- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءبىرقىدىرۋ زاڭ، بەلگىلەمە ماۋسىم ايىنان باستاپ كۇشكە يە بولادى
شەكارادان وتكەندەگى جۇك ولشەمنەن اسسا، كەدەن جاعىنان ۇستاپ قالىنادى
2016.05.30 16:14 كەلۋ قاينارى : حالىق تورابى
«حالىق گازەتى»، 30 – مامىر، بەيجيڭ. ماۋسىم ايىنان باستاپ ءبىرقىدىرۋ زاڭ، بەلگىلەمە كۇشكە يە بولادى، بۇلاردىڭ ىشىندە وتكەن جىلدىڭ سوڭىندا وزگەرىس ەنگىزىلگەن جاڭا وقۋ – اعارتۋ زاڭى، جوعارى وقۋ - اعارتۋ زاڭى، كەدەننىڭ شەكارا اتتاعان ەلەكتروندى ساۋداعا جانە جەكەلەردىڭ ۋاكىلدىك ساتىپ الۋىنا قاراتا شىعارعان جاڭا بەلگىلەمەسى، تاياۋدا عانا وزگەرىس ەنگىزىلگەن اكتسيامەن قارجىلاندىرۋشىلاردى قورعاۋ قورىن باسقارۋ ءادىسى سياقتىلار بار. بۇدان تىس جەر – جەر ورتانى قورعاۋ، حالىق تۇرمىسى، ت. ب. سالالارعا ساياتىن جاڭا بەلگىلەمەلەردى دە جاسادى.
جاڭا وقۋ – اعارتۋ زاڭى، جوعارى وقۋ - اعارتۋ زاڭى: ەمتيحاندا قارالىق ىستەۋگە سوققى بەرۋ سەرپىنى كۇشەيتىلەدى
1995 – جىلى جاريالانعان وقۋ – اعارتۋ زاڭى مەن 1998 – جىلى جاريالانعان جوعارى وقۋ - اعارتۋ زاڭىنا 2015 – جىلى 27 – جەلتوقساندا مەملەكەتتىك حالىق قۇرىلتايى تۇراقتى كوميتەتىنىڭ 18 - ماجىلىسىندە وزگەرىس ەنگىزىلدى، وزگەرىس ەنگىزىلگەن بۇل ەكى زاڭ 2016 – جىلى 1 – ماۋسىمنان باستاپ اتقارىلادى.
بۇل رەت وزگەرىس ەنگىزىلگەن زاڭدا مەملەكەتتىك ەمتيحاندا قارالىق ىستەۋ ارەكەتىنە سوققى بەرۋ سەرپىنى كورنەكتى كۇشەيتىلىپ، مەملەكەتتىك وقۋ – اعارتۋ ەمتيحانىندا كوشىرۋ، كوشىرمە الىپ كىرۋ، ورنىنا ادام كىرگىزۋ سياقتى قارالىق ىستەۋ ارەكەتتەرىندە ەمتيحان تولىمدىلىعى نەمەسە ناتيجەسى كۇشىنەن قالدىرىلۋدان تىس، ماسەلەسى اۋىر بولعانداردىڭ ءبىر جىلدان 3 جىلعا دەيىن ەمتيحان بەرۋى شەكتەلەتىنى، ءتىپتى اماندىق باسقارۋ تاراۋلارى جاعىنان جازا بەرىلىپ، قىلمىستىق جاۋاپكەرلىگى قۋزالاتىنى بەلگىلەندى.
ال مەكتەپتەردىڭ بەلگىلەمەگە قايشىلىق جاساپ وقۋشى قابىلداۋ ارەكەتىنە قاراتا جاڭا زاڭدا جازالاۋ سەرپىنى كۇشەيتىلدى، قابىلدانعان وقۋشىنى قايتارتۋ، الىنعان اقىنىڭ بارلىعىن قايتارۋ بۇيىرىلۋدان تىس، قاتىستى وقۋ – اعارتۋ قۇرىلىمىنا زاڭسىز تابىسىنىڭ 5 ەسەسىنەن تومەن ايىپ سالىنادى؛ ماسەلەسى اۋىر بولسا، قاتىستى وقۋشى قابىلداۋ تولىمدىلىعى ءبىر جىلدان 3 جىلعا دەيىن شەكتەلەدى، وقۋشى قابىلداۋ تولىمدىلىعى، وقىتۋمەن شۇعىلدانۋىنا رۇقسات بەرۋ كۋالىگى كۇشىنەن قالدىرىلادى؛ ءتىپتى قىلمىستىق جاۋاپكەرلىك تىكەلەي قۋزالادى.
جەكەلەر جۇك كوتەرىپ شەكارادان وتكەندە، ولشەمنەن ارتىپ بولەگى ۇستاپ قالىنادى
كەدەن باس مەكەمەسى توراپ بەكەتى بيىل جاريالاعان 2016 – جىلعى 14 – ءنومىرلى جالپىلىق حابارلاندىرۋدا بىلاي دەلىنگەن: بۇدان كەيىن جۇڭگولىق جولاۋشىلار شەكارا سىرتىنان جەكە پايدالانۋعا العان زاتىنىڭ مولشەرى ۇيلەسىمدى كولەمنەن اسىپ كەتسە، كەدەن ونى وتكىزۋگە جول بەرمەيدى ءارى زاتتى ۋاقىتتىق ساقتاپ تۇرادى. بۇل مىناداي 5 ءتۇرلى جاعدايدى قامتيدى: ءبىرىنشى، جولاۋشى سول مايداندا شەكارادان ەنگىزىلگەن زاتقا باجى تاپسىرماسا؛ ەكىنشى، شەكارادان وتكىزەتىن بۇيىمدارى رۇقسات كۋالىگىن باسقارۋ كولەمىنە جاتقانىمەن، ءبىراق جولاۋشى ناق مايداندا تاپسىرا المايتىن بولسا؛ ءۇشىنشى، شەكارادان وتكىزگەن زاتى ءوزى پايدالاناتىن لايىقتى مولشەردەن اسىپ كەتسە، بەلگىلەمە بويىنشا زاتتى كەدەنگە مالىمدەۋ رەسمياتىن نەمەسە باسقا دا كەدەندىك رەسمياتتى وتەۋى كەرەك، ءبىراق وسى رەسمياتتار وتەلمەسە؛ ءتورتىنشى، شەكارادان وتكىزەتىن زاتتىڭ قاسيەتىندە، مازمۇنىندا كۇدىكتى جاعداي بايقالىپ، قاتىستى باسقارۋشى تاراۋ ساراپتاپ، تەكسەرۋگە تۋرا كەلسە؛ بەسىنشى، بەلگىلەمە بويىنشا قازىرشە وتكىزۋگە بولمايتىن باسقا دا جۇكتەر.
بۇل بەلگىلەمە 24 – ناۋرىزدا قازىنا مينيسترلىگى، كەدەن باس مەكەمەسى، مەملەكەتتىك باجى باس مەكەمەسى بىرگە جاريالاعان «شەكارا اتتاعان ەلەكتروندىق ساۋدا بولشەك ساتۋ يمپورت باجى كىرىسى ساياساتىن رەتكە سالۋ جونىندەگى ۇقتىرۋمەن» قاتار اتقارىلادى. بۇل ۇقتىرۋدا بىلاي دەلىنگەن: 2016 – جىلى 8 – ساۋىردەن باستاپ جۇڭگو شەكارا اتتاعان ەلەكتروندىق ساۋدا بولشەك ساتۋ يمپورت باجى كىرىسى ساياساتىن اتقارادى ءارى سول قاتاردا جۇك، پوچتا جولدامالارى باجى ساياساتىن رەتتەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
