- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
كىم كىنالى
ەرعازى تەڭەلبەك ۇلى
2015.12.15 16:49 كەلۋ قاينارى : شينجياڭ گازەتى
كۇنەس اۋداندىق حالىق پروكۋراتۋرا مەكەمەسى جاقىندا جاۋاپكەر دويىرجاندى قاساقانا زاقىمداۋ قىلمىسىمەن كۇنەس اۋداندىق حالىق سوتى مەكەمەسىنە ايىپتادى.
دويىرجان كۇنەس اۋداننىڭ بەلگىلى قىستاعىنىڭ تۇرعىنى، 2015- جىلى قاڭتاردىڭ ءبىر كۇنى كۇنەس اۋدانى قالاشىعى بەلگىلى تۇرعىندار رايونىنداعى قايناعاسى كوپەس ونى ۇيىنە قوناققا شاقىرعان، ول سول ۇيدە باسقا دا تۋىستارىمەن بىرگە تاماق جەپ، اراق ىشكەن. باسقالار قايتقاندا، دويىرجان، قايراقباي جانە ءۇي يەسى كوپەس ۇشەۋى ارتىندا قالىپ اراق ىشكەن. اڭگىمە بارىسىندا سوزدەن ءسوز شىعىپ دويىرجان مەن كوپەس ەرەگەسىپ قالىپ، دويىرجان ۇيىنە قايتاتىن بولىپ ۇيدەن شىعاردا كوپەسپەن جاعالاسىپ، ءبىر - بىرىنە جۇدىرىق جۇمساعان، ولاردى كوپەستىڭ ايەلى جانار مەن قايراقباي اراشالاپ العان، قايراقباي دويىرجاندى ەرتىپ دالاعا شىققاننان كەيىن ءوز ۇيلەرىنە قايتقان. دويىرجان قايتار جولىندا ماگازيننەن ءبىر قۇمىرا اراق الىپ ۇيىنە كەلىپ ءىشىپ وتىرعاندا، جاناردان «كوپەس سەن ساباپ كەتكەننەن كەيىن قينالىپ جاتىر، كەلىپ شيپاحاناعا كورسەت» دەپ شاقىرعان تەلەفون كەلەدى. دويىرجان كوپەستىڭ ۇيىنە قايتا اينالىپ كەلگەننەن كەيىن ەكەۋى تاعى دا ەرەگەسىپ توبەلەسكەن سوڭ، جانار ساقشىعا تەلەفون بەرگەن، وسى ارالىقتا دويىرجان ۇيدەن شىعىپ 1 - قاباتقا تۇسكەندە، جانار: كوپەستى نەگە ۇراسىڭ؟ مەن ساقشىعا مالىمدەدىم، كەتپە، ساقشى قازىر كەلەدى، − دەيدى. دويىرجان ۇيگە قايتا كەلىپ، جانارمەن ەرەگەسىپ، قولىنداعى قول تەلەفونىن جانارعا قاراي لاقتىرىپ قالعاندا، تەلەفون جاناردىڭ وڭ جاق كوزىنە ءتيىپ، كوزى اعىپ تۇسەدى. ءدال وسى كەزدە ساقشىلار دا كەلىپ، دويىرجاندى قۇرىقتايدى.
ءبىز دويىرجانمەن سويلەسكەنىمىزدە، بۇرىن قايناعاسى كوپەس، جەڭگەسى جانارمەن جاقىن وتكەنىن، ءارقانداي ءبىر جۇمىستى بىرگە اقىلداسىپ، ءبىر شىنى شايدى ءبولىپ ءىشىپ تاتۋ - ءتاتتى وتكەنىن ايتىپ، «سول كۇنى اراقتى ىشپەگەنىمدە مۇنداي ءىس تۋىلماس ەدى، ەندى جەڭگەم جاناردى، باسقا باۋىر - تۋىستى، قايىن جۇرتىمدى، 2 بالامدى قايتىپ كورەمىن» دەپ بارماعىن تىستەيدى. كوپەس بۇرىن دويىرجانمەن ەشقانداي ارازدىعى جوق ەكەنىن، جانار دا اعىپ كەتكەن جانارىنىڭ قالپىنا كەلمەيتىنىن ايتىپ، كوز جاسىن كول قىلدى.
(دەلوداعى ادام اتتارى وزگەرتىلىپ الىندى)
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
