بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

شينجياڭنىڭ قۇلجا ساقشى جاعى ەرەكشە ۇلكەن جالعامالى ساتۋ دەلوسىن اشكەرلەدى

دەلوعا قاتىستى سوما 31 ميلليون 210 مىڭ يۋانعا جەتكەن

2016.10.11 15:34     كەلۋ قاينارى : حالىق تورابى

  حالىق تورابى، 11 – قازان، بەيجيڭ. شينجياڭ قۇلجا ساقشى جاعى جاقىندا 5 ادامنان قۇرالعان توپتىڭ شياڭگاڭ چاۋفىڭ توبى ەلەكتروندىق ساۋدا سەرىكتىگى اتىن جامىلىپ جالعامالى ساتۋمەن شۇعىلدانعان دەلوسىن انىقتاعان، دەلوعا قاتىستى سوما 31 ميلليون 210 مىڭ يۋانعا جەتكەن.

  8 – قازان كۇنى شياڭگاڭ چاۋفىڭ توبى ەلەكتروندىق ساۋدا سەرىكتىگىنىڭ ۋاكىلى «زاڭدى ءٴادىل اتقارىپ، حالىقتى اپاتتان اراشالاپ، ادىلەتتى دە پاك بولىپ، بۇكىل ىنتا – پەيىلىمەن قىزمەت ىستەگەن» دەگەن جازۋ جازىلعان جالاۋدى شينجياڭ قۇلجا قالالىق قوعام حاۋىپسىزدىگى مەكەمەسى ەكونوميكالىق دەلولاردى بارلاۋ اترەتىنە تابىستاپ، ەكونوميكالىق دەلولاردى بارلايتىن حالىق ساقشىسىنىڭ جاپا – ماشاقاتقا توزە وتىرىپ، جاۋاپكەرشىلىكتەرىن ادا قىلىپ، قىلمىستىلارعا قاتاڭ سوققى بەرىپ، حالىقتى قورعاعانىنا شىنايى راحىمەتىن ايتتى جانە وسكەلەڭ قۇرمەت ءبىلدىردى.

  2014 – جىلدان 2015 – جىلعا دەيىن، قىلمىس كۇماندىسى داي XX شياڭگاڭ چاۋفىڭ توبى ەلەكتروندىق ساۋدا سەرىكتىگى مەملەكەتتىڭ جەر – جەرىنەن جارنا قوسۋ جولىمەن سەرىكتەس ساۋداگەر قابىلداپ، ساۋدا دۇكەنىن اشادى دەگەن اتپەن شينجياڭنىڭ قۇلجا قالاسىنداعى لي XX، چيۋ XX، ا XX تى وزىنە تارتىپ، جىبەك كورپە، اسقاباق ءدانى مايى، اۋىز سۋ ماشيناسى قاتارلى ونىمدەردى بازارعا سالىپ ساتۋدى شىرعا ەتىپ، ساۋداعا قاتىناسۋشىلارعا مۇشەلىك اقى تاپسىرۋ جولىمەن مۇشە بولۋ تولىمدىلىعىن الۋ شارتىن قويعان ءارى بەلگىلى ءتارتىپ بويىنشا دارەجەگە ءبولىپ، مۇشەلەر قاتارىن مولايتۋدى تىكەلەي نەمەسە قوسىمشا تۇردە پايداعا يە بولۋدىڭ نەگىزى ەتىپ، ءارقايسى جارناگەردەن 15 مىڭ يۋان دا، 45 مىڭ يۋان جارنا قاراجاتىن الىپ، ءار ايدا قارجىگەرلەرگە 2000 يۋاننان 6000 يۋانعا دەيىن ۇقساماعان مولشەردە پايدا بەرىپ، قاتىناسۋشىلاردى جالعاستى مۇشە قابىلداۋعا ەلىكتىرگەن. الدامشىلىقپەن مال – مۇلىككە يە بولىپ، قوعامدىق، ەكونوميكالىق ءتارتىپتى بۇلدىرەتىن مۇنداي جالعامالى ساتۋ قيمىلىندا زاياندالعاندار چىڭدۋ قالاسى، جىڭجوۋ قالاسى، ءۇرىمجى قالاسى، قاشقار قالاسى، قۇتىبي اۋدانى قاتارلى جەرلەردەن بولىپ، جالپى 870 ادامعا جەتىپ، دەلوعا قاتىستى سوما 19 ميلليون 553 مىڭ 200 يۋانعا جەتكەن.

  سونىمەن قاتار، لي XX چيۋ XX پەن بىرلەسىپ شينجياڭنىڭ قۇلجا قالاسىندا چاۋفىڭ تيجارات - جوسپارلاۋ شەكتى سەرىكتىگىن قۇرىپ، سەرىكتەس دۇكەن قۇرۋ دەگەن اتپەن بەزەنۋ بۇيىمدارى، قۋاتتاندىرۋ بۇيىمدارى، اۋىز سۋ ماشيناسى قاتارلى تاۋارلاردى ساتىپ، ىلە وبلىسىنداعى سەگىز اۋدان، ەكى قالادان مۇشە قابىلداپ، ءاربىر قارجىگەرلەردەن 15 مىڭ يۋان دا 45 مىڭ يۋان قارجى ءجيىپ، ءار ايدا قارجىگەرلەرگە تۇراقتى تۇردە 2000 يۋان دا 6000 يۋان مولشەرىندە پايدا بەرىپ، قاتىناسۋشىلاردى جالعاستى مۇشە قابىلداۋعا ەلىكتىرىپ، الداپ اقشا الىپ، مۇشە سانىن جيىنى 463 ادامعا جەتكىزگەن، دەلوعا قاتىستى سوما 11 ميلليون 659 مىڭ 700 يۋانعا جەتكەن.

  جوعارىداعى ايتىلعان ادامداردىڭ ارەكەتى جالعامالى ساتۋدى ۇيىمداستىرۋ، جالعامالى ساتۋعا باسشىلىق ەتۋ قىلمىسى بولىپ، قۇلجا قالالىق حالىق سوتى مەكەمەسى زاڭ بويىنشا داي XXكە 17 جىلدىق مەرزىمدى قاماق جازاسىن، داي XXكە 2 جىلدىق مەرزىمدى قاماق جازاسىن، لي XXكە 8 جىلدىق مەرزىمدى قاماق جازاسىن، چيۋ XXكە 7 جىلدىق مەرزىمدى قاماق جازاسىن بەردى.

  كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.