بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

حالىق سوتى مەكەمەسى قولداماعان قۇن تولەمى

2015.12.21 13:55     كەلۋ قاينارى : شينجياڭ گازەتى

  2013- جىلى 29- قىركۇيەكتە اكباردىڭ ءۇيىنىڭ شىراعى ءسونىپ قالادى. ول كورشىلەرىنىڭ ءۇيىن بايقاپ، جالعىز ءوزىنىڭ ۇيىندە عانا ەلەكتردىڭ جوق ەكەنىن ءبىلىپ، كورشىسى ابدىراحمان مەن جانە بىرەۋدى شاقىرىپ، ۇشەۋى ءۇيدىڭ ەلەكتر سىمىن جاڭالاپ، كەرنەۋ وزگەرتكىشكە جالعاماقشى بولادى. اكبار ەلەكتر باعاناسىنا شىعىپ، ەلەكتر سىمىن جالعاپ جۇرگەندە ەلەكتر سوعىپ قايتىس بولادى. اكباردىڭ وتباسىنداعىلار ونىڭ ولىمىنە ەلەكترمەن قامداۋ سەرىكتەستىگى سەبەپشى بولدى دەپ قارايدى.

  2013- جىلى 18- ماۋسىمدا شينجياڭ جياڭنان ەلەكترمەن قامداۋ شەكتى جاۋاپكەرشىلىك سەرىكتەستىگى گانسۋ ولكەسى 2- قۇراستىرۋ سەرىكتەستىگىمەن جانە شينجياڭ ەلەكتر سەرىكتەستىگىمەن ەلەكتردەن پايدالانۋ قۇرىلىسىن وزگەرتۋ توقتامىن جاساسىپ، ەلەكتر ولشەۋىشتى جۇيەلەندىرىپ، ناقتى پايدالانۋ دارەجەسىن سايكەستىرۋ قۇرىلىسىن گانسۋ ولكەسى 2 - قۇراستىرۋ سەرىكتەستىگىنە كوتەرمەگە بەرەدى. قۇرىلىس 2013 - جىلى 20- ماۋسىم باستالىپ، سول جىلى 20- قازان اياقتالاتىن بولعان. ۋاقيعا تۋىلعان كەزدە گانسۋ ولكەسى 2- قۇراستىرۋ سەرىكتەستىگى ءالى جۇمىس جۇرگىزىپ جاتقان بولاتىن. سونىمەن اكباردىڭ تۋىس - تۋعاندارى شينجياڭ جياڭنان ەلەكترمەن قامداۋ شەكتى جاۋاپكەرشىلىك سەرىكتەستىگى، گانسۋ ولكەسى 2 - قۇراستىرۋ سەرىكتەستىگى جانە شينجياڭ ەلەكتر سەرىكتەستىگى ۇستىنەن اتۇش قالالىق حالىق سوتى مەكەمەسىنە ارىزدانىپ، اكباردىڭ قۇن تولەمى مەن بالالارىن باعىپ - قاعۋ قاراجاتىن بەرۋدى تالاپ ەتەدى.

  حالىق سوتى مەكەمەسى دەلونى تەكسەرگەننەن كەيىن، ەلەكتر لەنياسىنداعى كەرنەۋ وزگەرتكىش سياقتى جابدىقتار ەلەكتر لەنياسىندا قورعاۋ كولەمىنە تاۋەلدى، ءارقانداي ورىن جانە جەكە ءوز مەيلىنشە ەلەكتر باعاناسىنا سوقتىعۋىنا بولمايدى. ونىڭ ۇستىنە ۋاقيعا تۋىلعاندا گانسۋ ولكەسى 2 - قۇراستىرۋ سەرىكتەستىگىنىڭ قۇرىلىسى ءالى بىتپەگەن. «ەلەكتر زاڭىنىڭ» 54- تارماعىندا: «ءارقانداي ورىن مەن جەكە زاڭ بويىنشا ايرىلعان ەلەكتر قۇرىلعىلارىن قورعاۋ ءوڭىرىنىڭ ىشىندە ەلەكتر قۇرىلعىلارىنىڭ قاتەر ءتوندىرۋى مۇمكىن بولعان جۇمىستاردى ىستەۋىنە تۋرا كەلگەندە، ەلەكتر باسقارۋ تاراۋىنا بەكىتتىرگەننەن ءارى حاۋىپسىزدىك شارالارىن قولدانعاننان كەيىن جۇمىس ىستەۋىنە بولادى» دەپ بەلگىلەنگەن. اكبار ەلەكتر باسقارۋ تاراۋىنىڭ ماقۇلدىعىن الماي، حاۋىپسىزدىك شارالار قولدانباعان جاعدايدا، كەرنەۋ ورگەرتكىش ورناتىلعان باعاناعا شىعىپ ەلەكتر سىمىن جالعاعان، مۇنداي ارەكەت زاڭدا شەكتەلگەن. مۇنان سىرت، اكبار شىعۋعا تيىم سالىناتىندىعى جايلى ەسكەرتۋ بەلگىسى ورناتىلعان ەلەكتر باعاناسىنا شىققاندىقتان، ەلەكترگە سوعىلىپ ولگەن. بۇل ۋاقيعا ونىڭ ءوز اعاتتىعى سەبەبىنەن تۋىلعان. ەلەكتر كاسىپورىندارى مەن ەلەكتر جابدىقتارىنىڭ يەسى ازاماتتىق ىستەر تولەم جاۋاپكەرشىلىگىن ارقالامايدى دەپ قاراپ، داۋلى ادامنىڭ تالابىن قولداماۋ جونىندە ۇكىم شىعاردى.

  داۋگەرلەر ۇكىمگە مويىنسال بولماي، قىزىلسۋ قىرعىز اۆتونوميالى وبلىستىق ورتا حالىق سوتى مەكەمەسىنە نارازىلىق ارىز ۇسىندى.

  وبلىستىق حالىق سوتى مەكەمەسى دەلونى قاراپ شىققاننان كەيىن، «نارازىلىق ارىز ۇسىنۋشىلار العا قويعان <گانسۋ ولكەلىك 2 - قۇراستىرۋ سەرىكتەستىگى شارۋالارعا ەلەكتر سىمىن وزدەرى جالعاپ السا بولاتىنىن ايتقان> دەگەن سوزگە جەتكىلىكتى دالەل - سىپات كورسەتىپ بەرە المادى، الايدا ولار 2 كۋاگەردىڭ كۋالىك ءسوزىن سىپات ەتپەكشى بولسا دا ەلەكتر سەرىكتەستىگىنىڭ نەمەسە گانسۋ ولكەسى 2 - قۇراستىرۋ سەرىكتەستىگىنىڭ ۇقتىرۋى ياكي باسقا دا سىپاتتار جوق جاعدايدا، نارازىلىق ارىز بەرۋشىلەردىڭ تالابىن قولداۋعا بولمايدى. اكباردىڭ ءوز بەتىمەن كەرنەۋ وزگەرتكىشكە شىعىپ ەلەكتر سىمىن جالعاۋى زاڭ - ەرەجەلەرگە قايشى، سوندىقتان نارازىلىق ارىز بەرۋشىنىڭ نارازىلىق ارىزىنىڭ سىپاتى جانە زاڭدىق نەگىزى جوق بولعاندىقتان قولداۋعا بولمايدى. حالىق سوتى مەكەمەسىنىڭ بۇرىنعى شىعارعان ۇكىمى ورىندى بولعان، قولداۋعا بولادى» دەپ قاراپ، نارازىلىق ارىز بەرۋشىلەردىڭ ارىزىن تويتارىپ، بۇرىنعى سوت ۇكىمىن كۇشكە يە ەتتى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.