشالاپ المايدى. ەڭبەك زاڭىنا جۇگىنبەيدى. ەكىنىڭ بىرىندە ەسەسى كەتىپ جەلىنىپ قالعاندا بارىپ زاڭنان ءادىل تورەلىك كۇتەتىن جاعداي كوپ. جوعارىداعىلاردان تىس، ءاربىر جەكە ءوز باس اماندىعىن، ۇقىق - مۇددەسىن، مال - مۇلكىن قورعاۋدا قانداي زاڭدار مەن قاعيدالارعا سۇيەنۋ ءتيىس ەكەندىگىن ايقىنداۋى كەرەك. ول ءۇشىن زاڭدى ءوزىنىڭ كۇندەلىك تۇرمىسىمەن، ۇنەمى كەزدەسىپ تۇراتىن امالي قيمىلدارمەن سايكەستىرىپ ۇيرەنۋ قاجەت.
قىسقاسى، ءبىر ادامنىڭ قوعامدىق ورتادا بوي كوتەرىپ ءجۇرۋى، شارۋاشىلىعىن شالقىتۋى، قوعاممەن جانە وبيەكتيۆ دۇنيەمەن بايلانىسى، ءسوز سويلەۋى، ارەكەت - قيمىلى تۇگەلىمەن زاڭنان قول ۇزە المايدى. زاڭ ونى قورعايدى جانە تەجەيدى، بارلىق ىستەرىن دۇرىس ارناعا سالادى، قاعيدالاستىرادى، باسقالاي بۇرىس ارەكەتتەرىنىڭ الدىن الادى. بارلىق جۇمىس زاڭدى تياناق ەتكەندە كىم - كىمگە دە ءتيىمدى بولادى. زاڭ بىلمەۋ باعداردان اداسۋ، زاڭعا سۇيەنبەۋ، قاتەلەسۋ بولىپ تابىلادى. ءبىز پارتيانىڭ مەملەكەتتى زاڭمەن جونگە سالۋ ۇندەۋىنە ءۇن قوسىپ، بۇقاراعا زاڭ ۇگىتىن جۇرگىزۋدە تەك قانا نازاريا ارقىلى سابالاۋدان، بارلىق زاڭ اتاۋلىنى ءۇيىپ - توگۋدەن، اناۋ دا ماڭىزدى، مىناۋ دا ماڭىزدى دەپ كوپتى سارساڭعا سالۋدان اۋلاق بولىپ، حالىقتىڭ ءتول مۇددەسىنە قاجەتتى زاڭداردى دارىپتەپ، وعان قانىق بولۋعا، پايدالانۋعا، سول ارقىلى ءوز مۇددەلەرىن قورعاۋعا باۋلۋىمىز كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
