- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جالعان كۋالىك جاساپ جازاعا تارتىلدى
مۇراتقان مۇقان ۇلى
2016.05.13 15:47
زاماننىڭ دامۋىنا ىلەسە قازىرگى كەزدە كوپ ساندى وتباسىندا اۆتوكولىك بولىپ، اۆتوكولىك جۇرگىزۋ كۋالىگى ءاربىر ادامدا كەم بولسا بولمايتىن ماڭىزدى كۋالىكتەردىڭ ءبىرى بولىپ قالدى، اۆتوكولىك جۇرگىزۋ كۋالىگىن ءبىتىرۋ ءۇشىن قاتاڭ جاتتىعۋدان نەشە رەتكى سىناق ەمتيحانىنان ولشەمگە جەتۋدى قاجەت ەتەتىندىكتەن، كەيبىر ادامدار ۋاقىت بايلانىسىمەن جاتتىعۋعا ۋاعىندا قاتىناسا الماۋ جانە جاتتىعۋ تەحنيكاسىنىڭ ايتارلىقتاي بولماۋى سىندى جايتتەردەن نەشە رەت سىناۋ بەرسە دە تولىمدىلىق كۋالىك الا الماعاندىقتان، اراداعى دەلدالداردىڭ الدام قالتاسىنا ءتۇسىپ الدانىپ جاتسا، بۇل زاڭسىز دەلدالدار اقشا تابۋدىڭ وڭاي جولىن تاپتىم دەپ، زاڭسىز پايدا ءتۇسىرىپ، شوفەرلىك كۋالىكتى اقشامەن ساتىپ الۋعا بولادى، ەمتيحان بەرەتىن جەردە تانىس - ءبىلىسىم بار دەپ زاڭنان حابارسىز مومىن حالىقتى الداپ، زاڭسىز پايداعا كەنەلىپ، زاڭنىڭ جازاسىنا تارتىلىپ جاتقان دەلو مىسالدارىن راديو - تەلەۆيزور، گازەت - جۋرنال سىندى اقپارات قۇرالدارىنان ۇنەمى ەستىپ ءبىلىپ ءجۇرمىز، تومەندەگى دەلو مىسالى دا سونىڭ ءبىرى.
شونجى اۋدانى شيبيۋان اۋىلى ءمالىم قىستاعىنىڭ تۇرعىنى اينۇر تۋىسشىلاپ تۇرپان قالاسىنا بارىپ، سول اراداعى زۇلپيا مەن تانىسىپ قالادى، اينۇر ءوزىنىڭ نەشە رەت شوفەرلىك ەمتيحان بەرسەدە ەمتيحاننان وتە الماي جۇرگەنىن زۇلپياعا قۇلاققاعىس ەتەدى، بۇنى ەستىگەن زۇلپيا مەنىڭ ءۇرىمجى قالاسىندا تۇراتىن كىشى اكەم ءارقايسى ايماق، وبلىس، اۋدانداردىڭ شوفەرلىق مەكتەپتەرىن باسقارادى، مەن بۇدان بۇرىن دا كوپتەگەن ادامعا ەمتيحانعا قاتىناستىرماي - اق شوفەرلىك كۋالىك الىپ بەرگەنمىن دەپ بوسەدى. ءسوزدىڭ مايىن تامىزا ايتقان دوسىنىڭ سوزىنە ايرانداي ۇيىعان اينۇر بۇل اقشا تابۋدىڭ وڭتايلى ورايى دەپ ءبىلىپ، زۇلپياعا جەڭىل تيپتى ماشينا ايداۋعا بولاتىن C تيپتى شوفەرلىك كۋالىكتى قانشا اقشامەن الۋعا بولاتىنىن سۇرايدى، زۇلپيا وعان 5 مىڭ يۋانمەن ءبىتىرىپ بەرەتىندىگىن ايتادى، سونىمەن ولار ءوزارا كەڭەسۋ ارقىلى شونجى اۋداننان كوپتەپ حاريدار قابىلداۋ ارقىلى ءاربىر كۋالىك ءۇشىن زۇلپياعا 5 مىڭ يۋان بەرەتىن بولىپ، ونىڭ ۇستىنە قانشا اقشا قوسىپ قانشا پايدا كورۋ اينۇردىڭ ءوز پايداسىنا قالاتىندىعى تۋرالى اۋىزشا كەلسىم جاساسىپ قايتادى. اينۇر شونجى اۋدانىنا قايتىپ كەلگەننەن كەيىن جەكەلەر اشقان توراپ بەتتەرىنە، ءوزىنىڭ كوكەك بوستىعىنا ەمتيحانعا قاتىناسپاي شوفەرلىك كۋالىك ءبىتىرىپ بەرەتىندىگى تۋرالى جارناما بەرەدى، جارنامانى كورگەننەن كەيىن وڭتۇستىك شينجياڭنىڭ ءارقايسى ايماق، وبلىستارىنان، سانجى وبلىسىنىڭ ءارقايسى اۋدان - قالالارىنان كوپتەگەن ادامداردىڭ تەلەفونىن قابىلدايدى، ولارعا C تيپتى شوفەرلىك كۋالىكتى 7 مىڭ يۋانعا ءبىتىرىپ بەرەتىندىگىن ايتىپ، الدىنان باستاپ اقشا الا باستايدى.بۇل اقشالاردىڭ ءاربىر كۋالىك ءۇشىن 5 مىڭ يۋاننان زۇلپيانىڭ بانكە كارتوچكاسىنا سالسا، ولاردىڭ ازاماتتىق كۋالىگىنىڭ كوبەيتىلگەن نۇسقاسىمەن قوسا شوفەرلىك كۋالىككە ىستەتىلەتىن سۋرەتتەرىن قوسا تاپسىرىپ وتىرادى، جارىم جىل بولسا دا ءوزىنىڭ بەرگە 20 ادامنىڭ بىردە بىرەۋىنىڭ قازىرگە دەيىن كۋالىك الا الماعانىنان الاڭداپ، اينۇر تۇرپانعا زۇلپيانى ىزدەپ كەلەدى، زۇلپيا ۇرىمجىدەگى اعاسىنىڭ ورتالىققا ۇيرەنۋگە كەتكەندىگىن، تەز ارادا قايتىپ كەلەتىندىگىن ايتىپ جولعا سالادى، بارا - بارا زۇلپيا اينۇردىڭ تەلەفونىن الۋدان قاشقالاقتاعانىن بايقاپ، ەكىنشى رەت قايتا ىزدەپ كەلگەندە زۇلپيا اينۇرعا شىنىن ايتىپ، ءوزىنىڭ ونداي تۋىسى جوقتىعىن، بۇلارعا ۇرىمجىدەن جالعان كۋالىك جاستاتىپ بەرىپ، اقشانى ەكەۋى تەڭ ءبولىسىپ الاتىندىعى تۋرالى كەلىسەدى، سونىمەن بۇلار ءۇرىمجى قالاسىنداعى بەلگىلى ءبىر ورىننان جالعان كۋالىك، جالعان تالون، جالعان تاڭبا جاساتىپ 20 ادامعا جالعان شوفەرلىك كۋالىك جاساتىپ بەرىپ زۇلپياعا تاپسىرعان 100 مىڭ يۋان اقشانى ەكەۋى تەڭ ءبولىسىپ الادى، اينۇر شونجىعا قايتىپ كەلگەننەن كەيىن بۇل مۇنى اقشا تابۋدىڭ وڭاي جولى دەپ ءبىلىپ، C تيپتى شوفەرلىك كۋالىك، B تيپتى شوفەرلىك كۋالىك، A تيپتى شوفەرلىك كۋالىكتى دە جاسايتىندىعى تۋرالى جالعان جارنامانى كوپتەپ تاراتقاندىقتان جەر - جەردەن الدانعان ادام سانى 69 ادامعا، زاڭسىز تاپقان پايداسى 900 مىڭ يۋانعا جەتەدى. «الدامشىنىڭ قۇيرىعى ءبىر تۇتام» دەمەكشى وتكەن جىلى اينۇر شونجى اۋداندىق قوعام حاۋىپسىزدىگى مەكەمەسى جاعىنان الدامشىلىق قىلمىس كۇمانىمەن قولعا تۇسكەننەن كەيىن ءوزىنىڭ سەرىكتەسى زۇلپيانى دا اشكەرەلەيدى. جاقىندا شونجى اۋداندىق حالىق سوت مەكەمەسى الدامشىلىق قىلمىسى ءۇشىن اينۇرعا 9 جىلدىق مەرزىمدى قاماق جازاسىن بەرىپ، 150 مىڭ يۋان ايىپ اقشا تاپسىرۋعا، زۇلپياعا 7 جىلدىق مەرزىمدى قاماق جازاسىن بەرىپ، 100 مىڭ يۋان ايىپ اقشا تاپسىرۋعا ۇكىم ەتتى، ۇكىم قاعازىن تاپسىرىپ العان ولار وزدەرىنىڭ وسىنداي قىلمىستىق ارەكەت وتكىزگەنىنە قاتتى وكىنەتىندىكتەرىن 20 نەشە جاستاعى جاستىق ومىرلەرى تار ەسىك، تاس بوساعادا تاڭىلاتىندىقتارىن ويلاپ كوز جاستارىن كولدەتىپ قالا بەردى.
(دەلوداعى ادام اتتارى وزگەرتىلدى)
كەلۋ قاينارى: شينجياڭ زاڭ جانە تۇرمىس گازەتى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
