- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
گۇما اۋدانىندا بۇقارانىڭ مۇددەسىنە ورەسكەل زياندى جەمقورلىق ماسەلەسىنە شاتىلعان 4 كادر تەكسەرىلىپ، جازالاندى
2016.11.28 11:06 كەلۋ قاينارى : شينجياڭ گازەتى
ءوز حابارىمىز. جۋىقتا اۆتونوميالى رايوندىق ءتارتىپ تەكسەرۋ كوميتەتى مىنانى حابارلاندىردى: حوتان ايماقتىق ءتارتىپ تەكسەرۋ كوميتەتى گۇما اۋدانى كوكتەرەك اۋىلدىق پارتكومنىڭ بۇرىنعى شۋجيى ياڭ جۇنفىڭ، كوكتەرەك اۋىلدىق پارتكومنىڭ بۇرىنعى ورىنباسار شۋجيى، بۇرىنعى اۋىل باستىعى ەركىن ماحمۇت، كوكتەرەك اۋىلى تومەن قۇمىلىق قىستاعى پارتيا ياچەيكاسىنىڭ بۇرىنعى شۋجيى روزىمامەت ماحمۇت پەن گۇما اۋداندىق وقۋ - اعارتۋ مەكەمەسى پارتيا باسشىلىق گرۋپپاسىنىڭ بۇرىنعى شۋجيى، مەكەمەنىڭ ورىنباسار باستىعى دۇڭ گۋاڭبيننىڭ بۇقارانىڭ مۇددەسىن ورەسكەل زيانداعان جەمقورلىق ماسەلەسىنە دەلو تۇرعىزىپ تەكسەرۋ جۇرگىزدى. تەكسەرۋ ارقىلى ياڭ جۇنفىڭنىڭ تارتىپكە قايشىلىق جاساپ، جالپى 5 ميلليون 700 مىڭ يۋاننان كوبىرەك، ەركىن ماحمۇتتىڭ تارتىپكە قايشىلىق جاساپ، جالپى 5 ميلليون 500 مىڭ يۋاننان كوبىرەك، روزىمامەت ماحمۇتتىڭ تارتىپكە قايشىلىق جاساپ، جالپى 180 مىڭ يۋاننان كوبىرەك اقشانى جىمقىرعانى، دۇڭ گۋاڭبيننىڭ باسقالاردان كوپ دۇركىن قول ۇزدىك العانى انىقتالدى. بۇل تورتەۋىنىڭ ءتارتىپ بۇزعاندىعى تۋرالى فاكتىلەر مەن ءبىر جاقتى ەتىلۋ جاعدايى تومەندەگىدەي:
ءبىرىنشى، قىزمەت بابىن اسىرا پايدالانىپ، ارام ولجا جيناعان. ياڭ جۇنفىڭ، ەركىن ماحمۇت قورقاۋشا قوماعايلانىپ، پارتيالىق قاسيەتىن جويىپ، ءوزارا اۋىز جالاسىپ، توپالاڭنان توقاش ۇرلاپ، بۇقارانىڭ «وزەك جالعار» قاراجاتىنا − اپاتتان كەيىنگى قايتا قۇرۋ نىسانىنا بولىنگەن قاراجاتقا سۇعاناقتىق جاساعان، گۇما اۋدانىندا 5.6 بال جەر سىلكىنگەننەن كەيىن، مەملەكەتتەن سىلكىنىسكە شىدامدى بەيقۇت ءۇي سالۋعا بوساتىلعان قاراجاتتى بۇقاراعا بازار باعاسىنان جوعارى مەتالپلاستيكالىق تەرەزە، تەمىر ارقاۋ سياقتى ناقتى زاتقا سىندىرىپ بەرىپ، اراسىنان ءارقايسىسى 2 ميلليون يۋاننان اسا ولجا الىپ، اپاتقا ۇشىراعان بۇقارانىڭ مۇددەسىن ورەسكەل زيانداپ، پارتيا مەن ۇكىمەتتىڭ وبرازىنا ورەسكەل داق كەلتىرگەن، پارتيا ءتارتىبى، مەملەكەت زاڭىنا قايشىلىق جاساۋمەن بىرگە، ادامشىلىق ار - ۇياتتى دا جوعالتقان.
ەكىنشى، قۋ باستان قۋىرداقتىق ەت الىپ، بۇقارامەن مۇددەگە تالاسقان. ياڭ جۇنفىڭ، ەركىن ماحمۇت ءتۇرلى - ءتۇستى ايلا - شارعى ويلاپ تاۋىپ، مەملەكەتتىڭ حالىققا تيىمدىلىك جاساۋعا بولگەن قاراجاتىن وتىرىك مالىمدەۋ، قىمقىرۋ، ۇستاپ قالۋ جولدارىمەن قالاعانىنشا الداپ الىپ، بۇقارانىڭ ءتول مۇددەسىن ورەسكەل زيانداعان، 2014 - جىلدان بەرى ەكەۋى سىبايلاسىپ، قىستاق دارەجەلى الەۋمەتتىك يگىلىك ىستەرىنىڭ اينالىمىنا بولىنگەن ارناۋلى قاراجاتتان 2 ميلليون 800 مىڭ يۋان، ماقتا ەگۋگە بەرىلگەن كومەك قاراجاتتان 460 مىڭ يۋان اقشانى الداپ العان. روزىمامەت ماحمۇت الىنەن اسىپ، ەگىنشىلەردىڭ ءۇي سالۋىنا قاجەتتى كەرپىش الۋعا بولىنگەن قاراجاتتان 13 مىڭ يۋان اقشانى ءوزىنىڭ كەرپىش ساتىپ الۋ سياقتى شىعىندارىنا جۇمساعان، قىستاقتاعى حالىق جاساقتارىنىڭ ەڭبەكاقىسىنا تولەنۋگە ءتيىستى قاراجاتتان 28 مىڭ يۋان اقشانى تۋىسىنىڭ قورا - قالتقى سالۋىنا جۇمساعان، مەملەكەتتىڭ جەر سىلكىنىسىنە قارسى اتتانىپ، اپاتتان قۇتقارۋعا بولگەن كومەك قاراجاتىنان 30 مىڭ يۋان اقشانى الداپ الىپ، ءۇيىن جوندەتۋگە جۇمساعان.
ءۇشىنشى، قارا نيەتى قابىنىپ، بيلىك - اقشا ايىرباسىمەن اينالىسقان. ياڭ جۇنفىڭ قولىنداعى بيلىكتى قارا باسىنىڭ قامىنا پايدالانىپ، 6 جەكە كاسىپكەر مەن ءبىر اۋىل كادرىنا قۇرىلىس قاراجاتىن تولەۋ، قىزمەت ءوسىرۋ سياقتى جاقتاردا پايدا جەتكىزىپ، 100 مىڭ يۋاننان اسا ناق اقشا العان. ەركىن ماحمۇت روزىمامەت ماحمۇتتىڭ كانديدات پارتيا مۇشەسى ەكەنىن بىلە تۇرا، ونان قول ۇزدىك العاننان كەيىن، تارتىپكە قايشىلىق جاساپ، ونى قىستاق پارتيا ياچەيكاسىنىڭ شۋجيى قىزمەتىنە كورسەتكەن. روزىمامەت ماحمۇت باسقالارعا پايدا جەتكىزۋگە ۋادە بەرىپ، ولاردىڭ ۇسىنعان ناق اقشاسىن العان. دۇڭ گۋاڭبين قىزمەت بابىن پايدالانىپ، مەكتەپ كيىمى مەن ساباقتان سىرت وقۋلىقتاردى ەسەپتەن كوتەرۋ سياقتى جاقتاردا باسقالارعا پايدا جەتكىزىپ، ولار ۇسىنعان ناق اقشانى العان.
ءتورتىنشى، ستيلدە دورەكىلىك ىستەپ، بۇقاراعا الىمجەتتىك جاساعان. ەركىن ماحمۇت بۇقارانىڭ مۇڭ - مۇقتاجىمەن ساناسپاي، بەيقۇت ءۇي سالىپ، حالىقتى اۋقاتتاندىرۋ بويىنشا بۇقاراعا تيەسىلى كورسەتكىشتى يەمدەنىپ، تارتىپكە قايشى تۇردە تۇرعىن ۇيلىك جەر ساتىپ العان. روزىمامەت ماحمۇت قىستاقتا زورلىق - زومبىلىق جاساپ، ابدەن ەسىرىپ، قىستاق تۇرعىندار كوميتەتىنىڭ باسكەتبول الاڭىن سالدىرۋعا كەرەك دەگەن سياقتى سىلتاۋمەن قىستاقتاعى 2 تۇرعىننىڭ تۇرعىن ۇيلىك جەرىن زورلىقپەن يەمدەنىپ، ءوز تۋىسىنا الىپ بەرگەن؛ جەر سىلكىنىسىنە ءتوزىمدى بەيقۇت ءۇي كورسەتكىشىن يەمدەنىپ، شارتى تولاتىن ەگىنشىلەردى ساياساتتىڭ يگىلىگىن كورۋدەن قاققان؛ باسقارۋ، قىزمەت كورسەتۋ قيمىلدارىندا بۇقاراعا كەلسە - كەلمەس ايىپ سالىپ، اقى تولەتىپ، تارتىپكە قايشىلىق جاساعان.
روزىمامەت ماحمۇت بولشەكتەۋشىلىككە قارسى كۇرەستە «ەكىبەتكەيلىك» ىستەپ، زورلىقتى كۇش لاڭكەستىك ارەكەتتەرىنە قولداۋ كورسەتىپ، زورلىقشىل لاڭكەستەردى ىرقىنا جىبەرىپ، قانات استىنا العان.
اۆتونوميالى رايوندىق ءتارتىپ تەكسەرۋ كوميتەتى اقىلداسىپ، حوتان ايماقتىق پارتكوم مەن ءتارتىپ تەكسەرۋ كوميتەتىنىڭ ءبىر جاقتى ەتۋ پىكىرىنە قوسىلىپ، ياڭ جۇنفىڭ، ەركىن ماحمۇتقا پارتيادان، قىزمەتتەن شىعارۋ، روزىمامەت ماحمۇتقا پارتيادان شىعارۋ جازاسىن بەرىپ، ۇشەۋىنىڭ قىلمىسقا قاتىستى ماسەلەلەرىنىڭ دەرەگىن ءادىليا ورگاندارىنىڭ ءبىر جاقتى ەتۋىنە وتكىزۋدى؛ دۇڭ گۋاڭبيننىڭ جەكە باسىنا قاتىستى ماسەلەلەردى ىرىقتىلىقپەن مويىنداپ، تارتىپكە قايشى قىمقىرعان اقشاسىن تولىعىمەن جوعارىعا وتكىزۋى جازانى جەڭىلدەتۋ، جەڭىلدەتۋ شارتىنا ۇيلەسەتىندىكتەن، وعان پارتيادان شىعارۋ، اكىمشىلىك قىزمەتتەن بوساتۋ جازاسىن بەرىپ، ونىڭ قىزمەت دارەجەسىن ءبولىم باستىعى دارەجەسىنەن ادەتتەگى قىزمەتكەر دارەجەسىنە تومەندەتۋدى ۇيعاردى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
