بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

جالعان كۋالىك جاساپ، جازاعا تارتىلدى

مۇراتقان مۇقان ۇلى

2016.03.10 15:03    

  زاماننىڭ دامۋىنا بايلانىستى قازىرگى كەزدە كوپ ساندى وتباسى اۆتوكولىك ساتىپ الدى. اۆتوكولىك جۇرگىزۋ كۋالىگىن الۋ قاتاڭ جاتتىعۋدان جانە نەشە رەتكى ەمتيحاننان ولشەمگە جەتۋدى قاجەت ەتەدى. كەيبىر ادامدار ۋاقىت بايلانىسىمەن شوفەرلىك جاتتىعۋعا ۋاقىتىندا قاتىناسا الماۋ جانە جاتتىعۋ تەحنيكاسىنىڭ ايتارلىقتاي بولماۋى سياقتى جايتتەر سەبەبىنەن نەشە رەت ەمتيحان بەرسە دە تولىمدىلىق كۋالىگىن الا الماي، اراداعى دەلدالداردىڭ شىرعاسىنا ءتۇسىپ الدانادى، تومەندەگى دەلو مىسالى دا سونىڭ ءبىرى.

  شونجى اۋدانى شيبەي - ۋان اۋىلى بەلگىلى قىستاعىنىڭ تۇرعىنى اينۇر تۋىسشىلاپ تۇرپان قالاسىنا بارىپ ءجۇرىپ، سول اراداعى زۇلپيامەن تانىسىپ قالادى، اينۇر ءوزىنىڭ نەشە رەت شوفەرلىك ەمتيحانىن بەرسە دە ەمتيحاننان وتە الماي جۇرگەنىن ءزۇلپياعا قۇلاق قاعىس ەتەدى، مۇنى ەستىگەن ءزۇلپيا «مەنىڭ ءۇرىمجى قالاسىندا تۇراتىن كوكەم بارلىق ايماق، وبلىس، اۋدانداردىڭ شوفەرلىك مەكتەپتەرىن باسقارادى، مەن مۇنان بۇرىن دا كوپتەگەن ادامعا ەمتيحانعا قاتىناستىرماي - اق شوفەرلىك كۋالىگىن الىپ بەرگەنمىن» دەپ بوسەدى، دوسىنىڭ سوزىنە سەنگەن اينۇر مۇنى اقشا تابۋدىڭ تاپتىرماس ورايى دەپ ءبىلىپ، ءزۇلپياعا جەڭىل اۆتوكولىك جۇرگىزۋگە بولاتىن C كۋالىكتى قانشا اقشامەن الۋعا بولاتىنىن سۇرايدى، ءزۇلپيا وعان 5000يۋانعا ءبىتىرىپ بەرەتىنىن ايتادى. سونىمەن ولار كەڭەسۋ ارقىلى شونجى اۋدانىنان كوپتەپ ادام قابىلداۋ ارقىلى ءاربىر ادامنان كۋالىك ءۇشىن العان 5000يۋاندى ءزۇلپياعا بەرەتىن، ال وعان قانشا اقشا قوسىپ، قانشا پايدا كورۋ اينۇردىڭ ءوز بىلگەنى بويىنشا بولاتىنى تۋرالى اۋىزشا كەلىسەدى.

  اينۇر شونجى اۋدانىنا قايتىپ كەلگەننەن كەيىن، جەكەلەر اشقان توراپ بەتتەرىنە، ءوزىنىڭ كوكەك كەڭىستىگىنە ەمتيحانعا قاتىناسپاي شوفەرلىك كۋالىك ءبىتىرىپ بەرەتىندىگى تۋرالى جارناما جاريالايدى. جارناما جاريالانعاننان كەيىن، وڭتۇستىك شينجياڭنىڭ ايماق، وبلىستارىنان، سانجى حۇيزۋ اۆتونوميالى وبلىسىنىڭ اۋدان، قالالارىنان كوپتەگەن ادامنان تەلەفون كەلەدى، اينۇر ولارعا C كۋالىكتى 7000يۋانعا ءبىتىرىپ بەرەتىنىن ايتىپ، الدىنان اقشا الا باستاسا، ولاردىڭ ازاماتتىق كۋالىگىنىڭ كوبەيتىلگەن نۇسقاسى مەن شوفەرلىك كۋالىككە پايدالاناتىن سۋرەتتەرىن قوسا الادى. جارىم جىل وتسە دە 20 ادامنىڭ بىردە بىرەۋىنىڭ كۋالىگىنىڭ قازىرگە دەيىن بىتپەگەنىنەن الاڭداعان اينۇر تۇرپانعا ءزۇلپيانى ىزدەپ كەلەدى. زۇلپيا ۇرىمجىدەگى اعاسىنىڭ ورتالىققا ۇيرەنۋگە كەتكەنىن، تەز ارادا قايتىپ كەلەتىنىن ايتىپ، اينۇردى جولعا سالادى. اينۇر ءزۇلپيانىڭ بارا - بارا تەلەفوندى الۋدان دا قاشقالاقتاعانىن بايقاپ، 2 - رەت قايتا ىزدەپ بارعاندا، ءزۇلپيا اينۇرعا شىنىن ايتىپ، ءوزىنىڭ ونداي تۋىسى جوقتىعىن، ۇرىمجىدە جالعان كۋالىك جاساتىپ بەرىپ، اقشانى تەڭ ءبولىسۋدى ايتادى. سونىمەن ولار ءۇرىمجى قالاسىنداعى بەلگىلى ءبىر ورىننان جالعان كۋالىك، جالعان تالون، جالعان تاڭبا جاساتىپ، 20 ادامعا جالعان شوفەرلىك كۋالىك جاساتىپ بەرىپ، 100مىڭ يۋان اقشانى تەڭ ءبولىسىپ الادى. اينۇر شونجىعا قايتىپ كەلگەننەن كەيىن، مۇنى اقشا تابۋدىڭ وڭاي جولى دەپ ءبىلىپ، C كۋالىك، B كۋالىك، A كۋالىك ءبىتىرىپ بەرەتىندىگى تۋرالى جالعان جارنامانى كوپتەپ تاراتقاندىقتان، جەر - جەردەن الدانعان ادام سانى 69 ادامعا، زاڭسىز تاپقان پايداسى 900 مىڭ يۋانعا جەتەدى.

  «ارامزانىڭ قۇيرىعى ءبىر تۇتام» دەمەكشى، بىلتىر اينۇر شونجى اۋداندىق قوعام حاۋىپسىزدىگى مەكەمەسى جاعىنان الدامشىلىق قىلمىس كۇمانىمەن قولدا ۇستاي تۇرىلعاننان كەيىن، ءوزىنىڭ سەرىكتەسى ءزۇلپيانى دا اشكەرەلەيدى. جاقىندا شونجى اۋداندىق حالىق سوتى مەكەمەسى الدامشىلىق قىلمىسى ءۇشىن، اينۇرعا 9 جىلدىق مەرزىمدى قاماۋ جازاسىن بەرىپ، 150 مىڭ يۋان ايىپ سالۋعا؛ ءزۇلپياعا 7 جىلدىق مەرزىمدى قاماۋ جازاسىن بەرىپ، 100مىڭ يۋان ايىپ سالۋعا ۇكىم ەتتى.

  (دەلوداعى ادام اتتارى وزگەرتىلىپ الىندى)

  كەلۋ قاينارى:شينجياڭ كۇنلۇن تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.