- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
التىنشى جالپى ءماجىلىس قارساڭىندا سەگىز «جولبارىس» جازاعا تارتىلدى
2016.10.26 14:18 كەلۋ قاينارى : حالىق تورابى
حالىق تورابى، 26 – قازان، بەيجيڭ. 19 – قازان كۇنى، جياڭسۋ ولكەسى نانتۇڭ قالالىق ورتا دارەجەلى حالىق سوتى مەكەمەسى سانشي ولكەلىك پارتكومنىڭ بۇرىنعى جوراسى، باس حاتشى نيە چۇنيۇي مەن سانشي ولكەلىك پارتكومنىڭ بۇرىنعى جوراسى، بىرلىكساپ ءٴبولىمىنىڭ باستىعى باي يۇنعا جەكە – جەكە اشىق ۇكىم شىعارىپ، ەكەۋىن دە پارا الۋ قىلمىسىمەن جەكە – جەكە 15 جىلدىق جانە 12 جىلدىق قاماق جازاسىنا كەستى. سونىمەن، 18 – كەزەكتى پارتيا ورتالىق كوميتەتىنىڭ التىنشى جالپى ءماجىلىسى اشىلۋ قارساڭىنا دەيىن، سەگىز «جولبارىستىڭ» دەلوسى ءٴبىرجاقتىلى بولدى.
4 ادام مەرزىمسىز قاماق جازاسىنا ۇكىم ەتىلدى 3 ادامنىڭ العان پاراسى ءجۇز ميلليون يۋاننان اسقان
30 – قىركۇيەك، گۋاڭشي جۋاڭزۋ اۆتونوميالى رايونى ناننيڭ قالالىق ورتا دارەجەلى حالىق سوتى مەكەمەسى مەن جىجياڭ ولكەسى نيڭبو قالالىق ورتا دارەجەلى حالىق سوتى مەكەمەسى گۋاڭدۇڭ ولكەلىك پارتكومنىڭ بۇرىنعى جوراسى، گۋڭجوۋ قالالىق پارتكومنىڭ بۇرىنعى شۋجيى ۋان چيڭلياڭنىڭ پارا الۋ دەلوسى مەن شاندۇڭ ولكەلىك پارتكومنىڭ بۇرىنعى جوراسى، جينان قالالىق پارتكومنىڭ بۇرىنعى شۋجيى ۋاڭ ميننىڭ پارا الۋ دەلوسىنا جەكە – جەكە اشىق ۇكىم شىعاردى.
ىلە – شالا، مەملەكەتتىك حالىق قۇرىلتايىنىڭ ورتا جانە بايلىقتى قورعاۋ كوميتەتى باستىعىنىڭ بۇرىنعى ورىنباسارى باي ىنپەي، جۇڭگو عىلىم – تەحنيكا قوعامىنىڭ بۇرىنعى پارتگرۋپپا شۋجيى شىن ۋەيچىن، حاينان ولكەسى باستىعىنىڭ بۇرىنعى ورىنباسارى تان لي، سانشي ولكەلىك حالىق قۇرىلتايى تۇراقتى كوميتەتى مەڭگەرۋشىسىنىڭ بۇرىنعى ورىنباسارى جين داۋميڭ جانە نيە چۇنيۇي، باي يۇن قاتارلى 6 ادامعا ۇكىم شىعارىلدى. جوعارىدا ايتىلعان 8 ادامنىڭ ىشىندە، باي ىنپەي ءولىم جازاسىنا ۇكىم ەتىلىپ، كەشىكتىرىلىپ اتقارىلادى، ۋان چيڭلياڭ، شىن ۋەيچىن، تان لي، جين داۋميڭ قاتارلى 4 ادام مەرزىمسىز قاماق جازاسىنا ۇكىم ەتىلدى، قالعان 3 ادام 12 جىلدان 15 جىل ارالىعىندا تۇرلىشە مەرزىمدى قاماق جازاسىنا ۇكىم ەتىلدى.
ۇعىسۋعا قاراعاندا، بۇل 8 ادامنىڭ ىشىندە، ۋان چيڭلياڭ، باي ىنپەي، جين داۋميڭ قاتارلى 3 ادامنىڭ العان پاراسى ءجۇز ميلليون يۋاننان اسقان. بۇلاردىڭ ىشىندە، ۋان چيڭلياڭنىڭ العان پاراسى 110 ميلليون يۋان، جين داۋميڭنىڭ العان پاراسى 120 ميلليون يۋان، باي ىنپەيدىڭ العان پاراسى ەڭ كوپ بولىپ، 247 ميلليون يۋانعا جەتكەن. بۇدان سىرت، باي ىنپەيدە تاعى دا قوماقتى مال – مۇلىك بار بولىپ، زاڭدى كىرىسىنەن الدە قايدا اسىپ كەتكەن، ٴارى بۇلاردىڭ كەلۋ قاينارى دا انىق ەمەس.
باي ىنپەي ومىرلىك قاماق جازاسىنا كەسىلگەن ءبىرىنشى ادام بولدى
نازار اۋدارۋعا تاتيتىنى، باي ىنپەي 18 – قۇرىلتايدان بەرگى قولعا تۇسكەن «جولبارىستاردىڭ» ىشىندەگى پارا مولشەرى ەڭ كوپ ادام بولىپ قالماستان، قىلمىستىق ىستەر زاڭىنا وزگەرىس ەنگىزۋ جوباسى (9) بىلتىر 1 – قاراشادان باستاپ اتقارىلعاننان بەرى ومىرلىك قاماق جازاسىنا كەسىلىپ، جازاسىن جەڭىلدەتۋگە، كەپىلگە بوساتا تۇرۋعا بولمايتىن ءبىرىنشى ادام بولعان.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
