بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

ەڭ جوعارى حالىق سوتى مەكەمەسى: نارەستەلەردى، بالالاردى ۇرلاپ العاندارعا ەڭ جوعارى بولعاندا ءولىم جازاسى بەرىلەدى

2016.12.23 16:22     كەلۋ قاينارى : حالىق تورابى

  «حالىق گازەتى»، 22 – جەلتوقسان، بەيجيڭ (ءتىلشى شۇي جۇن). «ەڭ جوعارى حالىق سوتى مەكەمەسىنىڭ ايەلدەر مەن بالالاردى الداپ ساتۋ قىلمىس دەلوسىنا ناقتى زاڭ قولدانۋ جونىندەگى ءبىرقانشا ماسەلە جونىندەگى تۇسىنىگى» جۋىردا جاريالاندى، 2017 – جىلى 1 – قاڭتاردان باستاپ اتقارىلادى.

  ءادىليالىق تۇسىنىكتە بىلاي دەپ بەلگىلەندى: نارەستەلەردى، بالالاردى الداۋ، ازدىرۋ سياقتى تاسىلدەرمەن قاراۋشىلارىنان ايىرعاندار قىلمىستىق ىستەر زاڭىنىڭ 240 – تارماعىنىڭ 1 – تارماقشا 6 - بولەگىندەگى بەلگىلەمە بويىنشا «نارەستەلەر مەن بالالاردى ۇرلاۋشىلار» دەپ قارالادى. قىلمىستىق ىستەر زاڭىنىڭ 240 – تارماعىنداعى بەلگىلەمە بويىنشا، ايەلدەر مەن بالالاردى الداپ ساتقاندارعا 5 جىلدان جوعارى 10 جىلدان تومەن مەرزىمدى قاماۋ جازاسى بەرىلەدى ءارى اقشالاي ايىپ سالىنادى؛ ساتۋدى ماقسات ەتىپ، نارەستەلەردى، بالالاردى ۇرلاعاندارعا 10 جىلدان جوعارى مەرزىمدى قاماۋ جازاسى نەمەسە مەرزىمسىز قاماۋ جازاسى بەرىلەدى ءارى اقشالاي ايىپ سالىنادى نەمەسە مال – مۇلكى ءمۇسادىرالانادى؛ جاعدايى توتەنشە اۋىر بولعاندارعا ءولىم جازاسى بەرىلەدى ءارى مال – مۇلكى ءمۇسادىرالانادى.

  ءادىليالىق تۇسىنىكتە بىلاي دەپ ايقىن بەلگىلەندى: ەمدەۋ قۇرىلىمى، قوعامدىق يگىلىك قۇرىلىمى سياقتى ورىندارداعى قىزمەتكەرلەر زاڭسىز پايدا تابۋدى ماقسات ەتىپ، ەمدەلىپ، قارالىپ، كۇتىمدەلىپ جاتقان بالالاردى باسقالارعا ساتسا، بالالاردى الداپ ساتۋىلار قاتارىندا جازالانادى. نەكەگە تانىستىرۋدى سىلتاۋراتىپ، ازاماتتىق كۋالىگىن زاڭسىز ۇستاپ قالۋ، كىسىلىك ەركىندىگىنە شەكتەۋ قويۋ تاسىلدەرىمەن نەمەسە ايەلدەر انىق ۇعا المادى، ءتىل تابىسا المادى، جالعىز قالدى دەگەن سىلتاۋلارمەن ولاردىڭ ەركىنە قيعاشتىق جاساپ، ولاردى باسقالارعا ساتىپ جىبەرگەندەرگە قاراتا ايەلدەردى الداپ ساتۋ قىلمىسى بويىنشا قىلمىستىق ىستەر جاۋاپكەرلىگى قۋزالادى. نەكەگە تانىستىرۋدى سىلتاۋراتىپ، تانىستىرىلعان ايەلدەردەن پايدالانىپ باسقالاردىڭ اقشاسىن، مال – مۇلكىن الداپ العاندارعا قارتا، سوماسى ءبىرشاما قوماقتى بولسا، الدامشىلىق قىلمىسى رەتىندە قىلمىستىق ىستەر جاۋاپكەرلىگى قۋزالادى.

  كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.