بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

كۇشىنەن قالدىرىلعان ءۇي ساۋداسى

2016.01.18 14:37     كەلۋ قاينارى : شينجياڭ گازەتى

  مايرا مەن ەركىن بەلگىلى اۋداندىق ورتا مەكتەپتىڭ وقىتۋشىلارى. 2012 - جىلى ساۋىردە مەكتەپتىڭ جۇمىسشى - قىزمەتشىلەرگە اۋدان قالاشىعىنداعى گۇلباق تۇرعىندار رايونىنان ءۇي سالىپ بەرەتىندىگى جونىندە حابار تارالدى. كوپ وتپەي جۇمىسشى - قىزمەتشىلەردىڭ جەر سىلكىنىسىنە ءتوزىمدى ءۇي قۇرىلىسىنا قولباسشىلىق ەتۋ شتابى «گۇلباق تۇرعىندار رايونىنا سالىناتىن ءۇيدىڭ ءار شارشى مەترىنىڭ باعاسى 1600 يۋان، وسى تۇرعىندار رايونىنان ءۇي ساتىپ الاتىن جۇمىسشى - قىزمەتشىلەرگە ءار شارشى مەترىنە 400يۋان قوسىمشا قاراجات بەرىلەدى، ءۇيدىڭ اقشاسى ءبىر جولدا تاپسىرىلۋى كەرەك. ءاربىر وتباسى تەك ءبىر ۇيدەن عانا يگىلىكتەنە الادى، ءۇي ساتىپ الاتىندار قىزمەت ورنىندا ءبىر تۇتاس تىزىمدەلەدى، قىزمەت ورنى تەكسەرىلىپ، قولباسشىلىق شتابىنا ءۇي ساتىپ الۋشىلاردىڭ تىزىمدىگى جولدانادى. ءۇيدى ءۇي ساتۋشى ورىن ءبىر تۇتاس ءبولىپ بەرەدى. ەگەر باسقالاردىڭ اتىندا ءۇي ساتىپ العاندار تەكسەرىلىپ انىقتالسا، ءۇي ساتىپ الۋ تولىمدىلىعى كۇشىنەن قالدىرىلادى ءارى قاتاڭ شارا قولدانىلادى» دەپ حابارلاندىرۋ شىعاردى.

  جۇمىسشى - قىزمەتشىلەر حابارلاندىرۋدى كورگەن سوڭ، ءۇي ساتىپ الۋعا جاپپاي تىزىمدەلدى. مايرا وتباسىنداعىلارعا وسى حاباردى جەتكىزەدى، الايدا وتباسىنداعىلارى ونىڭ ءۇي ساتىپ الۋىنا قوسىلمايدى، ناتيجەدە ول ءۇي ساتىپ الۋعا تىزىمدەلمەيدى. مۇنان حابار تاپقان قىزمەتتەسى ەركىن:

  −ءۇي ساتىپ الۋعا تىزىمدەلىپ ەدىم، دەسەدە ۇلىما تاعى دا ءبىر ءۇي ساتىپ الىپ بەرۋ ويىم بار، ەگەر قازىر ۇيگە مۇقتاج بولماساڭ، ءوز اتىڭدا ءبىر ۇيگە تىزىمدەلىپ بەرە الاسىڭ با؟ - دەپ سۇرايدى.

  مايرا ەركىنمەن بىرگە قىزمەت ىستەيتىندىكتەن، بۇعان كوپ ويلانباي ماقۇل بولادى. ۇيگە اقشا تولەۋ جۇمىسى باستالعان سوڭ، ەركىن ءوز اتىندا تىزىمدەلگەن ۇيگە اقشا تولەگەن سوڭ، مايرامەن بىرگە ەرىپ بارىپ، ونىڭ اتىندا 130مىڭ يۋان اقشا تولەپ، تالون كەستىرىپ الادى. ەركىن 2013- جىلى 24- قىركۇيەكتە مايرانىڭ اتىندا ۇيگە تاعى دا 15مىڭ يۋان اقشا تولەيدى ءارى گۇلباق قورا - جاي سەرىكتەستىگىمەن مايرا اتىندا ءۇي ساتىپ الۋ - ساتىپ بەرۋ توقتامىنا قول قويىسادى. ەركىن ءۇيدىڭ كىلتىن العان سوڭ، اقشا تولەگەن تالونداردى ءوزى الىپ قالادى. اۋداندىق حالىق ۇكىمەتى ەركىننىڭ مايرا اتىندا ساتىپ العان ۇيىنە 20مىڭ يۋان قوسىمشا قاراجات بەرەدى، ەركىن قوسىمشا قاراجاتتى مايرانىڭ قولىنا ۇستاتادى. ال مايرا قوسىمشا قاراجاتتى العان سوڭ، ءۇيدى ءوزى ساتىپ الماعانىنا وكىنەدى. ول وتباسىنداعىلارىنا ءۇيدى ءوزى ساتىپ الماعانىنا قاتتى وكىنەتىنىن ايتىپ، كوز جاسىن كولدەتكەن سوڭ، وتباسىنداعىلار «ءۇي سەنىڭ اتىڭدا بولعاندىقتان، قايتارىپ الۋىڭا بولادى، وعان ءالى كەش ەمەس» دەپ كەڭەس ايتادى. مايرا كەيىنگى كۇندەردىڭ بىرىندە قىزمەتتەسى ەركىندى ىزدەپ بارىپ:

  − سەنىڭ ۇيگە تولەگەن 130مىڭ يۋان اقشاڭدى بانكە ءوسىمى بويىنشا قايتارىپ بەرەيىن، مۇنان سىرت، بارلىق شىعىندارىڭدى دا تولەيىن، ءۇيدى وزىمە قايتارىپ بەر، - دەيدى.

  − ءبىز العاشىندا - اق ءبىر اۋىزدى پىكىرگە كەلگەنبىز، ەندى ماعان ايتىپ وتىرعانىڭ نە ءسوز؟ ءۇيدىڭ بارلىق راسمياتتارىن ءبىتىرىپ بولدىم، ۇكىمەت جاعىنان تاراتىلعان قوسىمشا قاراجاتتى دا قولىڭا ۇستاتتىم، ءۇي مەنىڭ مەنشىگىمدە بولادى، - دەيدى ەركىن تايسالماستان.

  اۋداندىق وقۋ - اعارتۋ مەكەمەسى ەكەۋىنىڭ اراسىنداعى الاۋىزدىقتان حابارلى بولعاننان كەيىن، ەكەۋىن جاراستىرماقشى بولادى، الايدا جاراستىرۋ قىزمەتىنىڭ ءونىمى بولمايدى. سونىمەن مايرا امالسىز ەركىننىڭ ۇستىنەن اۋداندىق حالىق سوتى مەكەمەسىنە ارىز ۇسىنىپ، ءوز اتىنداعى ءۇيدى الىپ بەرۋىن تالاپ ەتەدى.

  حالىق سوتى مەكەمەسى دەلونى قابىلداعان سوڭ، «دەلوداعى تالاس تۋدىرعان ءۇي ەرەكشە مۇقتاجدىق، ەرەكشە تىزىمدەلۋ، ەرەكشە كوڭىل ءبولۋ، ەرەكشە ۇلەستىرۋ ءتاسىلى بويىنشا سالىنعان ءۇي، استە ەركىن ساۋدالايتىن، ءوز مەيلىنشە ۇسىنا سالاتىن تاۋار ءۇي ەمەس، ول ساياسات ارقىلى تياناقتاندىرىلعان ءۇي. وسى ۇيلەردى ءبولۋ ۇقىعى اۋداندىق حالىق ۇكىمەتىنىڭ جۇمىسشى - قىزمەتشىلەردىڭ جەر سىلكىنىسىنە ءتوزىمدى ءۇي قۇرىلىسىنا قولباسشىلىق ەتۋ شتابىندا بولادى» دەپ قاراپ، مايرانىڭ بەرگەن ارىزىن تويتارادى.

  ۇكىم شىعارىلعاننان كەيىن، مايرا ۇكىمگە مويىنسال بولماي، ايماقتىق ورتا حالىق سوتى مەكەمەسىنە نارازىلىق ارىز بەرەدى. ورتا حالىق سوتى مەكەمەسى بىلتىر 21 - شىلدەدە دەلوعا سوت اشىپ، «تالاس - تارتىس تۋدىرعان ءۇي مايرانىڭ اتىندا تىزىمگە الىنعان بولسا دا ەركىن ءۇيدىڭ تولەۋگە ءتيىستى بارلىق اقشاسىن تولەگەن ءارى اقشا تولەگەندىگى جونىندەگى تالونداردى سوتقا دالەل - سىپات رەتىندە تاپسىرعان. ءۇيدى ساتىپ بەرۋ - ساتىپ الۋ توقتامى، ءۇي ساتىپ بەرۋدى تۇراقتاندىرۋ كەستەسى، ۇيگە بەرىلگەن قوسىمشا قاراجاتتى تاپسىرىپ الۋ كەستەسى سياقتىلارعا ەركىن مايرا اتىندا قول قويعان، مايرا سوتتا وسى سىپاتتاردى مويىنداعان، الايدا مايرا تالاس - تارتىستاعى ءۇيدى ەركىننەن قارىز الىپ ساتىپ العاندىعى جونىندە پالەندەي دالەل - سىپات كورسەتىپ بەرە المادى. تالاس - تارتىستاعى ءۇيدى ءبولۋ ۇقىعى اۋداندىق حالىق ۇكىمەتىنىڭ قولىندا، سوندىقتان بۇرىنعى سوتتىڭ داۋگەردىڭ بەرگەن ارىزىن تويتارىپ ۇكىم شىعارۋى ورىندى بولعان» دەپ قاراپ، مايرانىڭ بەرگەن نارازىلىق ارىزىن تويتاردى ءارى بۇرىنعى سوت ۇكىمىن كۇشكە يە ەتىپ ۇكىم شىعاردى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.