- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ياڭ گاڭ ءبىرىنشى سوتتا 12 جىلدىق مەرزىمدى قاماق جازاسىنا ۇكىم ەتىلدى
2016.01.21 13:40 كەلۋ قاينارى : حالىق تورابى
حالىق تورابى، 21 – قاڭتار، بەيجيڭ. بەيجيڭ قالالىق 3 – ورتا دارەجەلى حالىق سوتى 20 – قاڭتار كۇنى مەملەكەتتىك ساياسي كەڭەس ەكونوميكا كوميسسياسى مەڭگەرۋشىسىنىڭ بۇرىنعى ورىنباسارى ياڭ گاڭنىڭ پارا الۋ دەلوسىنا سوت ۇكىمىن اشىق جاريالادى، ايىپكەر ياڭ گاڭ پارا الۋ قىلمىسىن وتكىزدى دەپ قاراپ، ونى 12 جىلدىق مەرزىمدى قاماق جازاسىنا ۇكىم ەتتى ءارى جەكەلىك مال – مۇلكىنەن حالىق اقشاسى بويىنشا ميللليون يۋاندى ءمۇسادىرالادى.
ۇعىسۋعا قاراعاندا، ايىپكەر ياڭ گاڭ 1988 – جىلى ساۋىردەن 2012 – جىلدىڭ سوڭعى جارتىسىنا دەيىن شينجياڭ ۇيعۇر اۆتونوميالى رايوندىق كادرلەر قىزمەتى مەڭگەرمەسى پارتگرۋپپاسىنىڭ شۋجيى، مەڭگەرمە باستىعىنىڭ ورىنباسارى، ءۇرىمجى قالالىق پارتكومنىڭ شۋجيى، شينجياڭ ۇيعۇر اۆتونوميالى رايوندىق پارتكوم شۋجيىنىڭ ورىنباسارى، ۇكىمەت ءتوراعاسىنىڭ ورىنباسارى، مەملەكەتتىك ساپانى باقىلاۋ – تەكسەرۋ – كارەنتيندەۋ باس مەكەمەسى پارتگرۋپپاسى شۋجيىنىڭ ورىنباسارى، مەكەمە باستىعىنىڭ ورىنباسارى قاتارلى مىندەتتەردى وتەۋ بارىسىندا قىزمەت قولايلىلىعىنان پايدالانىپ، باسقالارعا ونىمدەرىن شەتەلگە ساتۋ، وبيەكتىلەردى يگەرۋ ۇقىعىنا قول جەتكىزۋ، قىزمەتىن اۋىستىرۋ، دارەجەسىن ءوسىرۋ قاتارلى جاقتاردا كومەكتەسكەن. 2008 – جىلى اقپاننان 2013 – جىلى تامىزعا دەيىن ياڭ گاڭ ءوزى تىكەلەي نەمەسە ايەلى جيا يىڭ مەن ۇلى ياڭ وۋجيا ارقىلى زاڭسىز تۇردە باسقالار بەرگەن 12 ميلليون 164 مىڭ 700 يۋان حالىق اقشاسىن، 11 مىڭ ا ق ش دوللارىن، سونداي – اق قۇنى ءبىر ميلليون 557 مىڭ 179 يۋان 60 تيىن كەلەتىن مال – مۇلكىن العان، جيىنى 13 ميلليون 792 مىڭ 765 يۋان بولعان.
بەيجيڭ قالالىق 3 – ورتا دارەجەلى حالىق سوتى ايىپكەر ياڭ گاڭنىڭ ارەكەتى پارا الۋ قىلمىسىن قالىپتاستىرعان دەپ قارادى. دەلو اشىلعاننان كەيىن ياڭ گاڭ دەلو انىقتاۋ تاراۋلارى ءالى انىقتاي قويماعان قىلمىسىنا قاتىستى شىندىقتاردى وزدىگىنەن تاپسىرىپ، شىنىن ايتقان؛ قيانات جاساعان اقشا مەن مال – مۇلىكتەردى ىرىقتىلىقپەن تاپسىرىپ، قىلمىسىن مويىنداپ، قىلمىس وتكىزگەنىنە وكىنەتىنىن بىلدىرگەندىكتەن، وعان بەرىلەتىن جازانى جەڭىلدەتۋگە بولادى. سوندىقتان، زاڭ بويىنشا جوعارىداعىداي ۇكىم شىعارىلعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
