- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«قالىڭدىعىن» بوپسالاپ قالتاسىن قامپيتقان جىگىت
ەكپىن بايداۋلەت ۇلى، ۋالي قوشان ۇلى
2016.05.25 10:57 كەلۋ قاينارى : شينجياڭ گازەتى
− ونىڭ ماعان ايتقان بالداي ءتاتتى سوزدەرىنىڭ مۇلدە وتىرىك ەكەنىن، نەكەلەنەم دەپ مەنى الداپ جۇرگەنىن اقىرى ۇقتىم، ونىڭ بۇلايشا مەنى بىرنەشە رەت بوپسالاپ، سەس كورسەتىپ، نەشە مىڭ يۋان اقشامدى الداپ - ارباپ الارىن ويلاماپپىن، ونى «اقبوزاتتى جىگىتىم» دەپ سيلاپ، سونشاما سەنگەنىمدى قايتەيىن، - دەدى جۇزىنەن وكىنىش راي بىلىنگەن باھار (بۇركەنشىك اتى) قوعام حاۋىپسىزدىگى مەكەمەسىنە دەلو مالىمدەۋگە كەلگەندە.
ءوزى التايدىڭ بەلگىلى اۋدانىنىڭ تۇرعىنى بولعانىمەن، ءمالىم سەبەپتەرمەن قورعاس اۋدانى قالاشىعىندا ۋاقىتشا تۇرىپ جاتقان كامىلدىڭ (بۇركەنشىك اتى) تۇراقتى كاسىبى بولماعاندىقتان، قارا جۇمىس ىستەپ تۇرمىس كەشىرەتىن. قولى بوس بولعان كەزدەرى توراپحانالارعا بارىپ، كوكەك توبىندا باسقالارمەن اڭگىمە دۇكەنىن قۇرىپ، ەلەكتروندىق ويىن ويناپ كوڭىل كوتەرەتىن. ءبىر كۇنى كامىل كوكەك ارقىلى ءوزى تۇرعان قالاشىقتىڭ تۇرعىنى باھارمەن كەزدەيسوق تانىسىپ قالادى. ولار ءبىر قالاشىقتىڭ تۇرعىنى بولعاندىقتان، تەز شۇيىركەلەسىپ كەتەدى ءارى سول كۇنى - اق كەزدەسۋگە دە ۋاعدالاسادى. اۋدان قالاشىعىندا بىرنەشە رەت كەزدەسىپ، رەستوران، مەيرامحانالارعا بارىپ كوڭىل كوتەرىپ جۇرگەن ەكەۋى تانىسقاندارىنا ۇزاق بولماسا دا ءسوز بايلاسادى. كامىلدىڭ بالداي ءتاتتى سوزدەرى باھاردى باۋراي تۇسەدى، اق كوڭىل باھار ونىڭ سوزىنە سەنىپ، ماحابباتتىڭ ءلاززاتىنا شومادى. قاعاعان قىستىڭ ءبىر كۇنى ءتۇن ورتاسىندا كامىل باھارعا توسىن تەلەفون شالىپ، «مەن اۆتوكولىكپەن بىرەۋدى ابايسىزدا قاعىپ كەتىپ زاقىمداپ الدىم، قازىر شۇعىل شيپاحاناعا جەتكىزۋىم كەرەك بولىپ تۇر، مەنىڭ بانكە كارتچكاما دەرەۋ 10 مىڭ يۋان اقشا سالىپ جىبەر» دەيدى. باھار «شيپاحاناعا بىرگە بارىپ، ناقتى جاعدايدى كورگەن سوڭ بەرەيىن» دەسە، كامىل كونبەيدى، ول «دەرەۋ بانكە كارتچكاما سال، بولماسا كورەتىنىڭدى كورەسىڭ» دەپ سەس كورسەتەدى. ونىڭ مۇنداي اۋىر ءسوز ايتقانىنا كوڭىلى سۋىنعان باھار «اقشا بەرمەيمىن» دەپ كەسەتەدى. كامىل قايتا - قايتا تەلەفون شالىپ، باھاردى ياناتتايدى ءارى «ەگەر ماعان اقشا بەرمەسەڭ، ەكەۋىمىزدىڭ بارلىق بايلانىسىمىزدى، اۋەلى، قوناق ۇيلەردە بىرگە تۇنەگەنىمىزدى اكە - شەشەڭە ايتىپ، ابىرويىڭدى ايرانداي توگەمىن» دەپ ايعايلايدى. «اكە - شەشەمنىڭ الدىندا بەت - بەدەلىم تۇسپەسىن، اكە - شەشەمدى رەنجىتىپ المايىن» دەپ ويلاعان باھار امالسىزدان ونىڭ بانكە كارتچكاسىنا 3000 يۋان سالادى. وسىدان سوڭ كامىل مەن باھاردىڭ باقىتتى كۇندەرى كەلمەسكە كەتەدى. كامىل باھارعا بىرنەشە رەت تەلەفون شالىپ، بۇرىنعى قارىم - قاتىناستارىن كولدەنەڭ تارتىپ، بىرنەشە مىڭ يۋاندى بانكە كارتچكاسىنا سالدىرىپ الادى. شاعىن دۇكەن اشىپ، قوڭىر قالتا تۇرمىس كەشىرىپ جۇرگەن باھارعا كامىل قايتا - قايتا تەلەفون شالىپ، اقشا سۇراپ مازالاي بەردى. ونىڭ بۇل قىلىعىنا توزە الماعان باھار اقىرى قورعاس اۋداندىق قوعام حاۋىپسىزدىگى مەكەمەسى قىلمىستىق ىستەر اترەتىنە بارىپ جاعدايدى مالىمدەيدى.
اۋداندىق قوعام حاۋىپسىزدىگى مەكەمەسى كامىلدى قولدا ۇستاي تۇرىپ، سۇراققا العاندا، ونىڭ قاتىناس شىرعالاڭىن تۋدىرىپ، ادام زاقىمداعانىنىڭ جالعان ەكەنىن، ول وسىنى سىلتاۋىراتىپ باھاردىڭ اقشاسىن الداپ الماقشى بولعانىن، الايدا ول اقشانى دەرەۋ بەرمەگەندىكتەن، قورقىتۋ ارقىلى العانىن، كەيىن بوپسالاپ، قورقىتىپ، سەس كورسەتىپ ءجۇرىپ بىرنەشە رەت نەشە مىڭ يۋان اقشا العانىن تولىق مويىندايدى.
قوعام حاۋىپسىزدىگى مەكەمەسى ونىڭ بۇل ارەكەتىن بوپسالاپ، سەس كورسەتىپ، باسقالاردىڭ دۇنيە - مۇلكىن زاڭسىز يەلەپ الۋ قىلمىسىن قالىپتاستىرعان دەپ تۇراقتاندىرىپ، قورعاس اۋداندىق حالىق پروكۋراتۋرا مەكەمەسىنىڭ ايىپتاۋىنا جولدايدى. حالىق پروكۋراتۋرا مەكەمەسى دەلونى مۇقيات قاراپ، كامىلدىڭ ارەكەتىن «جاۋاپكەر كامىل باسقالاردىڭ مال - مۇلكىن زاڭسىز يەلەپ الۋ ماقساتىمەن بوپسالاۋ، قورقىتۋ، سەس كورسەتۋ تاسىلدەرى ارقىلى زيانعا ۇشىراۋشىنىڭ 6000 يۋاننان استام اقشاسىن العان. ونىڭ بۇل ارەكەتى <جۇڭحۋا حالىق رەسپۋبليكاسىنىڭ قىلمىستىق ىستەر زاڭىنىڭ> 274 - تارماعىنا قايشى، دەلونىڭ فاكتى انىق، دالەل - سىپاتى تولىق ءارى شىن. قىلمىستىق ىستەر بويىنشا زاڭدىق جاۋاپكەرشىلىگى قۋزاستىرىلۋى كەرەك» دەپ ايىپتادى ءارى حالىق سوتى مەكەمەسىنىڭ سوتى اشىپ، جازا بەرۋىنە جولدادى.
قورعاس اۋداندىق حالىق سوتى مەكەمەسى دەلوعا سوت اشىپ، بوپسالاۋ، قورقىتۋ، سەس كورسەتۋ سياقتى قىلمىستى ارەكەت ارقىلى «قالىڭدىعىنىڭ» مال - مۇلكىن زاڭسىز يەلەپ العان كامىلدى 8 ايلىق مەرزىمدى قاماۋ جازاسىنا ۇكىم ەتتى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
