- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭدا زاڭسىز ينفورماتسيالاردى تاراتۋعا قاتىستى تيپتىك 7 ماسەلە زاڭ بويىنشا انىقتالدى ءارى جاريالاندى
2017.02.14 14:32 كەلۋ قاينارى : حالىق تورابى
حالىق تورابى، 14 – اقپان، بەيجيڭ. ءتاڭىرتاۋ تورابىنىڭ حابارلاۋىنشا، ءتىلشىنىڭ شينجياڭ ينتەرنەتتىك ينفورماتسيا كەڭسەسىنەن ۇعىسۋىنشا، جۋىردا شينجياڭ ينتەرنەتتىك ينفورماتسيا كەڭسەسى، اۆتونوميالى رايوندىق قوعام حاۋىپسىزدىگى مەڭگەرمەسى، شينجياڭ حابارلاسۋدى باسقارۋ مەكەمەسى قاتارلى ورىندار عالامتوردا زاڭسىز ينفورماتسيالاردى تاراتۋعا قاتىستى تيپتىك 7 ماسەلەنى بۇقارانىڭ مالىمدەۋىمەن زاڭ بويىنشا تەكسەرىپ - انىقتاپ ءبىرجاقتىلى ەتتى ءارى جاريالادى. تەكسەرۋ ناتيجەسىنە قاراعاندا، قاتىستى ادامدار عالامتور قاتارلى تەكشەلەردەن پايدالانا وتىرىپ، زورلىقتى كۇش لاڭكەستىك ارەكەتتى، ءدىني ۇشقارىلىقتى، ۇلتتىق بولشەكتەۋشىلىكتى جانە وسەك – اياڭ، جالعان اقپاراتتاردى ۋاعىزداعان؛ قورلاۋ، ۇرەيلەندىرۋ، جالا جابۋ مازمۇنىنداعى دىبىستى قۇجاتتاردى، كەسكىندى، جازبا ماتەريالداردى جانە سۋرەتتەردى ۇگىتتەگەن، ساقتاعان، تاراتقان. قوعام حاۋىپسىزدىگى تاراۋلارى «جۇڭحۋا حالىق رەسپۋبليكاسىنىڭ قىلمىستىق ىستەر زاڭى»، «جۇڭحۋا حالىق رەسپۋبليكاسىنىڭ لاڭكەستىككە قارسى تۇرۋ زاڭى»، «جۇڭحۋا حالىق رەسپۋبليكاسىنىڭ اماندىق باسقارۋعا قاتىستى جازالاۋ زاڭى»، «ينتەرنەتتىك ينفورماتسيالىق قىزمەت وتەۋدى باسقارۋ ءادىسناماسى»، «شينجياڭ ۇيعۇر اۆتونوميالى رايونىنىڭ عالامتوردا جالعان ينفورماتسيالاردى تاراتۋدان ساقتانۋ جانە ونى جازالاۋ ەرەجەسى» قاتارلى زاڭ – بەلگىلەمەلەرگە قايشىلىق جاساعان قاتىستى ادامدار مەن تەكشەلەردى زاڭ بويىنشا قاتاڭ تەكسەرىپ - انىقتاپ، ءبىرجاقتىلى ەتتى.
ءبىرىنشى دەلو: ونسۋ اۋدانىنداعى رۋXXدىڭ زورلىقتى كۇش لاڭكەستىك ارەكەتىنە قاتىستى دىبىس – كەسكىن قۇجاتىن ساقتاۋ، تاراتۋ دەلوسى
2016 – جىلى 1 – جەلتوقساندا بەلگىلى توردوس رۋXXدىڭ (ەر، ۇيعۇر، 24 جاستا، اقسۋ ايماعى ونسۋ اۋدانىنان) قولفون ارقىلى ياXXعا (ەر، ۇيعۇر، 28 جاس، قاشقار ايماعى يىڭىسار اۋدانىنان) زورلىقتى كۇش لاڭكەستىك ارەكەتىنە قاتىستى دىبىس – كەسكىن قۇجاتتارىن جولداعان. قوعام حاۋىپسىزدىگى تاراۋلارى رۋXXدىڭ قولفونى مەن قۇجات ساقتاۋ كارتۋچكاسىن تەكسەرۋ بارىسىندا زورلىقتى كۇش لاڭكەستىك ارەكەتىنە قاتىستى 114 دانا دىبىس – كەسكىن قۇجاتىن بايقاعان. 2016 – جىلى 11 – جەلتوقساندا قاتىستى زاڭ – تۇزىمدەر بويىنشا، قوعام حاۋىپسىزدىگى تاراۋلارى رۋXX پەن ياXXعا قىلمىستىق ىستەر بويىنشا تۇتقىنداي تۇرۋ جازاسىن بەرگەن.
ەكىنشى دەلو: كۇشار اۋدانىنداعى تۇXXنىڭ ءدىني ۇشقارىلىقتى دارىپتەيتىن دىبىس – كەسكىن قۇجاتىن ساقتاۋ دەلوسى
2016 – جىلى 14 – جەلتوقساندا بەلگىلى توردوس تۇXXنىڭ (ەر، ۇيعۇر، 21 جاس، اقسۋ ايماعى كۇشار اۋدانىنان) كوپ مەديالى كارتۋچكاسىنا «ايەلدەردىڭ حيدجاپ كيۋى»، «ءجۇزىن تۇمشالاۋى» «جيحاد» قاتارلى تاقىرىپتارداعى ءدىني ۇشقارىلىقتى دارىپتەيتىن 6 دانا كەسكىندى ساقتاپ جۇرگەنىن مالىمدەگەن. قاتىستى زاڭ – تۇزىمدەر بويىنشا، قوعام حاۋىپسىزدىگى تاراۋلارى تۇXXنى زاڭ بويىنشا قىلمىستىق ىستەر بويىنشا تۇتقىنداي تۇرۋ جازاسىن بەرگەن.
ءۇشىنشى دەلو: كۇشار اۋدانىنداعى ايXXنىڭ ءدىني ۇشقارى يدەيانى ۋاعىزداعان سۋرەتتەردى تاراتۋ دەلوسى
ايXX (ەر، ۇيعۇر، 25 جاستا، اقسۋ ايماعى كۇشار اۋدانىنان) 2017 – جىلى 10 – اقپاندا ءدىني ۇشقارى يدەيانى ۋاعىزداعان 32 دانا سۋرەتتى جەكەلىك QQ پاراقشاسىنا شىعارعان ءارى ساقتاعان. قاتىستى زاڭ – تۇزىمدەرگە ساي، قوعام حاۋىپسىزدىگى تاراۋلارى ايXXعا قىلمىستىق ىستەر بويىنشا تۇتقىنداي تۇرۋ جازاسىن بەرگەن.
ءتورتىنشى دەلو: حوتان ايماعىنداعى نۇXXنىڭ ءدىني ۇشقارىلىق مازمۇنىنداعى سوزدەردى تاراتۋ دەلوسى
نۇXX (ايەل، ۇيعۇر، 34 جاستا، حوتان ايماعى شەريا اۋدانىنان) 2017 – جىلى 9 – قاڭتاردا ءوزى قۇرعان «مىھرى» اتتى ۋيچات تۇعىرىندا ۇلتتىق بولشەكتەۋشىلىك جانە ءدىني ۇشقارىلىق مازمۇنىنداعى سوزدەردى تاراتقان. قاتىستى زاڭ – تۇزىمدەرگە ساي، قوعام حاۋىپسىزدىگى تاراۋلارى نۇXXعا اكىمشىلىك جاقتان 10 كۇن تۇتقىنداي تۇرۋ جازاسىن بەرىپ، ونىڭ ۋيچات تۇعىرىن جاپقان.
بەسىنشى دەلو: تۇرپان قالاسىنداعى اXXنىڭ وسەك – اياڭ تاراتۋ دەلوسى
ا XX (ايەل، ۇيعۇر، 31 جاستا، تۇرپان قالاسىنان) 2016 – جىلى 22 – جەلتوقساندا ۋيچات توبىندا «جۋىردا ءايدىز ۆيروسى قۇيىلعان 20 توننا بانان شينجياڭعا جەتكىزىلدى، ۇعىسۋعا قاراعاندا، بايىنعولىنداعى جەمىس – جيدەك تولايىم ساتۋ بازارىندا ءايدىز ۆيروسى قۇيىلعان بانان بايقالعان. ۇكىمەت بۇل ءىستى قاتاڭ تەكسەرۋدە، توردوستاردىڭ قازىرشە بانان جەمەۋىن ءۇمىت ەتەمىز» دەگەن سوزدەردى جولداعان. قاتىستى زاڭ – تۇزىمدەرگە ساي، قوعام حاۋىپسىزدىگى تاراۋلارى اXXعا زاڭ بويىنشا اكىمشىلىك جاقتان 10 كۇن تۇتقىنداي تۇرۋ جازاسىن بەرگەن.
التىنشى دەلو: بۇراتالا قالاسىنداعى ليۋ Xدىڭ لاڭكەستىككە قاتىستى جالعان ينفورماتسيا تاراتۋ دەلوسى
الاتاۋ قالالىق قوعام حاۋىپسىزدىگى تاراۋلارى 2017 – جىلى 7 – قاڭتاردا ليۋ Xدىڭ (ايەل، حانزۋ، 30 جاستا، بۇراتالا وبلىسى جىڭ اۋدانىنان) ۋيچاتتىڭ دوستىق شەڭبەرىنە «الاتاۋ ساعاسى وتكەلىندە قاتىناس توسىلىپ قالدى! جاڭا عانا ءبىر سودىردى اتىپ ءولتىرىپتى، كوپشىلىك كوشەگە شىققاندا ابايلاڭدار» دەگەن مازمۇنداعى ينفورماتسيانى جولداعان. قاتىستى زاڭ – تۇزىمدەرگە ساي، قوعام حاۋىپسىزدىگى تارۋالارى ليۋ Xعا اكىمشىلىك جاقتان 15 كۇن تۇتقىنداي تۇرۋ جازاسىن بەردى.
جەتىنشى دەلو: ءۇرىمجى قالاسىنداعى جاڭ Xنىڭ اۆتونوميالى رايوننىڭ ورنىقتىلىقتى قورعاۋ شارالارىنا قاساقانا شابۋىل جاساۋ دەلوسى
جاڭ Xنىڭ (ەر، حانزۋ، 24 جاستا، ءۇرىمجى قالاسى سايباق رايونىنان) 2017 – جىلى 5 – اقپاندا «بايدۋ تەمەحاناسى ـ ءۇرىمجى پاراقشاسىندا» تەمە جولداپ، اۆتونوميالى رايوننىڭ ورنىقتىلىقتى قورعاۋ شارالارىنا قاساقانا شابۋىل جاساعان، باسقالاردى ياناتتاعان جانە باسقالارعا جالا جاپقان. قاتىستى بەلگىلەمەلەرگە ساي، قوعام حاۋىپسىزدىگى تاراۋلارى جاڭ Xعا اكىمشىلىك جاقتان 10 كۇن تۇتقىنداي تۇرۋ جازاسىن بەردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
