حالىق تورابى، 20 – قاڭتار، بەيجيڭ. 19 – قاڭتار، شاندۇڭ ولكەسى دىجوۋ قالاسى ورتا دارەجەلى حالىق سوتى مەكەمەسى اشىق سوت اشىپ، جۇڭگو مۇناي – تابيعي گاز توبى سەرىكتىگىنىڭ بۇرىنعى باس ديرەكتورى لياۋ يۇڭيۋاننىڭ پارا الۋ، قوماقتى مال – مۇلكىنىڭ كەلۋ قاينارى بەيمالىم بولۋ دەلوسىنا تەرگەۋ جۇرگىزىپ، ايىپتالۋشى لياۋ يۇڭيۋاننىڭ پارا الۋ قىلمىسىنا 12 جىلدىق مەرزىمدى قاماق جازاسىن بەردى ءارى ءبىر ميلليون 500 مىڭ يۋان اقشالاي ايىپ سالدى؛ قوماقتى مال – مۇلكىنىڭ كەلۋ قاينارى بەيمالىم بولۋ قىلمىسىنا 5 جىل 6 ايلىق مەرزىمدى قاماق جازاسىن بەردى، سوڭىندا 15 جىلدىق مەرزىمدى قاماق جازاسىن بەرۋدى ءارى ءبىر ميلليون 500 مىڭ يۋان اقشالاي ايىپ سالۋدى ۇيعاردى. دەلوداعى لياۋ يۇڭيۋاننىڭ پارا الۋ جولىمەن كەلگەن اقشاسى مەن كەلۋ قاينارى بەيمالىم قوماقتى مال - مۇلكى مەملەكەت قازىناسىنا تاپسىرىلدى.
كەلۋ قاينارى: حالىق تورابى