- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تۇڭعىش رەت پەشەتتەلگەن، ۇستاپ قالىنعان مال - مۇلىكتى زاڭسىز ءبىر جاقتى ەتۋ دەلوسىنا ۇكىم شىعاردى
2016.09.27 14:55
جۋىردا قورعاس اۋداندىق حالىق پروكۋراتۋراسى الەۋمەتتىك ايىپتاۋعا جولداعان جاۋاپكەر لي جيا، لي - ي، لي بيڭدەردىڭ پەشەتتەلگەن، ۇستاپ قالىنعان مال - مۇلىكتى زاڭسىز ءبىر جاقتى ەتۋ دەلوسىنا تۇڭعىش رەت زاڭ بويىنشا ۇكىم شىعارىپ، ءۇش جاۋاپكەر جەكە - جەكە مەرزىمدى 1 جىلدىق قاماۋ جازاسىنا ۇكىم ەتىلدى.
2014 - جىلى تامىزدىڭ 27 - كۇنى، جاۋاپكەر لي ديڭ، دۇڭ حاۋ قاتارلىلار قورعاس اۋدانىنداعى اۋىل شارۋاشىلىق بانكەسىنەن قارىز اقشا الىپ، بۇعان لي جيا كەپىل بولادى. قارىز قايتارۋ مەرزىمى تولسا دا، ولار قارىزىن ۋاعىندا قايتارماعاندىقتان اۋىل شارۋاشىلىق بانكەسى قورعاس اۋداندىق حالىق سوتىنا ولاردىڭ ۇستىنەن ازاماتتىق ىستەر ارىزىن بەرىپ، قارىزدى قۋزاپ الىپ بەرۋدى تالاپ ەتەدى. 2015 - جىلى قازاننىڭ 8 - كۇنى، قورعاس اۋداندىق حالىق سوت مەكەمەسى زاڭ بويىنشا ازاماتتىق ىستەر ۇكىمىن شىعارىپ، لي جيا ىلىكتەستىك جاۋاپكەرلىك ارقالايتىندىعى جونىندە ۇكىم شىعارادى. تالاپكەر جاقتىڭ ءوتىنىشى بويىنشا قورعاس اۋداندىق حالىق سوت مەكەمەسى سول جىلى قازاننىڭ 23 - كۇنى لي جيا، لي - يدەردىڭ يەلىگىندەگى 666 تۇياق قويدى پەشەتتەپ، ۇستاپ قالۋ جونىندە ازاماتتىق ىستەر كەسىمىن شىعارادى دا، وسى قويلاردى ولاردىڭ ۋاقىتتىق قاراپ تۇرۋىنا تاپسىرادى. وسى ارالىقتا لي جيا، لي - ي، لي بيڭدەر وسى قويلاردىڭ حالىق سوت مەكەمەسى جاعىنان پەشەتتەلگەن، ۇستاپ قالىنعان مال - مۇلىك ەكەنىن انىق بىلە تۇرا، ماقۇلداۋدان وتكىزبەي تۇرىپ، ءوز بەتتەرىمەن 550 تۇياق قويدى قاشقارعا اپارىپ ساتىپ جىبەرەدى. جاعدايدان حابار تاپقان حالىق سوت مەكەمەسى دەرەۋ ناق مايدانعا بارىپ ولار ساتىپ جىبەرگەن وسى پەشەتتەلگەن، ۇستاپ قالىنعان مال - مۇلىككە اتقارۋ جۇرگىزەدى. ءبىراق، 116 تۇياق قوي ساۋدالانىپ كەتكەندىكتەن، پەشەتتەلگەن، ۇستاپ قالىنعان مال - مۇلىكتى تولىق اتقارۋعا مۇمكىندىك بولمايدى. وسى سەبەپتەن بولعان دەلوعا ساياتىن سوما 400 مىڭ يۋاننان اسادى.
«جۇڭحۋا حالىق رەسپۋبليكاسى قىلمىستىق ىستەر زاڭىنىڭ» 314 - تارماعىندا: «ءادىليا تاراۋلارى جاعىنان پەشەتتەلگەن، ۇستاپ قالىنعان، مۇزداتىلعان مال - مۇلىكتى جاسىرىپ، جوتكەپ، ساۋدالاپ، قاساقانا ءبۇلدىرىپ، زاردابى اۋىر بولعاندارى پەشەتتەلگەن، ۇستاپ قالىنعان، مۇزداتىلعان مال - مۇلىكتى زاڭسىز ءبىر جاقتى ەتۋ قىلىمىسى بويىنشا 3 جىلدان تومەن مەرزىمدى قاماۋ جازاسىنا، قاماي تۇرىپ ەڭبەككە سالۋ جازاسىنا تارتىلادى نەمەسە اقشالاي ايىپ سالىنادى» دەپ بەلگىلەنگەن. مۇنداعى زاردابى اۋىر دەگەنىمىز ارەكەت جۇرگىزۋشىنىڭ زياندى ارەكەتىنەن ۇكىم، كەسىمدەردەەى مال - مۇلىككە ساياتىن بولەگىن اتقارۋعا مۇمكىندىك بولماعان؛ دەلونى تەكسەرىپ، ايىپتاۋ قيمىلدارىنا اۋىر بوگەتتىك جاساعان؛ جاسىرعان، جوتكەپ ساتقان، قاساقانا بۇلدىرگەن مال - مۇلىكتىڭ سانى ەرەكشە زور بولعان جاعدايدى كورسەتەدى.
وسى دەلودا قورعاس اۋداندىق حالىق سوت مەكەمەسى جاۋاپكەرلەرگە 666 تۇياق قويدى پەشەتتەپ، ۇستاپ قالۋ جونىندە ارناۋلى ۇقتىرۋ تۇسىرگەن بولسا دا، جاۋاپكەرلەر وزدەرىنىڭ بۇل قويلاردى ءبىر جاقتى ەتۋ ۇقىعىنان الدەقاشان ايىرىلعانىن بىلە تۇرا ءادىليا تاراۋى جاعىنان پەشەتتەلگەن، ۇستاپ قالىنعان مال - مۇلىكتى ءوز بەتتەرىمەن ساتىپ، حالىق سوت مەكەمەسىنىڭ كەسىمدى اتقارۋىنا كەدەرگىلىك جاساعان، ونىڭ ۇستىنە دەلوعا ساياتىن سوما 400 مىڭ يۋاننان اسىپ، ءبىرشاما قوماقتى بولعان. سونىمەن جاۋاپكەرلەر حالىق سوت مەكەمەسى جاعىنان جوعارىداعىداي جازاعا تارتىلدى. قايىربەك قاسيران ۇلى (ءوز ءتىلشىمىز) ەلشات پارحات
كەلۋ قاينارى: شينجياڭ زاڭ جانە تۇرمىس گازەتى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
